قازاقستاننىڭ بٸرقاتار ٶڭٸرٸندە 1 شٸلدەدە قولايسىز اۋا رايى ساقتالادى, دەپ حابارلايدى Ult.kz.
سينوپتيكتەردٸڭ مەلٸمەتٸنشە, ەلدٸڭ باتىسى مەن سولتٷستٸگٸندە نٶسەر جاڭبىر, نايزاعاي, بۇرشاق, داۋىل جەنە ەكپٸندٸ جەل كٷتٸلەدٸ. ال شىعىس ٶڭٸرلەردە اپتاپ ىستىق ساقتالىپ, ٶرت قاۋپٸ كٷشەيەدٸ.
بۇعان دەيٸن جارييالانعان داۋىلدى ەسكەرتۋگە سەيكەس, 29 ماۋسىم مەن 2 شٸلدە ارالىعىندا باتىس قازاقستان, اتىراۋ, ماڭعىستاۋ جەنە اقتٶبە وبلىستارىندا قاتتى جاڭبىر جالعاسادى. ال 29 ماۋسىم مەن 5 شٸلدە ارالىعىندا قوستاناي, سولتٷستٸك قازاقستان, اقمولا, پاۆلودار جەنە ۇلىتاۋ وبلىستارىندا دا نٶسەر جاۋىن كٷتٸلەدٸ.
سونىمەن قاتار, 1-5 شٸلدە ارالىعىندا اباي جەنە شىعىس قازاقستان وبلىستارىندا كٷندٸز اۋا تەمپەراتۋراسى 30-38 گرادۋسقا دەيٸن كٶتەرٸلٸپ, قاتتى ىستىق ساقتالادى. وسىعان بايلانىستى اتالعان ٶڭٸرلەردە جوعارى جەنە تٶتەنشە ٶرت قاۋپٸ جارييالانعان.
1 شٸلدەدە باتىس قازاقستان, اتىراۋ, ماڭعىستاۋ, اقتٶبە, قوستاناي, سولتٷستٸك قازاقستان, اقمولا, پاۆلودار وبلىستارىندا جاڭبىر, نايزاعاي, كەي جەرلەردە قاتتى جاڭبىر, بۇرشاق, داۋىل جەنە سەكۋندىنا 15-28 مەترگە دەيٸن جەتەتٸن ەكپٸندٸ جەل بولجانىپ وتىر.
ورتالىق جەنە شىعىس ٶڭٸرلەردە دە اۋا رايى قۇبىلمالى بولادى. قاراعاندى, ۇلىتاۋ, اباي جەنە شىعىس قازاقستان وبلىستارىنىڭ بٸرقاتار اۋدانىندا جاڭبىر جاۋىپ, نايزاعاي وينايدى, جەل كٷشەيەدٸ. اباي وبلىسىندا كٷندٸز اۋا تەمپەراتۋراسى 35-37 گرادۋسقا, ال شىعىس قازاقستان وبلىسىندا 35-36 گرادۋسقا دەيٸن كٶتەرٸلەدٸ.
وڭتٷستٸك جەنە وڭتٷستٸك-شىعىس ٶڭٸرلەردە دە تۇراقسىز اۋا رايى كٷتٸلەدٸ. الماتى, جەتٸسۋ, جامبىل, تٷركٸستان جەنە قىزىلوردا وبلىستارىنىڭ كەي جەرلەرٸندە جاڭبىر, نايزاعاي, بۇرشاق, داۋىل جەنە ەكپٸندٸ جەل بولادى. الماتى وبلىسىندا كەي اۋدانداردا شاڭدى داۋىل بولجانعان. الماتى قالاسىندا تٷندە قاتتى جاڭبىر جاۋۋى مٷمكٸن.
ەلوردادا 1 شٸلدەدە جاڭبىر جاۋىپ, نايزاعاي وينايدى, كٷندٸز بۇرشاق تٷسٸپ, داۋىل تۇرۋى ىقتيمال. جەلدٸڭ ەكپٸنٸ سەكۋندىنا 15-20 مەترگە دەيٸن جەتەدٸ.
سينوپتيكتەر تۇرعىندارعا اۋا رايىنىڭ قولايسىزدىعىنا بايلانىستى الىس جولعا شىققاندا ساق بولۋعا, داۋىل كەزٸندە قاۋٸپسٸزدٸك شارالارىن ساقتاۋعا جەنە ٶرت قاۋپٸ جوعارى ٶڭٸرلەردە وتتى ابايلاپ پايدالانۋعا كەڭەس بەرەدٸ.
