قاتتى نٶسەردەن شىمكەنت كٶشەلەرٸن سۋ باستى, دەپ حابارلايدى قازاقپارات.
شىمكەنتتە قاتتى جاۋىن-شاشىن سالدارىنان قالا كٶشەلەرٸن سۋ باسىپ, جٷرگٸنشٸلەرگە كٶپ كەدەرگٸسٸن كەلتٸردٸ. جەراستى جولدارى مەن اۋلالار, كٶلٸك جولدارى سۋعا تولدى.
قالا اۋماعىنداعى جاڭبىر سۋىن سورۋ جۇمىستارىن ٷيلەستٸرۋ بويىنشا تٶتەنشە جاعدايلار دەپارتامەنتٸنٸڭ داعدارىس ورتالىعىندا جەدەل شتاب قۇرىلدى.
«جالپى سۋ سورۋ جۇمىستارىنا تٶتەنشە جاعدايلار دەپارتامەنتٸنٸڭ جەكە قۇرامىنان 113 قىزمەتكەر جەنە 39 تەحنيكا, 38 موتوپومپا, 1 جىلجىمالى, 255 قاپتالعان قۇم, جەرگٸلٸكتٸ ەكٸمشٸلٸكتەن 14 ۆودوۆوز, 2 موتوپومپا جۇمىلدىرىلدى. جالپى 6834 تەكشە مەتر سۋ سورىلدى. زارداپ شەككەندەر مەن قايتىس بولعاندار جوق, جەكە تۇرعىن ٷيلەردٸ سۋ باسۋى ورىن المادى» - دەلٸنگەن شىمكەنت قالاسى تجد قوعاممەن بايلانىس توبى تاراتقان حابارلامادا.
جاڭبىر سۋىن سورۋ جۇمىستارىن جٷرگٸزۋ ٷشٸن 44 مەكەنجايعا كٷشتەر مەن قۇرالدار جٸبەرٸلگەن. قىزمەتكەرلەر تٷنگٸ ساعات 4-كە دەيٸن جۇمىس ٸستەپ, كٶشەلەردٸ سۋدان تازارتتى. جەكە سەكتورداعى ٷيلەردٸ سۋ الماۋى ٷشٸن, قاپقا سالىنعان قۇمدار ارقىلى بٶگەتتەر جاسالدى.
«قازٸر قالادا جاعداي تۇراقتى. جەراستى جولدارىنىڭ بارلىعى سۋدان تازارتىلدى. تٷنٸمەن جەكە قۇرام كەزەكشٸلٸكپەن جۇمىس ٸستەدٸ. بٷگٸندە داۋىلدى ەسكەرتۋ جەنە نٶسەر جاۋۋ تۋرالى ەسكەرتۋ بەرٸلگەن. تجد قىزمەتكەرلەرٸ كەزەكشٸلٸكتٸ جالعاستىرۋدا», - دەدٸ شىمكەنت قالاسى تجد قوعاممەن بايلانىس توبىنان.
