بەيسەنبٸ كٷنٸ نيگەرييا دەنساۋلىق ساقتاۋ فەدەرالدىق مينيسترلٸگٸ Twitter-دە ەلدە لاگوس شتاتىندا بٸر ادامنىڭ كوروناۆيرۋس جۇقتىرعانىن مەلٸم ەتتٸ, دەپ حابارلايدى CBS News.
ۆيرۋس نيگەرييادا جۇمىس ٸستەيتٸن يتالييا ازاماتىنان تابىلعان. ول 25 اقپاندا ميلاننان كەلگەن. قازٸرگٸ ۋاقىتتا ناۋقاس لاگوس اۋرۋحاناسىندا جاتىر. نيگەرييا كوروناۆيرۋس ينفەكتسيياسى تابىلعان افريكاداعى العاشقى مەملەكەت.
سونداي-اق, ۆيرۋس جەكسەنبٸ كٷنٸ يتالييادان كەلگەن يزرايل ازاماتىنان دا تابىلدى, دەپ جازادى Jerusalem Post. ناۋقاستىڭ قىزۋى كٶتەرٸلٸپ, كارانتينگە جاتقىزىلعان, دەپ حابارلادى ەلدٸڭ دەنساۋلىق ساقتاۋ مينيسترلٸگٸ. بۇل اداممەن بايلانىسقانداردىڭ بارلىعى ٷيلەرٸندە كارانتيندە جاتىر.
ەر ادام El Al ەۋە كومپانيياسىنىڭ 382 رەيسٸمەن يتالييادان يزرايلگە جەكسەنبٸ كٷنٸ ۇشىپ كەلدٸ.
بۇدان بۇرىن يزرايل اۋماعىندا كوروناۆيرۋس ينفەكتسيياسى ەكٸ ادامنان تابىلدى. ولار Diamond Princess كرۋيزدٸك لاينەرٸنٸڭ جولاۋشىلارى بولعان.
ەلدٸڭ ٸشكٸ ٸستەر مينيسترٸ ارە دەري بەيسەنبٸ كٷنٸ كوروناۆيرۋسقا بايلانىستى يتالييالىق تۋريستەردٸڭ يزرايل اۋماعىنا كٸرۋٸنە تىيىم سالاتىن قۇجاتقا قول قوياتىنىن ايتقان ەدٸ. بەيسەنبٸ كٷنٸ يتالييادان كەلگەن بٸرنەشە شەتەلدٸك تۋريستكە ەلگە كٸرۋگە رۇقسات ەتٸلمەدٸ. بەرگامودان ۇشىپ كەلگەن 25 تۋريست (سونىڭ ٸشٸندە 19 يتالييالىق) ۇشاقتىڭ بورتىندا قالدى.
سەرسەنبٸ كٷنٸ دەنساۋلىق ساقتاۋ مينيسترلٸگٸ يتالييادان كەلگەن بارلىق يزرايل ازاماتتارىنىڭ ٷيلەرٸندە 14 كٷن بويى كارانتيندە بولۋى تيٸس ەكەنٸن ەسكەرتتٸ.
ەسكە سالايىق, يتالييادا ۆيرۋستان 17 ادام كٶز جۇمدى, اۋرۋ جۇقتىرعاندار سانى 650 ادامعا جەتتٸ.
