قازاقستاندىق تانىمال Ninety One توبى كورەيانىڭ ۇلتتىق MNET تەلەارناسىندا كٶرسەتٸلەتٸن «I Can See Your Voice» تەلەۆيزييالىق شوۋىندا جەڭٸسكە جەتتٸ, دەپ حابارلايدى قازاقپارات تٸلشٸسٸ.
«I Can See Your Voice» - تٸپتٸ ەن ايتا المايتىندار دا جەڭٸسكە جەتۋٸ مٷمكٸن العاشقى شوۋ. شوۋ تۇجىرىمداماسى دا قاراپايىم. ەربٸر ەپيزودتا شاقىرىلعان ورىنداۋشى ساراپشىلار كومانداسىنىڭ كٶمەگٸمەن 4 راۋند بارىسىندا شوۋ قاتىسۋشىلارىنىڭ قايسىسى ەن ايتا المايتىندىعىن انىقتاۋى قاجەت. ەپيزود سوڭىندا بٸر عانا ورىنداۋشى قالىپ, ول ارنايى شاقىرىلعان ورىنداۋشىمەن بٸرگە ەن ايتۋى تيٸس. ەگەر جەڭٸمپاز ەن ايتىپ جٷرگەن ٶنەرپاز بولسا, وندا سينگل جازۋعا مٷمكٸندٸك الادى. ال ەن ايتا المايتىن قاتىسۋشى جەڭسە, جٷلدەگە تٸگٸلگەن 4,5 مىڭ دوللارعا يە بولادى.
قازاقستاندىق بويز-بەن كاستينگتەن سەتتٸ ٶتٸپ, باعدارلامانىڭ التى قاتىسۋشىسىنىڭ قاتارىن تولىقتىردى. ال شاقىرىلعان ەرتٸس قىزداردان قۇرالعان Mamamoo k-pop بولدى.
«تٶرەشٸلەر Ninety One ورتالىق ازيياداعى تانىمال توپ نەمەسە سەۋلگە بٸلٸم الۋعا كەلگەن قاراپايىم ستۋدەنتتەر ەكەندٸگٸن تابۋى تيٸس ەدٸ. Ninety One توبىنىڭ ەنشٸلەرٸ فينالعا شىعىپ, وندا Mamamoo رەپەرتۋارىنداعى «Yes I am» كومپوزيتسيياسىن جاندى داۋىستا ورىندادى. ALEM (باتىرxان مەلٸكوۆ), ACE (ازامات اشماقىن) جەنە BALA-نىڭ (دانييار قۇلىمشين) داۋىسى تٶرەشٸ قىزدارمەن قاتار Kim Jong-kook, Leeteuk (Super Junior), Yoo Se-yoon سىندى شاقىرىلعان تانىمال ٶنەر جۇلدىزدارىن تاڭ قالدىردى», - دەدٸ توپتىڭ پروديۋسەرٸ ەربولات بەدەلحان.
كورەيانىڭ ەسترادا جۇلدىزدارى قازاق ەنشٸلەرٸنٸڭ كورەي تٸلٸندە تازا ٶنەر كٶرسەتكەندەرٸنە ريزا بولدى. سونىمەن قاتار ولار توپتىڭ جەتەكشٸ رەپەرٸ ZAQ-تىڭ (دۋلات مۇحامەتقاليەۆ) جاس بەلسەندٸ ەكەندٸگٸنە جەنە Q-pop باعىتى مەن قازٸرگٸ قازاق مۋزىكاسىن جاقتاۋشىلاردىڭ بٸرٸ ەكەندٸگٸنە تاڭدانىستارىن بٸلدٸردٸ. شوۋ اياقتالعاننان كەيٸن 1 ساعات ٶتٸسٸمەن كورەيانىڭ ۇلتتىق Naver (Google بالاماسى) ٸزدەۋ جٷيەسٸندە Ninety One ەڭ كٶپ سۇرانىسقا يە بولعان سٶزگە اينالدى.
شوۋ سوڭىندا Ninety One توبى تولىق قۇرامدا ٶزدەرٸنٸڭ «Aiyptama» ەنٸن ورىندادى. Mamamoo مەن Ninety One دۋەتٸ ورىنعان ەن YouTube ارناسىندا جارييالانعان ٷش كٷننٸڭ ٸشٸندە 500 مىڭ كٶرٸلٸم جينادى.
«قازاقستاندىق توپتىڭ شىعارماشىلىعىنا قىزىعۋشىلىق كٷرت ارتتى. وعان بارلىق ەلەۋمەتتٸك جەلٸلەردەگٸ جازىلۋشىلار سانىنىڭ ارتۋى, سونىمەن قاتار توپ كليپتەرٸنٸڭ استىنا شەتەلدٸك جانكٷيەرلەر قالدىرعان وڭ پٸكٸرلەر دەلەل بولا الادى. Ninety One بٸرتٸندەپ ەلەمدٸك نارىقتى باعىندىرىپ كەلەدٸ جەنە كورەياداعى جەڭٸس ونىڭ العاشقى باسپالداعى عانا», - دەدٸ ەربولات بەدەلحان.
