قر تۇڭعىش پرەزيدەنتٸنٸڭ تٶراعالىعىمەن «Nur Otan» پارتيياسى ساياسي كەڭەسٸ بيۋروسىنىڭ وتىرىسى ٶتتٸ, دەپ حابارلايدى "ۇلت اقپارات" Elbasy.kz سايتىنا سٸلتەمە جاساپ.
وتىرىس بارىسىندا 18 ناۋرىزدا ٶتەتٸن پارتييانىڭ ساياسي كەڭەسٸ وتىرىستىڭ كٷن تەرتٸبٸ تالقىلاندى.
ەلباسى بيۋرو وتىرىسىن اشىپ, پارتييانىڭ قايتا جاڭعىرۋ باعدارلاماسى مەن «باقىتتى وتباسى», «ارداگەرلەردٸ ارداقتايىق», «كەدەرگٸسٸز كەلەشەك» ەلەۋمەتتٸك جوبالارىن جٷزەگە اسىرۋ بارىسىن ماقۇلدادى.
سونىمەن بٸرگە نۇرسۇلتان نازارباەۆ ەل ٶڭٸرلەرٸندەگٸ پارتييا جۇمىسىنا نازار اۋداردى.
«پارتييا باسشىلىعى, مەجٸلٸس پەن مەسليحات دەپۋتاتتارى ٶڭٸرلەرگە, سونىڭ ٸشٸندە شالعاي اۋداندارعا بارۋى كەرەك. حالىقپەن كەزدەسٸڭٸزدەر, مەسەلەلەرٸن شەشٸڭٸزدەر. بارلىق وسى مەسەلەلەر ايماقتىق پارتييا باعدارلامالارىندا كٶرٸنٸس تابۋى تيٸس», - دەدٸ پارتييا تٶراعاسى.
سونىمەن بٸرگە, بيۋرو وتىرىسىندا 30 ناۋرىز بەن 16 مامىر ارالىعىندا پارتييانىڭ ٸشكٸ ٸرٸكتەۋٸن ٶتكٸزۋ تۋرالى شەشٸم قابىلداندى.
«مۇنى ٶتە دۇرىس شارا دەپ ەسەپتەيمٸن, بۇل پارتييانىڭ اتىنان ٶزەكتٸ مەسەلەلەردٸ شەشەتٸن ەڭ بەلسەندٸ جەنە سەنٸمدٸ مٷشەلەردٸ انىقتاۋعا مٷمكٸندٸك بەرەدٸ», - دەدٸ ەلباسى.
وتىرىس قورىتىندىسى بويىنشا ٸشكٸ ٸرٸكتەۋدٸ جٷرگٸزۋ ەرەجەسٸنٸڭ جوباسىن الدىن الا ماقۇلداۋ جٶنٸندە بيۋرو قارارى قابىلداندى. ساياسي كەڭەستٸڭ وتىرىسىندا جوبا بەكٸتٸلەدٸ.
سونىمەن بٸرگە, وتىرىستا پارتييانىڭ سىبايلاس جەمقورلىققا قارسى 2025 جىلعا دەيٸنگٸ باعدارلاماسىن جٷزەگە اسىرۋدىڭ جول كارتاسى بەكٸتٸلدٸ.
