«Nur Otan» پارتيياسى قازاقستاندىقتاردى ەربٸر ٶڭٸردٸ, قالا مەن اۋداندى 5 جىلعا دامىتۋدىڭ نەگٸزگٸ باسىمدىقتارىمەن تانىستىرۋدى جالعاستىرۋدا. Primaries.kz سايتىندا 216 سايلاۋالدى باعدارلامانىڭ جوبالارى ۇسىنىلدى, ولاردى حالىقتىڭ پٸكٸرٸن ەسكەرە وتىرىپ پىسىقتاۋدى جوسپارلاپ وتىر, دەپ حابارلايدى "ۇلت اقپارات" پارتييانىڭ باسپاسٶز قىزمەتٸنە سٸلتەمە جاساپ.
مەسەلەن, اقتٶبە وبلىسىنىڭ سايلاۋالدى باعدارلاماسىنىڭ جوباسىندا جىل سايىن كەمٸندە 20 مىڭ جاڭا جۇمىس ورنىن قۇرۋ جەنە 2025 جىلعا قاراي ورتاشا جالاقىنى كەمٸندە 200 مىڭ تەڭگەگە دەيٸن ارتتىرۋ مٸندەتٸ قويىلىپ وتىر. جىل سايىن كەمٸندە مىڭ ادامدى قايتا دايارلاۋ, كەمٸندە ەكٸ مىڭ ادامدى قىسقا مەرزٸمدٸ وقىتۋ جەنە شەتەلدٸك جۇمىس كٷشٸنە كۆوتانى قىسقارتۋ جٷرگٸزٸلەتٸن بولادى.
وبلىس حالقىنىڭ 29%-ى اۋىلدىق جەرلەردە تۇراتىنىن ەسكەرە وتىرىپ, ٶڭٸردە ەكٸ جىلىجاي كەشەنٸن, ەكٸ سٷت-تاۋار فەرماسىن, قۇس فابريكاسىن سالۋدى جەنە ٸقم باسىن ۇلعايتۋدى جوسپارلاپ وتىر. اۋىل شارۋاشىلىعىنىڭ دەستٷرلٸ ەمەس تٷرلەرٸن – ارا شارۋاشىلىعىن, مارال شارۋاشىلىعىن, جيدەك داقىلدارىن ٶسٸرۋدٸ دامىتۋعا ەرەكشە نازار اۋدارىلاتىن بولادى.
ٶڭٸردٸڭ ترانزيتتٸك ەلەۋەتٸن دامىتۋ ٷشٸن وبلىستىق ماڭىزى بار اۆتوجولداردى, سونداي-اق اۋداندىق ماڭىزى بار 2350 كم جولداردى سالۋ جەنە قايتا جاڭارتۋ جوسپارلانۋدا. بۇل شارالار 2025 جىلعا قاراي جاقسى جەنە قاناعاتتانارلىق جاعدايداعى جەرگٸلٸكتٸ ماڭىزى بار جولداردىڭ ٷلەسٸن 56-دان 85%-عا دەيٸن ارتتىرۋعا مٷمكٸندٸك بەرەدٸ.
پارتييا قورشاعان ورتاعا اۋىرتپالىقتى ازايتۋ ماقساتىندا اقتٶبە حروم قوسىلىستارى زاۋىتىنىڭ تەحنولوگييالىق جابدىقتارىنىڭ شاڭ جەنە گاز تازارتۋ قوندىرعىلارىن قايتا قۇرۋ جەنە 2021 جىلى 9 قتق پوليگونىن سالۋ مٸندەتٸن قويىپ وتىر.
ٶڭٸردە ەلٸ كٷنگە دەيٸن ٷش اۋىسىمدى مەكتەپتەر جۇمىس ٸستەيدٸ. بٸلٸم بەرۋ ساپاسىن ارتتىرۋ ٷشٸن 16 جاڭا مەكتەپ سالىنادى. جالپى 1 جاستان 6 جاسقا دەيٸنگٸ بالالاردى مەكتەپكە دەيٸنگٸ مەكەمەلەرمەن قامتۋدى 2025 جىلعا قاراي 86%-عا دەيٸن جەتكٸزۋ جوسپارلانۋدا.
«كەدەرگٸسٸز كەلەشەك» پارتييالىق جوباسى اياسىندا 2021 جىلى مٷمكٸندٸگٸ شەكتەۋلٸ جاندارعا ارنالعان 150 ورىندىق وڭالتۋ ورتالىعىن جەنە 2022 جىلى سپورت كەشەنٸن سالۋ جوسپارلانۋدا.
باتىس قازاقستان وبلىسىنىڭ سايلاۋالدى باعدارلاماسى جوباسىنىڭ دەرەكتەرٸ بويىنشا ٶڭٸردە قازٸرگٸ زامانعى تەحنولوگييالاردى ەنگٸزۋ جەنە ٶندٸرٸستٸڭ جاڭا تٷرلەرٸن يگەرۋ ەسەبٸنەن دامىعان اگروٶنەركەسٸپتٸك كەشەندٸ قۇرۋ جٶنٸندەگٸ جۇمىس جالعاسادى.
پارتييا سٷت كەشەنٸن, 27 بورداقىلاۋ الاڭىن سالۋدى, سۋارمالى جەر كٶلەمٸن 56 مىڭ گەكتاردان 85,0 مىڭ گەكتارعا دەيٸن كەڭەيتۋدٸ ۇسىنادى. بۇل شارالار شامامەن 10 مىڭ شارۋانى كەشەندٸ قولداۋمەن قامتۋعا مٷمكٸندٸك بەرەدٸ.
سونداي-اق, پارتييا كوروناۆيرۋستىق پاندەمييادان زارداپ شەككەن ەكونوميكالىق سەكتورلاردىڭ ٸسكەرلٸك بەلسەندٸلٸگٸن قالپىنا كەلتٸرۋگە كٶمەكتەسۋگە نيەتتٸ.
ٶڭٸردە جىل سايىن «قاراپايىم زاتتار ەكونوميكاسى», «بجك-2025», «ەڭبەك» جەنە ت.ب. باعدارلامالارى بويىنشا كەمٸندە 7 مىڭ جاس جۇمىسقا ورنالاساتىن بولادى.
سونىمەن قاتار, 800 شاقىرىمنان استام جولدى جٶندەۋ جوسپارلانۋدا, 59 اۋىل ورتالىقتاندىرىلعان سۋمەن قامتاماسىز ەتٸلەدٸ, 73 ەلدٸ مەكەندە سۋمەن جابدىقتاۋدىڭ كەشەندٸ بلوك-مودۋلدەرٸ ورناتىلادى. جىل سايىن ٶڭٸردە 480 مىڭ شارشى مەتر تۇرعىن ٷيدٸ ٸسكە قوسۋ جوسپارلانىپ وتىر, سۇرىپتاۋ جەلٸلەرٸ بار 2 قتق پوليگونى ٸسكە قوسىلادى.
بٷگٸنگٸ كٷنٸ وبلىس تۇرعىندارىن تولعاندىراتىن ماڭىزدى مەسەلەلەردٸڭ بٸرٸ - گازعا جوعارى تاريف (حالىق ٷشٸن 17,24 تەڭگە/م3). تاريفتٸ تٶمەندەتۋ ماقساتىندا «Nur Otan» پارتيياسى ورىنبور گٶز-نەن الىناتىن تابيعي گازدىڭ قۇنىن تٶمەندەتۋ بويىنشا قر جەنە رف ٷكٸمەتتەرٸ دەڭگەيٸندە كەلٸسسٶزدەر جٷرگٸزۋ مٸندەتٸن قويىپ وتىر. سونداي-اق, حالىق پەن كەسٸپكەرلەر اراسىندا تاريفتٸ سارالاۋ مەسەلەسٸ قارالادى.
دەنساۋلىق ساقتاۋ سالاسىنداعى قىزمەتتەردٸڭ ساپاسىن ارتتىرۋ ٷشٸن پارتييا 2 ەمحانا, اۋرۋحانالارعا 3 كورپۋس سالۋدى جوسپارلاپ وتىر. بٸلٸم بەرۋ ساپاسى مەن قولجەتٸمدٸلٸگٸن قامتاماسىز ەتۋ ماقساتىندا پارتييا مٷشەلەرٸ 21 جالپى بٸلٸم بەرەتٸن مەكتەپ سالۋ, سونداي-اق مەكتەپتەر مەن بالاباقشالاردى بەينەباقىلاۋ جٷيەلەرٸمەن 100% جابدىقتاۋ بويىنشا مٸندەتتەر قويىپ وتىر.
ماڭعىستاۋ وبلىسىنىڭ سايلاۋالدى باعدارلاماسىنىڭ جوباسىندا ٶڭٸردٸڭ دامۋ رەزەرۆتەرٸنٸڭ بٸرٸ اقتاۋ, قۇرىق تەڭٸز پورتتارى جەنە «اقتاۋ تەڭٸز پورتى» اەا, سونداي-اق, اقتاۋ جەنە جاڭاٶزەن قالالارىنداعى يندۋسترييالىق ايماقتار بولىپ تابىلادى. پارتييا مۇناي ٶندٸرۋ كٶلەمٸن ساقتاۋدى قامتاماسىز ەتۋگە, شەتەلدٸك ينۆەستيتسييالاردى تارتۋعا جەنە «اقتاۋ تەڭٸز پورتى» اەا-دا ينجەنەرلٸك ينفراقۇرىلىمدى قۇرۋدى اياقتاۋعا ىقپال ەتەتٸن بولادى.
تۇرعىن ٷيمەن قامتاماسىز ەتۋ دەڭگەيٸن ارتتىرۋ ٷشٸن قالالاردا 48 كٶپپەتەرلٸ ٷي جەنە وبلىس اۋداندارىندا 89 ٷي سالىنادى. پارتييا اقتاۋ قالاسىنداعى جاڭا ونكولوگييالىق ديسپانسەردٸڭ جەنە جاڭاٶزەن قالاسىنداعى قالالىق اۋرۋحانانىڭ تەراپەۆتٸك كورپۋسىنىڭ قۇرىلىسىن اياقتاۋعا, اۋىلدىق ەلدٸ مەكەندەردە 7 وتباسىلىق-دەرٸگەرلٸك امبۋلاتورييا قۇرىلىسىن اياقتاۋعا قول جەتكٸزەتٸن بولادى.
3 اۋىسىمدىق وقىتۋدى جويۋ ٷشٸن قالالار مەن اۋدانداردا 20 جاڭا مەكتەپ, جۇمىس ٸستەپ تۇرعان مەكتەپتەرگە جاپسارلاس قۇرىلىستار سالۋ, ٷيدە قاشىقتىقتان وقىتۋ جٷرگٸزۋ ٷشٸن از قامتىلعان وتباسىلاردان شىققان بالالاردى كەزەڭ-كەزەڭٸمەن كومپيۋتەرلٸك تەحنيكامەن قامتاماسىز ەتۋ جوسپارلانۋدا.
اتىراۋ وبلىسىندا 5 جىل ٸشٸندە 103 مىڭ جاڭا جۇمىس ورنى اشىلادى. جاڭا بيزنەس-يدەيالاردى ٸسكە اسىرۋ ٷشٸن 141 جوباعا ٶتەۋسٸز گرانتتار بەرٸلەتٸن بولادى.
ٶڭٸر تۇرعىندارىن تولعاندىراتىن ەكولوگييا مەسەلەلەرٸ بەلسەندٸ تٷردە شەشٸلەتٸن بولادى. مىسالى, مۇناي-گاز كەسٸپورىندارىندا اتموسفەرالىق اۋانى ونلاين-رەجيمدە باقىلاۋ جٷيەسٸ ورناتىلادى.
سونداي-اق, 3,5 ملن شارشى مەتر تۇرعىن ٷي سالۋ, 300 كم-گە جۋىق اۆتوموبيل جولدارىن جٶندەۋ, 63,5 كم سۋ قۇبىرى جەلٸلەرٸن سالۋ, قۇرمانعازى اۋدانى اقكٶل اۋىلىنداعى سۋ تازارتۋ عيماراتىن قايتا جاڭارتۋ جوسپارلانۋدا.
ساپالى بٸلٸمگە قولجەتٸمدٸلٸكتٸ قامتاماسىز ەتۋ ماقساتىندا 9 جاڭا مەكتەپ جەنە 56 بالاباقشا سالىنادى. ٶڭٸردە ٶنەر مەكتەبٸ, مۋزىكا مەكتەبٸ جەنە وقۋشىلار سارايى اشىلادى.
جاستاردى جان-جاقتى قولداۋ ٷشٸن ٶڭٸردە جىل سايىن كەمٸندە 5 مىڭ جاستى جۇمىسقا ورنالاستىرۋ جوسپارلانۋدا. پارتييا 6 ستۋدەنتتٸك جاتاقحانا سالۋ مٸندەتٸن قويىپ وتىر.
