استانادا جەنە قازاقستاننىڭ ەكٸ ٶڭٸرٸندە العاش رەت تاۋارلىق گازعا شەكتٸ كٶتەرمە ساۋدا باعاسى بەكٸتٸلدٸ. بۇل تۋرالى قر ەنەرگەتيكا مينيسترٸ نۇرلان نوعاەۆ حالىق الدىندا ەسەپ بەرۋ كەزدەسۋٸندە ايتتى, دەپ حابارلايدى قازاقپارات.
«سارىارقا» ماگيسترالدىق گاز قۇبىرى قۇرىلىسىنىڭ ارقاسىندا نۇر-سۇلتان قالاسى, اقمولا جەنە قاراعاندى وبلىستارىنىڭ تۇرعىندارى كٶگٸلدٸر وتىندى پايدالانۋعا مٷمكٸندٸك الدى. قىزىلوردا وبلىسىنان باستالاتىن «سارىارقا» گاز قۇبىرى ەلٸمٸزدٸڭ استاناسىن, ورتالىق جەنە سولتٷستٸك ٶڭٸرلەردٸ كٶگٸلدٸر وتىنمەن قامتاماسىز ەتۋگە مٷمكٸندٸك بەرەدٸ», - دەيدٸ قر ەنەرگەتيكا مينيسترٸ نۇرلان نوعاەۆ.
ونىڭ ايتۋىنشا, نۇر-سۇلتان قالاسىنىڭ, اقمولا جەنە قاراعاندى وبلىستارىنىڭ تۇتىنۋشىلارى ٷشٸن قر ەنەرگەتيكا مينيسترلٸگٸ شەكتٸ كٶتەرمە باعانى 1000 تەكشە مەتر ٷشٸن ققس-سىز 24 537 تەڭگە مٶلشەرٸندە بەكٸتتٸ.
«تاۋارلىق گازعا شەكتٸ كٶتەرمە باعانى قر ەنەرگەتيكا مينيسترلٸگٸ قر ۇلتتىق ەكونوميكا مينيسترلٸگٸمەن كەلٸسۋ ارقىلى ۇلتتىق وپەراتوردىڭ تاۋارلىق گازدى ساتىپ الۋعا جەنە تاۋارلىق گازدى تاسىمالداۋعا كەتكەن شىعىندارىن, ٶڭٸرلەردٸ گازبەن قامتۋدىڭ ەكونوميكالىق جەنە ەلەۋمەتتٸك جاعدايلارىن ەسكەرە وتىرىپ, بەكٸتەدٸ. قازٸرگٸ ۋاقىتتا ماگيسترالدىق گاز قۇبىرىنا قوسۋ ٷشٸن جەرگٸلٸكتٸ اتقارۋشى ورگاندار, ياعني نۇر-سۇلتان قالاسى, قاراعاندى جەنە اقمولا وبلىستارىنىڭ ەكٸمدٸكتەرٸ گازدى ودان ەرٸ حالىققا بەرۋ ٷشٸن گاز تاراتۋ جەلٸلەرٸنٸڭ قۇرىلىسى بويىنشا جۇمىستار جٷرگٸزۋدە», - دەپ اتاپ ٶتتٸ نۇرلان نوعاەۆ.
