جىل باسىنان بەرٸ ەلوردادا تۇرمىستىق قىلمىس ٷشٸن 900 ادام جاۋاپقا تارتىلدى, دەپ حابارلايدى قازاقپارات.
بۇل تۋرالى نۇر-سۇلتان قالاسى پوليتسييا دەپارتامەنتٸ ەيەلدەردٸ زورلىق-زومبىلىقتان قورعاۋ بٶلٸمشەسٸنٸڭ اعا ينسپەكتورى گٷلميرا شراحمەتوۆا ايتىپ بەردٸ.
«جىل باسىنان بەرٸ 9 ايدا قىلمىستاردىڭ تٸركەلۋ سانى 37,1 پايىزعا تٶمەندەگەنٸن بايقادىق. ٸس جٷزٸندە بارلىق تٷرلەر بويىنشا قىلمىستاردىڭ تٶمەندەۋٸ بايقالادى. پروفيلاكتيكالىق جۇمىستى كٷشەيتۋ نەتيجەسٸندە قوعامدىق ورىندارداعى قىلمىس – 53,9 پايىزعا, كٶشەلەردە – 53,7 پايىزعا, ماس كٷيٸندە قىلمىس جاساۋ – 37,7 پايىزعا تٶمەندەگەن. 10 مىڭ تۇرعىنعا شاققاندا قىلمىس دەڭگەيٸ 40,2% ازايعان. الايدا, جاسالعان بارلىق شارالارعا قاراماستان وتباسىلىق-تۇرمىستىق قىلمىستار 4 پايىزعا ارتقان», - دەدٸ گ. شراحمەتوۆا پوليتسييا دەپارتامەنتٸندە ٶتكەن باسپاسٶز مەسليحاتىندا.
ونىڭ ايتۋىنشا, كٶپ جاعدايدا ەيەلدەر تەن جاراقاتى بويىنشا پوليتسيياعا جٷگٸنەدٸ.
«پاندەمييا جاعدايىندا حالىقتىڭ ٶمٸر سالتى تٷبەگەيلٸ ٶزگەردٸ, ەلەۋمەتتٸك قارىم-قاتىناس ازايىپ, ماتەريالدىق جاعدايدىڭ ناشارلاۋى ادامداردىڭ پسيحولوگييالىق جاعدايىنا تەرٸس ەسەر ەتتٸ. ٸشٸمدٸك ٸشۋ سالدارىنان وتباسىلىق شيەلەنٸستەر تۋىندادى. بٸز ەسەپكە الىنعان ادامدارمەن – ماسكٷنەمدەر (1009 ادام), ناشاقورلار (370 ادام), وتباسىلىق جانجال شىعارۋشىلارمەن (5917 ادام) پروفيلاكتيكانى كٷشەيتتٸك. الكوگول مەن ەسٸرتكٸگە تەۋەلدٸلٸكتەن مەجبٷرلەپ ەمدەۋ جۇمىستارىن جالعاستىرۋدامىز», - دەپ تٷسٸندٸردٸ دەپارتامەنت ٶكٸلٸ.
دەپارتامەنت مەلٸمەتتەرٸنە سەيكەس, تۇرمىستىق قىلمىس ٷشٸن 920 ادام جاۋاپقا تارتىلعان.
«جەبٸر كٶرگەندەردٸ قورعاۋ ٷشٸن 5 917 نۇسقاما شىعارىلدى. 260 ەيەل داعدارىس ورتالىقتارىنا ورنالاستىرىلدى. قورعاۋ تالاپتارىن بۇزعانى ٷشٸن 147 ادام جازالاندى», - دەيدٸ گ. شراحمەتوۆا.
