ماسقارا!
ٶرتەنٸپ ٶلدٸ بەس بالا,
و, سۇمدىق, نەتكەن ماسقارا!
جىلاماس بۇعان جەدٸگٶي,
جٸبٸمەس بۇعان تاس قانا.
قارا تٷن الدى – كەشكٸ ٸڭٸر,
ٸڭٸردەن زاۋال ەستٸ بٸر.
شىبىنداپ بٸزدەر جٷرگەندە,
شىرىلداپ كەتتٸ بەس عۇمىر.
سارايدان ساراي سالامىز,
نە قىلعان سوقىر سانامىز?
ٶكٸرٸپ جاتىر اتا-انا,
ٶرتەنٸپ جاتىر بالامىز.
داۋاسىز سورعا سوقتىققان,
وسىنىڭ بەرٸ – جوقتىقتان.
سەمٸرٸپ العان كٶپ سەركە,
سەكٸرٸپ جٷر عوي توقتىقتان.
قۋدالا, مەيلٸ شەتكە قاق,
جاڭقالاپ, جارىپ وتقا جاق!
قاي قۋىس, قايدا بارساڭ دا,
قاڭعىرىپ جٷرگەن كٶپ قازاق.
جوقشىلىق قانا – ٷلەسٸ,
حالقىمنىڭ كٶرگەن كٷنٸ وسى!
قاشانعا دەيٸن جالعاسار,
باي مەنەن كەدەي كٷرەسٸ?
قاڭعىرىپ جٷرٸپ پەتەردە,
ۇرىندى قاۋساپ قاتەرگە.
بايقۇستىڭ مۇندا ٷيٸ جوق,
ٷيٸ جوق جەنە شەتەلدە...
بويىنا ارام بوق سٸنگەن,
شەشەۋنٸك قانشا تەپسٸنگەن.
مينيستر كەتسٸن ورنىنان,
ون التى مىڭدى كٶپسٸنگەن!
جەلكٸلدەپ ٶسٸپ جەتپەي مە,
بالاسىز ٶمٸر كٶكتەي مە?
ٶرتەنٸپ ۇرپاق ٶلگەنشە,
ٶرتەنٸپ دٷنيە كەتپەي مە?!.
نەسٸپبەك ايتۇلى,
مەملەكەتتٸك سىيلىقتىڭ لاۋرەاتى
