Búgin Qaraǵandy tas jolyndaǵy «Jibek joly» blokpostynda Nur-Sultannyń Politsiia departamentiniń basshysy Erjan Sádenov virýspen kúresýde aldyńǵy shekte bolyp, onyń taralýyna jol bermeý úshin belsendi jumys istegen dárigerler, politseiler men volonterlerdi marapattady, - dep habarlandy elorda ákimdiginiń resmi saitynda.
Dárigerler, eriktiler men politseiler QR IIM ministri Erlan Turǵymbaev, elorda ákimi Altai Kólginov jáne Nur-Sultan qalasy Politsiia departamentiniń basshysy Erjan Sádenovtyń atynan gramota jáne alǵys hattarmen marapattaldy.
«Dárigerler, politseiler men volonterler birigip, indetpen kúrese otyryp, tezirek qalypty ómirimizge oralýǵa kómektesti. Politseiler men eriktilerge eren eńbegi úshin alǵys aitamyz. Bizdiń azamattarymyzdyń densaýlyǵy sizderdiń jumystaryńyzǵa bailanysty boldy. Sizder naǵyz janashyrlyq pen qamqorlyqtyń jarqyn úlgisi kórsettińizder», - dedi Erjan Sádenov.
Eriktiler politseilermen birge reidter men profilaktikalyq sharalarǵa qatysyp, túsindirý jumystaryn júrgizdi. Ýchaskelik inspektorlarmen birge azamattarmen kezdesip, olarǵa qaýipsizdik sharalaryn túsindirdi.
Dárigerler táýlik boiy adamdardyń ómirimen arpalysyp, infektsiiamen aldyńǵy shepte kúresti.
Karantin kezinde naǵyz erliktiń eren úlgisin kórsetken politseiler az emes. Onyń ishinde blokpostarda júkti áielderdi alyp perzenthanalarǵa, túrli jaraqattarmen kelgen naýqastardy aýrýhanalarǵa jetkizgen politseiler bar. Buǵan qosa, Politsiia departamenti karantin rejimi aiaqtalmady, epidemiia joiylǵan joq. Sondyqtan maska kiip, sanitarlyq-epidemiologiialyq rejimdi qatań saqtaý keregin eskertti.
