نۇر-سۇلتان قالاسىندا جىل باسىنان بەرٸ 7 بالا تەرەزەدەن قۇلاپ, بٸرەۋٸ قازا تاپقان, دەپ حابارلايدى "ۇلت اقپارات" قالالىق پوليتسييا دەپارتامەنتٸنە سٸلتەمە جاساپ.
مۇنداي فاكتٸلەردٸڭ الدىن الۋ ماقساتىندا اتا-انالار مەن ەرەسەكتەردٸڭ بەلگٸلٸ بٸر ەرەجەلەر مەن كەڭەستەرگە قۇلاق اسۋىن ٶتٸنەمٸز:
- پەتەردە تەرەزەنٸ اشىپ, جەلدەتكەن كەزدە بالانىڭ قاراۋسىز قالماۋىن قاداعالاڭىز;
- تەرەزەنٸ اشقان كەزدە 10 سم ٷلكەن ەتٸپ اشپاڭىز, ول ٷشٸن ارنايى بەكٸتكٸش قويىڭىز;
- بالانىڭ ەرەسەكتەرسٸز جالعىز بالكونعا شىعۋىنا جول بەرمەڭٸز;
- ۇيىقتاپ جاتقان بالانى پەتەردە جالعىز قالدىرماڭىز, بالا ويانعان سوڭ تەرەزەگە قاراي بارۋى مٷمكٸن;
- بارلىق جيھازداردى بالا تەرەزە الدىنا شىعا المايتىنداي ەتٸپ, تەرەزە جانىنان الشاق قويۋ كەرەك;
- تەرەزەدەن قاراۋ ٷشٸن بالاعا اياعىنىڭ استىنا ورىندىق نەمەسە باسقا نەرسە قويىپ ٷيرەتپەڭٸز;
- تەرەزەدەگٸ موسكيتتٸك تورلارعا سەنبەۋ كەرەك: بالالار موسكيتتٸك تورلاردى قاۋٸپسٸز دەپ ويلاپ, تەرەزەگە سٷيەنگەندەي سول تورلارعا سٷيەنەدٸ. ەڭ ساپالى توردىڭ ٶزٸ بالانىڭ سالماعى مەن قىسىمدى كٶتەرە المايدى.
- ەگەر 5-12 جاس ارالىعىنداعى بالا پەتەردە جالعىز قالۋعا قورىقسا, از ۋاقىتقا دا قالدىرماڭىز. ولار قورىققان كەزدە اتا-اناسىن كٶرەمٸن دەپ تەرەزەدەن نەمەسە بالكوننان قاراپ, قۇلاپ كەتۋٸ مٷمكٸن.
