بٷگٸن قاراعاندى تاس جولىنداعى «جٸبەك جولى» بلوكپوستىندا نۇر-سۇلتاننىڭ پوليتسييا دەپارتامەنتٸنٸڭ باسشىسى ەرجان سەدەنوۆ ۆيرۋسپەن كٷرەسۋدە الدىڭعى شەكتە بولىپ, ونىڭ تارالۋىنا جول بەرمەۋ ٷشٸن بەلسەندٸ جۇمىس ٸستەگەن دەرٸگەرلەر, پوليتسەيلەر مەن ۆولونتەرلەردٸ ماراپاتتادى, - دەپ حابارلاندى ەلوردا ەكٸمدٸگٸنٸڭ رەسمي سايتىندا.
دەرٸگەرلەر, ەرٸكتٸلەر مەن پوليتسەيلەر قر ٸٸم مينيسترٸ ەرلان تۇرعىمباەۆ, ەلوردا ەكٸمٸ التاي كٶلگٸنوۆ جەنە نۇر-سۇلتان قالاسى پوليتسييا دەپارتامەنتٸنٸڭ باسشىسى ەرجان سەدەنوۆتىڭ اتىنان گراموتا جەنە العىس حاتتارمەن ماراپاتتالدى.
«دەرٸگەرلەر, پوليتسەيلەر مەن ۆولونتەرلەر بٸرٸگٸپ, ٸندەتپەن كٷرەسە وتىرىپ, تەزٸرەك قالىپتى ٶمٸرٸمٸزگە ورالۋعا كٶمەكتەستٸ. پوليتسەيلەر مەن ەرٸكتٸلەرگە ەرەن ەڭبەگٸ ٷشٸن العىس ايتامىز. بٸزدٸڭ ازاماتتارىمىزدىڭ دەنساۋلىعى سٸزدەردٸڭ جۇمىستارىڭىزعا بايلانىستى بولدى. سٸزدەر ناعىز جاناشىرلىق پەن قامقورلىقتىڭ جارقىن ٷلگٸسٸ كٶرسەتتٸڭٸزدەر», - دەدٸ ەرجان سەدەنوۆ.
ەرٸكتٸلەر پوليتسەيلەرمەن بٸرگە رەيدتەر مەن پروفيلاكتيكالىق شارالارعا قاتىسىپ, تٷسٸندٸرۋ جۇمىستارىن جٷرگٸزدٸ. ۋچاسكەلٸك ينسپەكتورلارمەن بٸرگە ازاماتتارمەن كەزدەسٸپ, ولارعا قاۋٸپسٸزدٸك شارالارىن تٷسٸندٸردٸ.
دەرٸگەرلەر تەۋلٸك بويى ادامداردىڭ ٶمٸرٸمەن ارپالىسىپ, ينفەكتسييامەن الدىڭعى شەپتە كٷرەستٸ.
كارانتين كەزٸندە ناعىز ەرلٸكتٸڭ ەرەن ٷلگٸسٸن كٶرسەتكەن پوليتسەيلەر از ەمەس. ونىڭ ٸشٸندە بلوكپوستاردا جٷكتٸ ەيەلدەردٸ الىپ پەرزەنتحانالارعا, تٷرلٸ جاراقاتتارمەن كەلگەن ناۋقاستاردى اۋرۋحانالارعا جەتكٸزگەن پوليتسەيلەر بار. بۇعان قوسا, پوليتسييا دەپارتامەنتٸ كارانتين رەجيمٸ اياقتالمادى, ەپيدەمييا جويىلعان جوق. سوندىقتان ماسكا كيٸپ, سانيتارلىق-ەپيدەميولوگييالىق رەجيمدٸ قاتاڭ ساقتاۋ كەرەگٸن ەسكەرتتٸ.
