ەلوردادا گيننەستٸڭ رەكوردتار كٸتابىنا ەنگەن, ەلەمگە ەيگٸلٸ «Notre Dame de Paris» ميۋزيكلٸنٸڭ قازاق تٸلٸندەگٸ تۇساۋكەسەرٸ ٶتتٸ, دەپ حابارلايدى قازاقپارات تٸلشٸسٸ.
مەدەنيەت جەنە سپورت مينيسترلٸگٸنٸڭ ۇيىمداستىرۋىمەن «Qazaqconcert» مەملەكەتتٸك كونتسەرتتٸك ۇيىمى ۇسىنعان, اڭىزعا اينالعان «Notre Dame de Paris» ميۋزيكلiنiڭ قازاق تiلiندەگi پرەمەراسىندا زالدا ينە شانشار ورىن بولمادى. ميۋزيكل استانادا العاش رەت قويىلىپ جاتقانىن ايتا كەتۋ كەرەك.
ۇيىمداستىرۋشىلاردىڭ ايتۋىنشا, كەلەشەكتە ەلەمدٸك ميۋزيكلدٸ قازاقستاننىڭ بارلىق قالالارىندا قويۋ جوسپارلانعان. شىنايى عاشىقتىق پەن ساتقىندىق حيكاياسى, سەنiم مەن عاجايىپقا تولى قويىلىم كɵرەرمەندەردi تامساندىرعانى زالداعى قوشەمەتتەن ايقىن بايقالعانى حاق. ساحنادا XX عاسىردىڭ ەڭ ٷزدiك əندەرi شىرقالدى. ەرەكشە اتموسفەرا سىيلايتىن فرانتسۋزدىق شانسون جەلiسiندەگi ميۋزيكلٸن 24 جەلتوقسانعا دەيiن بەيبiتشiلiك جəنە كەلiسiم سارايىندا تاماشالاۋعا بولادى.
پرەمەر الدىندا «Notre dame de Paris» ميۋزيكلٸنٸڭ اۆتورى, بەلگٸلٸ يتالياندىق-فرانتسۋزدىق كومپوزيتور ريككاردو كوچچانتە, «قازاقكونتسەرت» مكۇ ديرەكتورى جەڭٸس سەيدۋللاۇلى, قويۋشى رەجيسسەر روبەرت ماريەن, ميۋزيكل پروديۋسەرٸ نيكوليا تالار, قازاق تٸلٸندەگٸ ليبرەتتونىڭ اۆتورى, بەلگٸلٸ اقىن سەرٸكزات دٷيسەنعازىنىڭ قاتىسۋىمەن باسپاسٶز مەسليحاتى ٶتتٸ.
«بٷگٸن شىنىندا دا اق تٷيەنٸڭ قارنى جارىلعان كٷن. بٸزدٸڭ جاس تەاتر ەڭگٸمەنٸڭ شىنى كەرەك, ەندٸ عانا اياعىنان تۇرىپ كەلە جاتىر دەسەك تە بولادى. ٶيتكەنٸ, ٷش جىلدىق قانا تاريحى بار تەاترىمىزدىڭ ەلەمدٸ تاڭعالدىرعان, 11 ميلليوننان استام ادام كٶرگەن, ەلەمنٸڭ توعىز تٸلٸنە اۋدارىلعان ميۋزيكلدٸ موينىنا الىپ جاتقانى - ٷلكەن جەتٸستٸك. ەلەمدٸڭ مەدەنيەتتٸڭ جاۋھارى سانالاتىن اتى اڭىزعا اينالعان «Notre Dame de Paris» ميۋزيكلٸنٸڭ اۆتورى ريككاردو كوچچانتە, مٸنە, ورتامىزدا وتىر. وسىدان 20 جىل بۇرىن وسىناۋ ەلەمدەگٸ مىقتى كومپوزيتوردىڭ ەندەرٸن تامسانا تىڭداي جٷرٸپ, 20 جىلدان كەيٸن قازاقستاندا باس قوسامىز دەگەن وي باسىمىزعا كەلمەپ ەدٸ. سوندىقتان, مەن ٶزٸمٸزدٸ عانا ەمەس, بارلىق قازاقستاندىقتاردى بٷگٸنگٸ پرەمەرامەن قۇتتىقتاعىم كەلەدٸ», - دەدٸ جەڭٸس سەيدۋللاۇلى.
ەلەمدٸك ميۋزيكلدٸڭ قازاق تٸلٸنە قالاي اۋدارىلعانى تۋرالى ەلٸمٸزگە بەلگٸلٸ اقىن سەرٸكزات دٷيسەنعازى كەڭٸرەك ايتىپ بەردٸ. اقىننىڭ ايتۋىنشا, «Notre Dame de Paris» ميۋزيكلٸ تەك بٸزدە عانا ەمەس, دٷنيە جٷزٸنٸڭ بٸرنەشە تٸلدەرٸنە اۋدارىلعان.
«ەڭ بٸرٸنشٸ بريۋسسەلدە, كەيٸن جەنەۆادا, ودان سوڭ لوندون سەكٸلدٸ ەلەمنٸڭ ٷلكەن قالالارىندا قويىلعان. كەيٸن كانادا, وڭتٷستٸك كورەيا, رەسەي, قىتاي سەكٸلدٸ ٷلكەن مەملەكەتتەردە دە ساحنالانعان. ميۋزيكلدٸڭ پروديۋسەرلەرٸ بٸر مەتٸن بولۋى تۋراسىندا بٸزگە تالاپ قويدى. بٸز ٶز ەركٸمٸزبەن اۋدارا المادىق, ياعني پوەزييامىزدى ەركٸن قوسا المادىق. مەتٸن قانداي بولسا, دەل ماعىناسىن بەرەتٸن سٶزدەر ارقىلى قييۋلاستىرىپ اۋداردىق», - دەيدٸ اقىن.
سەرٸكزات دٷيسەنعازىنىڭ ايتۋىنا قاراعاندا, ميۋزيكلدٸڭ مەتٸنٸنٸڭ ٶزٸ ٶتە جەڭٸل ەلٸ تٷسٸنٸكتٸ جازىلعان.
«ميۋزيكلدٸڭ اۆتورى ريككاردو كوچچانتە ماعان كٶركەم پوەزيياڭىزدىڭ بٸزگە قاجەتٸ جوق دەپ تالاپ قويدى. بٸزگە ەڭ باستىسى - بۇل شىعارمادا ماعىنانى دەل بەرٸپ, ٶلەڭ تٷرٸندە جەڭٸل, جالپى ادام تٷسٸنەتٸندەي بولۋى كەرەك دەدٸ. ياعني, اۆتور ماعان «زييالى قاۋىمعا, اقىندار نەمەسە جازۋشىلارعا تٷسٸنٸكتٸ تٸلمەن عانا جازباڭىز» دەپ ەسكەرتتٸ. بٸرٸنشٸ اۋدارمامىز پوەزييالىق جاعىنان تەرەڭ بولىپ كەتتٸ. سوعان بايلانىستى ولار ماعان كٸشكەنە ەسكەرتۋ دە بەردٸ. دەمەك, اۆتورلار بٸزگە قاراپايىم زاۋىت جۇمىسشىسى نەمەسە مالشى, جۋرناليست نەمەسە جازۋشى كٶرە بەرەتٸندەي بولۋى كەرەكتٸگٸنە نازار اۋدارتتى», - دەيدٸ ول.
اقىننىڭ ايتۋىنشا, ميۋزيكلدٸڭ اۋدارماسىن فرانتسۋزداردىڭ پروديۋسسەرلٸك كومپانيياسى ەگجەي-تەگجەيلٸ تەكسەرگەن.
«اۋدارما بارىسىن ميۋزيكلدٸڭ اۆتورى ريككاردو كوچچانتەنٸڭ ٶزٸ قاداعالاپ وتىردى. سەبەبٸ, ولار قازاقشا بٸلمەسە دە, ٶز جاعىنىڭ اۋدارماشىلارىمەن, بٸز جاقتىڭ اۋدارماشىلارىمەن تىعىز جۇمىس جٷرگٸزدٸ. ٶتە كٶپ تەر تٶكتٸك. فرانتسيياعا ەكٸ مەرتە باردىم, قازاقستانعا ولار كەلدٸ. بەس-التى ايدىڭ ٸشٸندە وسىنداي جۇمىس جاسالدى. وعان مەن عانا ەمەس, باسقا ٷلكەن اقىندار دا اتسالىستى. فرانتسۋز كومپانيياسى بٸرنەشە اقىننىڭ ٸشٸنەن مەنٸ تاڭداپ العان ەكەن. بٸراق, بۇل رەتتە بٸر ەرەكشەلٸك تۋرالى دا ايتا كەتۋ كەرەك. بۇعان دەيٸن ەن مەتٸندەرٸن جازعاندىقتان, سونىڭ ماعان پايداسى تيدٸ مە دەپ ويلايمىن. سەبەبٸ, بۇل جەردە بٷكٸل وي مەن فيلوسوفييانى ەننٸڭ ٸشٸنە سىيعىزۋ مٸندەتٸ تۇردى. وسى مەسەلەگە كەلگەن كەزدە اۋقىمدى جۇمىستار جٷرگٸزدٸك», - دەيدٸ سەرٸكزات دٷيسەنعازى.
