نوتردامعا جوقتاۋ ايتقان قازاق ٶز جەدٸگەرلەرٸنە نەگە نەمقۇرايلى قارايدى?

مىسالى, سارايشىققا بارعان سايىن كٶڭٸلٸم لايلانىپ قايتادى. ٶزٸمٸزدٸڭ تاريحتى كٶز الدىمىزدا جايىق شايىپ, باس سٷيەكتەر شاشىلىپ جاتىر. ادامدار جەرٸن قازىپ, ەسكٸنٸڭ تيىن-تەبەنٸن ٸزدەپ شۇرق-تەسٸك قىلعان.

نوتردام دە پاري وتقا وراندى, ادام قۋاناتىن جاعداي ەمەس. بٸراق, بايلارى مۇرساتتا 100 ميلليونداعان ەۋرودان بٶلٸسٸپ, وعان بٸزدٸڭ قازاقتار دا قوسىلىپ تيىن-تەبەن اۋدارىپ (شىنىمەن) ونى قالپىنا كەلتٸرۋگە قازٸردەن كٸرٸسٸپ كەتتٸ.

ال سەنٸڭ, سەنٸڭ اتا-باباڭنىڭ, سەنٸڭ ۇلتىڭنىڭ تاريحى بٸزدٸڭ بەزبٷيرەكتٸگٸمٸزدەن ەلەۋسٸز دە قاراۋسىز سول جاتقان كٷيٸ جاتىر...

ارادا جىلدار ٶتەدٸ. ۇل-قىزىمىزدى قايتادان قالپىنا كەلتٸرگەن نوتردامعا اپارىپ, 2019 جىلدىڭ سەۋٸرٸندە تاريحي وقيعاعا فەيسبۋكتىڭ تٸكەلەي ەفيرٸ ارقىلى كۋەگەر بولعانىڭدى, ونىڭ وتقا ورانعان مۇناراسى قالاي قۇلاپ بارا جاتقانىن ٶز كٶزٸڭمەن كٶرگەنٸڭدٸ, تٸپتٸ سول سەتتە ونى سكرينشوت جاساپ ٷلگەرگەنٸڭدٸ ايتىپ, قازٸرگٸ رەستاۆراتسيياسى وريگينالىنان بٸر مىسقال دا كەم بوپ شىقپاعانىن, ونى قالپىنا كەلتٸرۋ ٷشٸن سەن دە اقشا اۋدارعانىڭدى جىر قىلىپ جەتكٸزەسٸڭ. سول كەزدە بالاڭ سەنەن "ەكە, بٸزدٸڭ وسىنداي تاريحي جەدٸگەرلەرٸمٸز بار ما? قالاي, قايدان كٶرسەم بولادى?" دەپ سۇرايدى... جاۋاپ بەرە الساق سول كەزدە...

P.S. دامىپ كەتكەن ەلەم قاشان دا دامىعاندىعىن كٶرسەتەدٸ عوي, بٸز سەكٸلدٸ ارتتا قالعان ەلدەرگە ٷلگٸ بوپ. مەسەلەن, پاريجدەگٸ وسى بٸر "قۇداي انا" كافەدرال شٸركەۋٸن سول قالپىندا رەستاۆراتسييا جاساۋ ٷشٸن ونىڭ مودەلٸن, ەۋ باستاعى ٷلگٸسٸن قايدان العالى جاتقانىن بٸلەسٸزدەر مە? يە, بٸلەسٸزدەر, ەستٸدٸڭٸزدەر. Assassin's creed دەگەن ويىننان. يە, يە, كەدٸمگٸ كومپيۋتەرلٸك ۆيدەويىننان. سٶيتسە, ول ويىندا وسى شٸركەۋدٸڭ بارلىق قىرلارى مەن ۇشتارى, كەسكٸنٸ مەن كەلبەتٸ تۋرا جاسالعان ەكەن...