قر پرەمەر-مينيسترٸ اسقار ماميننٸڭ تٶراعالىعىمەن قر پرەزيدەنتٸ جانىنداعى تٶتەنشە جاعداي رەجيمٸن قامتاماسىز ەتۋ جٶنٸندەگٸ مەملەكەتتٸك كوميسسييانىڭ كەزەكتٸ وتىرىسى ٶتتٸ, دەپ حابارلايدى primeminister.kz.
ەلٸمٸزدەگٸ سانيتارلىق-ەپيدەميولوگييالىق جاعداي تۋرالى دەنساۋلىق ساقتاۋ مينيسترٸ ە. بٸرتانوۆ, نۇر-سۇلتان مەن الماتى قالالارىندا بيزنەس سۋبەكتٸلەرٸ قىزمەتٸنٸڭ جەكەلەگەن تٷرلەرٸن قايتا باستاۋ مەسەلەسٸ تۋرالى پرەمەر-مينيستردٸڭ ورىنباسارى ە. توعجانوۆ, سونداي-اق ەكٸمدەر ا. كٶلگٸنوۆ پەن ب. ساعىنتاەۆ باياندادى.
قر پرەزيدەنتٸ ق. توقاەۆتىڭ تاپسىرماسىن جٷزەگە اسىرۋ اياسىندا مەملەكەتتٸك كوميسسييا بيىلعى 20 سەۋٸردەن باستاپ قاتاڭ سانيتارلىق-ەپيدەميولوگييالىق شارالاردى ساقتاي وتىرىپ, نۇر-سۇلتان جەنە الماتى قالالارىندا جۇمىسىن قايتا باستايتىن كەسٸپكەرلٸك سۋبەكتٸلەرٸنٸڭ قىزمەت تٷرلەرٸنٸڭ تٸزٸمٸن بەكٸتتٸ.
نۇر-سۇلتان قالاسىندا:
ٶنەركەسٸپتٸك كەسٸپورىندار;
قۇرىلىس جەنە جول-قۇرىلىس سالالارىنىڭ كومپانييالارى, ٸرٸ قۇرىلىس دٷكەندەرٸ;
كٶلٸك, قويمالاۋ سالالارىنداعى كومپانييالار, اۋىل شارۋاشىلىعى ماقساتىنداعى سەرۆيستٸك كومپانييالار;
اۆتوسالوندار, تقس, اۆتو جۋۋ, دٶڭگەلەك اۋىستىرۋ سەرۆيسٸ, اۆتوبٶلشەكتەر دٷكەندەرٸ, حيمييالىق تازالاۋ, كەڭسە تەحنيكاسىن جٶندەۋ;
ەكٸنشٸ دەڭگەيلٸ بانكتەر ساعات 9:00-دەن 16:00-گە دەيٸن شتات سانىنىڭ 50%-ىن شەكتەۋمەن, نوتارۋيستەر الدىن الا جازىلۋ بويىنشا جۇمىس ٸستەيدٸ;
قوعامدىق تاماقتانۋ نىساندارىنىڭ جۇمىسى تەك ٶزٸمەن الىپ كەتۋ جەنە جەتكٸزۋ قىزمەتٸمەن ساعات 22:00-گە دەيٸن ۇزارتىلادى.
الماتى قالاسىندا:
ٶنەركەسٸپتٸك كەسٸپورىندار;
قۇرىلىس جەنە جول-قۇرىلىس سالالارىنىڭ كومپانييالارى, قۇرىلىس ماتەريالدارىنىڭ ٸرٸ كٶتەرمە بازارلارى;
نوتاريۋستەر الدىن الا جازىلۋ بويىنشا;
تەك بيزنەسكە قىزمەت كٶرسەتۋ ٷشٸن حقكو بٸر بٶلٸمشەسٸ (ناۋرىزباي اۋدانى, شۇعىلا شاعىن اۋدانى, 347/1).
نۇر-سۇلتان جەنە الماتى قالالارىنداعى شۇعىل شتابتار كەسٸپورىندار مەن كەسٸپكەرلٸك سۋبەكتٸلەرٸنٸڭ ناقتى تٸزٸمٸن, ولاردىڭ قىزمەتكەرلەرٸنٸڭ ناقتى سانىن, جۇمىس ۋاقىتىن جەنە جەتكٸزٸلۋ تەسٸلٸن انىقتايدى.
ٷكٸمەت باسشىسى نۇر-سۇلتان جەنە الماتى قالالارىنىڭ ەكٸمدەرٸنە تيٸستٸ شارالاردى قابىلداپ, جۇمىسى قايتا جانداناتىن نىسانداردا سانيتارلىق-ەپيدەميولوگييالىق قاۋٸپسٸزدٸكتٸڭ ساقتالۋىنا قاتاڭ باقىلاۋ جاساۋدى قامتاماسىز ەتۋدٸ تاپسىردى.
وتىرىسقا قاتىسۋشىلار سونىمەن قاتار كارانتين ەنگٸزٸلگەن قالالارعا اۋىل شارۋاشىلىعى تاۋارلارىن جەتكٸزۋشٸلەردٸڭ اۆتوماشينالارىن ٶتكٸزۋ, كارانتين كەزٸندە كٶكتەمگٸ ەگٸس جۇمىستارىن ۇيىمداستىرۋ, اۋىل شارۋاشىلىعى ٶنٸمدەرٸن فورۆاردتى ساتىپ الۋدى ٶتكٸزۋ, كارانتين ەنگٸزٸلگەن قالالاردىڭ تۇرعىندارى ٷشٸن كوممۋنالدىق تٶلەمدەردٸ ازايتۋ, ازىق-تٷلٸك جەنە تۇرمىستىق جيىنتىقتاردى ۇسىنۋدى اقشالاندىرۋ جەنە ت. ب. مەسەلەلەردٸ قاراستىردى.
پرەمەر-مينيستر تيٸستٸ سانيتارلىق-ەپيدەميولوگييالىق نورمالاردى ساقتاۋمەن فەرمەرلەردٸڭ ەگٸس جۇمىستارىمەن بٶگەتسٸز اينالىسۋىن قامتاماسىز ەتۋدٸ, كارانتين ەنگٸزٸلگەن قالالارعا اۋىل شارۋاشىلىعى تاۋارلارىن جەتكٸزۋشٸلەردٸڭ اۆتوماشينالارىن ٶتكٸزۋدٸڭ بٸرىڭعاي تەرتٸبٸن ەنگٸزۋدٸ جەنە جٷكتەردٸڭ نەگٸزسٸز بٶگەلۋٸن بولدىرماۋدى تاپسىردى.
مەملەكەتتٸك كوميسسييا يندۋسترييا جەنە ينفراقۇرىلىمدىق دامۋ مينيسترلٸگٸ ەزٸرلەگەن تٶتەنشە جاعداي كەزەڭٸندە كوممۋنالدىق قىزمەتتەردٸ جەتكٸزۋشٸلەردٸڭ شىعىندارىن ٶتەۋ ەرەجەسٸنٸڭ جوباسىن قارادى.
«ۇسىنىلعان تەتٸك تۇرعىندار ٷشٸن دە, كوممۋنالدىق كەسٸپورىندار ٷشٸن دە ولاردىڭ ٷزدٸكسٸز جۇمىسىن قامتاماسىز ەتۋ ماقساتىندا مەملەكەتتٸك قولداۋدىڭ پەرمەندٸ شاراسىنا اينالۋى تيٸس», — دەدٸ ٷكٸمەت باسشىسى.
جەدەلدٸكتٸ جەنە ازاماتتاردىڭ قاۋٸپسٸزدٸگٸن قامتاماسىز ەتۋ ماقساتىندا مەملەكەتتٸك كوميسسييا ەڭبەك جەنە حالىقتى ەلەۋمەتتٸك قورعاۋ مينيسترلٸگٸ ەنگٸزگەن ازىق-تٷلٸك جەنە تۇرمىستىق جيىنتىقتاردى جەكە تۇلعالاردىڭ شوتىنا اقشالاي قاراجاتتى اۋدارۋ ارقىلى بەرۋ تۋرالى ۇسىنىستى ماقۇلدادى.
«ٶڭٸرلەردٸڭ ەكٸمدٸكتەرٸ ۇسىنىلعان تەتٸككە سەيكەس كٶمەكتٸ الۋشىلارعا اقشالاي قاراجاتتىڭ ۋاقىتىلى اۋدارىلۋىن قامتاماسىز ەتۋٸ كەرەك. كارتا شوتتارى بولماعان جاعدايدا نەمەسە كٶمەك الۋشىلاردىڭ جاسىنا نە مٷگەدەكتٸگٸنە بايلانىستى كەلۋگە مٷمكٸندٸگٸ بولماسا, سانيتارلىق تالاپتاردى ساقتاي وتىرىپ, ازىق-تٷلٸك جيىنتىعىن ٷيگە جەتكٸزۋدٸ قامتاماسىز ەتۋ قاجەت», — دەدٸ ا. مامين.
