نۇر-سۇلتان مەن الماتى قالالارىندا اۋرۋ جۇعۋ قاۋپٸ ەڭ از دەگەن كەسٸپورىندار ٸسكە قوسىلادى. بۇل تۋرالى قر اقپارات جەنە قوعامدىق دامۋ مينيسترٸ دەۋرەن اباەۆ مەلٸم ەتتٸ, دەپ حابارلايدى قازاقپارات.
«ٶزدەرٸڭٸز بٸلەسٸزدەر, مەملەكەتتٸك كوميسسييا شەشٸمٸمەن 20 سەۋٸردەن باستاپ نۇر-سۇلتان جەنە الماتى قالالارىنداعى بٸرقاتار ەكونوميكا سەكتورلارىنىڭ جۇمىسى قالپىنا كەلتٸرٸلەدٸ. ولاردىڭ ناقتى تٸزٸمٸ 15 سەۋٸردە بەلگٸلٸ بولادى. بٸراق بٸز جۋرناليستەر مەن ازاماتتاردان كٶپ سۇراق تٷسٸپ جاتقاندىقتان, جۇمىسىن جالعاستىرۋى مٷمكٸن سەكتورلار تۋرالى جالپى اقپارات بەرگٸمٸز كەلٸپ وتىر», - دەپ توقتالدى مينيستر تەلەارنا ارقىلى ٶتكەن ونلاين بريفينگ بارىسىندا.
وسى ورايدا ول اتالعان ٶزگەرٸس نۇر-سۇلتان مەن الماتى قالالارىندا بٸر ۋاقىتتا ەنگٸزٸلگەنٸمەن, ەكٸ قالادا جۇمىس پروتسەسٸندە ايىرماشىلىق بولۋى مٷمكٸن ەكەنٸن جەتكٸزدٸ.
«ونىڭ سەبەبٸ وسى قالالاردىڭ ەپيدەمييالىق جاعدايىنىڭ جەنە ەكونوميكاسىنىڭ ايىرماشىلىعىنا بايلانىستى. سوندىقتان بارلىق نيۋانستاردى ەكٸمدٸكتەر تۇرعىندارعا الدىن الا حابارلاپ, تٷسٸندٸرٸپ وتىرادى. ەكٸنشٸدەن, كارانتين تالاپتارىنىڭ ٶزگەرٸسٸ بٸردەن ەمەس, كەزەڭ-كەزەڭمەن جٷزەگە اسىرىلادى. ەر كەزەڭدە دەنساۋلىق ساقتاۋ مينيسترلٸگٸنٸڭ قورىتىندىسى ەسەپكە الىنادى. قازٸر تەك بٸرٸنشٸ كەزەڭ تۋرالى سٶز بولۋدا. بۇل كەزەڭدە اۋرۋ جۇعۋ قاۋپٸ ەڭ از دەگەن كەسٸپورىندار ٸسكە قوسىلادى. بۇنداي كٸسٸپورىنداردا سانيتارلىق نورمالاردى ساقتاۋ بويىنشا ارنايى حاتتامالار دايىندالادى. ونىڭ ورىندالۋى تۇراقتى تٷردە تەكسەرٸلەدٸ», - دەدٸ دەۋرەن اباەۆ.
ەگەر كەسٸپورىن ول تالاپتاردى بۇزسا, قاتاڭ شەكتەۋ شارالارى قولدانىلادى.
