وسىدان تۋرا بٸر اپتا بۇرىن ەلٸمٸزدە «Nur Otan»-نىڭ پارتيياٸشٸلٸك ٸرٸكتەۋٸ - پرايمەريزگە قاتىسۋ ٷشٸن ٶتٸنٸشتەر قابىلداۋ باستالدى, دەپ حابارلايدى "ۇلت اقپارات".
پارتييا ليدەرٸ نۇرسۇلتان نازارباەۆتىڭ تاپسىرماسىمەن «Nur Otan» پرايمەريزٸ ەلٸمٸزدٸڭ پارتييالىق-ساياسي دامۋ تاريحىندا تۇڭعىش رەت رەسپۋبليكالىق پارتيياٸشٸلٸك سايلاۋ اۋقىمىندا ٶتەدٸ.
پارتييا تٶراعاسىنىڭ بٸرٸنشٸ ورىنباسارى باۋىرجان بايبەك, بۇل – ەلباسىنىڭ باستاماسىمەن قولعا الىنعان «سەنٸم. ديالوگ. بولاشاققا نىق قادام» پارتييا جۇمىسىن «قايتا جانداندىرۋ» باعدارلاماسىنىڭ قورىتىندى كەزەڭدەرٸنٸڭ بٸرٸ ەكەنٸن ايتقان بولاتىن. پرايمەريزدٸڭ نەگٸزگٸ ماقساتى – الداعى مەجٸلٸس پەن بارلىق دەڭگەيدەگٸ مەسليحات سايلاۋلارىنا پارتييالىق تٸزٸمدەردٸ قالىپتاستىرۋ ٷشٸن بەسەكەلەس كٷرەس نەگٸزٸندە جاڭا كٶشباسشىلاردى ايقىنداۋ.
پارتييا باسپاسٶز قىزمەتٸنٸڭ حابارلاۋىنشا, بٸر اپتا ٸشٸندە پرايمەريزگە قاتىسۋعا 7000-عا جۋىق ادام ٶتٸنٸش بەرگەن. ولاردىڭ 34%-ى – ەيەلدەر, ونىڭ ٸشٸندە 100-ٸ – كٶپبالالى انا, . 24%-ى – 35 جاسقا دەيٸنگٸ جاستار. سونداي-اق 51-ٸ – ەرەكشە قاجەتتٸلٸگٸ بار ازامات. باستاۋىش پارتييا ۇيىمدارى ارقىلى 2419 ادام ۇسىنىلسا, 4496 كانديدات – ٶزٸن-ٶزٸ ۇسىنعاندار.
سولاردىڭ بٸرٸ - «تەمەكٸ تٷتٸنٸنەن ازات قازاقستان ٷشٸن» قوعامدىق قوزعالىسىنىڭ باسشىسى جەميلە سادىقوۆا. ەلەۋمەتتٸك جەلٸلەردەگٸ پاراقشاسىندا ول ٶزٸنٸڭ دەنساۋلىق ساقتاۋ سالاسىنداعى بٸلٸمٸن ازاماتتاردىڭ ٶمٸر سٷرۋ ساپاسىن جاقسارتۋعا پايدالانۋ ٷشٸن پرايمەريزگە قاتىساتىنىن ايتتى.
«ايتارىم عانا ەمەس, اتقارسام دەگەن ٸستەرٸم دە جەتەرلٸك. ٶز ەلٸمدە دەكلاراتيۆتٸ ەمەس, ناقتى, ساپالى ٶزگەرٸستەر جاساعىم كەلەدٸ. قازاقستاندىقتاردىڭ دەنساۋلىعىن ساقتاۋ ٷشٸن تەمەكٸگە قارسى باستامالار مەن شارالاردى قولعا العانىم سيياقتى بار كٷش-جٸگەرٸمدٸ سالىپ جۇمىس ٸستەۋگە, ٶز ٷلەسٸمدٸ قوسۋعا دايىنمىن», - دەپ جازدى جەميلە سادىقوۆا.
ال الماتىلىق كەسٸپكەر, قوعام بەلسەندٸسٸ كونستانتين اۆەرشين سىبايلاس جەمقورلىق مەسەلەسٸنە الاڭداۋشىلىق بٸلدٸردٸ.
ونىڭ پٸكٸرٸنشە, سىبايلاس جەمقورلىق – دەنساۋلىق ساقتاۋ نەمەسە بٸلٸم بەرۋ جٷيەسٸندەگٸ كەز كەلگەن ولقىلىقتىڭ نەگٸزگٸ سەبەبٸ. سونىمەن قاتار, ول پرايمەريز – قاتاڭ بەسەكەلەستٸك نەگٸزدە ەڭ مىقتى كانديداتتاردى ٸرٸكتەۋگە جاعداي جاسايتىن ەرەكشە مٷمكٸندٸك ەكەنٸن اتاپ ٶتتٸ.
«باستاۋىش پارتييا ۇيىمىنىڭ اتىنان تٷسەسٸڭ بە, ەلدە ٶز-ٶزٸڭدٸ ۇسىناسىڭ با, ول جاعى ماڭىزدى ەمەس. دەل قازٸر ەڭ باستىسى – ٶز قابٸلەتٸڭدٸ, اتقارا الاتىن ٸسٸڭدٸ كٶرسەتۋ. «Nur Otan» پارتيياسىن قايتا جانداندىرۋ جٷرٸپ جاتىر. بۇل جاي عانا ايتىپ قويا سالۋ ەمەس, پرايمەريزگە جۇمىس ٸستەۋگە جەنە ٶزگەرٸس جاساۋعا دايىن ادامدار قاتىسادى»,-دەپ تٷيدٸ كونستانتين اۆەرشين.
ەرەكشە قاجەتتٸلٸگٸ بار ادامدار ٷشٸن قالالىق ورتانى ىڭعايلى ەتۋ مەسەلەلەرٸن ۆولەيبولدان قازاقستان پاراليمپيادالىق جاستار قۇراماسىنىڭ كاپيتانى سەرٸك ەسماتوۆ كٶتەرمەك.
«مەن مٷمكٸندٸگٸ شەكتەۋلٸ اداممىن, سوندىقتان ٶزٸم سيياقتى جانداردىڭ قانداي قيىندىقتارمەن ۇشىراساتىنىن جاقسى بٸلەمٸن. وسى تۇرعىدان تەك تۋعان قالامداعى ەمەس, بٷكٸل قازاقستانداعى جاعدايدى جاقسارتسام دەگەن جوسپارىم بار», - دەدٸ سپورتشى.
ەرٸكتٸلەر ليگاسىنىڭ باسشىسى ايسۇلۋ ەرنييازوۆا ٶكٸلدٸك ورگانداردا جاستاردىڭ مٷددەسٸن بٸلدٸرۋگە تالپىنىپ وتىر. ايسۇلۋدىڭ ايتۋىنشا, پارتييانىڭ جاستارعا سەنٸم ارتۋى, ولارعا جاۋاپكەرشٸلٸك جٷكتەيدٸ.
«پرايمەريز – ەڭ الدىمەن جاڭا تاريحتى جاسايتىن جٸگەرلٸ تۇلعالار مەن جاڭا تولقىن. مەن مۇنى پارتييانىڭ تاكتيكالىق جەنە ستراتەگييالىق دۇرىس شەشٸمٸ دەپ ەسەپتەيمٸن. كٷرەس ٶتە قىزىقتى بەسەكەلەستٸك جاعدايدا ٶتەدٸ. جاس بۋىننىڭ مٷددەسٸن كٶزدەي وتىرىپ, مەملەكەتتٸك جاستار ساياساتىن باستى نازاردا ۇستايمىن. قانداي ٶزگەرٸستەردٸڭ جاستارعا كەرەگٸن جەنە قانداي مەسەلەلەردٸڭ الاڭداتاتىنىن جاقسى بٸلەمٸن», - دەدٸ كانديدات.
ال جالعىزباستى انالاردى قولداۋ مەسەلەسٸن پاۆلوداردان كەلگەن جەميلە ەرنازاروۆا قولعا الماق.
«پرايمەريزگە قاتىسۋداعى ماقساتىم – پاۆلودارلىق وتباسىلارعا, ەڭ الدىمەن كەمەلەتكە تولماعان بالالارى بار جالعىزباستى انالارعا ودان ەرٸ جٷيەلٸ قولداۋ كٶرسەتۋ», - دەدٸ ول.
تانىمال شوۋمەن تۇرسىنبەك قاباتوۆ تا پرايمەريزگە قىزىعۋشىلىق تانىتىپ وتىر. ول Instagram جەلٸسٸندەگٸ وقىرماندارىنا پارتيياٸشٸلٸك ٸرٸكتەۋگە قاتىسقانىم جٶن بە دەگەن وي تاستاپ, ولاردىڭ پٸكٸرلەرٸن سۇرادى. ايتا كەتۋ كەرەك, تۇرسىنبەك قاباتوۆ ٶتكەن جىلدىڭ قاراشا ايىنان بەرٸ «Nur Otan» پارتيياسىنىڭ مٷشەسٸ. ونىڭ باستاماسىن كٶپشٸلٸك قولدادى.
بيلەۋشٸ پارتييانىڭ باسپاسٶز قىزمەتٸ تاراتقان اقپاراتقا سەيكەس, پرايمەريزگە قاتىسۋ ٷشٸن ٶتٸنٸشتٸ https://primaries.kz/ سايتىندا «پرايمەريز» اقپاراتتىق جٷيەسٸ ارقىلى ونلاين جولداۋعا نەمەسە اۋماقتىق ۇيىمداستىرۋ كوميتەتتەرٸنە جەكە ٶتٸنٸش بەرۋگە بولادى. كانديداتتاردى ۇسىنۋ جەنە تٸركەۋ 28 تامىزعا (قوسا ەسەپتەگەندە) دەيٸن جالعاسادى.
پارتييا قۇندىلىقتارىن ۇستاناتىن جەنە سايلاۋ قۇقىعى بار كەز كەلگەن ازامات ٷمٸتكەر بولا الادى. ول ٷشٸن پرايمەريزگە قاتىسۋشىلاردى تٸركەۋ مەرزٸمٸ اياقتالعانعا دەيٸن «Nur Otan»-نىڭ قاتارىنا قوسىلۋ كەرەك.
پرايمەريز ٶتكٸزۋ, سونداي-اق كانديداتتارعا ۇيىمداستىرۋشىلىق جەنە قۇقىقتىق قولداۋ مەسەلەلەرٸ بويىنشا «Nur Otan» پارتيياسى 8 (800) 080 4441 ارنايى جەدەل جەلٸنٸ ٸسكە قوستى.
