قوستاناي وبلىسىندا توبىل ٶزەنٸندە جوعالىپ كەتكەن اتا مەن نەمەرەنٸ ٸزدەستٸرۋ جۇمىستارى اياقتالدى. قۇتقارۋشىلار ولاردىڭ دەنەلەرٸن بٸرنەشە شاقىرىم تٶمەن اعىستان تاپتى, دەپ حابارلايدى ult.kz.
قايعىلى وقيعا 14 ماۋسىم كٷنٸ قوستاناي اۋدانىنا قاراستى التىن دالا اۋىلى ماڭىندا بولعان. الدىن الا مەلٸمەت بويىنشا, شومىلۋعا تىيىم سالىنعان جەردە ٶزەن جاعاسىندا جٷرگەن 6 جاستاعى بالا قاتتى اعىسقا تٷسٸپ كەتكەن.
بالانى قۇتقارۋعا ۇمتىلعان اتاسى سۋعا سەكٸرگەنٸمەن, ٶزٸ دە اعىسقا قارسى تۇرا الماي, نەمەرەسٸمەن بٸرگە جوعالىپ كەتكەن.
قوستاناي وبلىستىق تٶتەنشە جاعدايلار دەپارتامەنتٸنٸڭ مەلٸمەتٸنشە, 16 ماۋسىم كٷنٸ جٷرگٸزٸلگەن ٸزدەستٸرۋ-قۇتقارۋ جۇمىستارى بارىسىندا بالانىڭ دەنەسٸ وقيعا ورنىنان شامامەن 1,5 شاقىرىم تٶمەن جەردەن تابىلعان. كەيٸن 1967 جىلى تۋعان ەر ادامنىڭ مەيٸتٸ ٶزەن اعىسىمەن شامامەن بەس شاقىرىم جەردەن انىقتالدى.
ٸزدەۋ جۇمىستارىنا قۇتقارۋشىلار, پوليتسييا قىزمەتكەرلەرٸ, مەديتسينا ماماندارى, جەرگٸلٸكتٸ اتقارۋشى ورگان ٶكٸلدەرٸ, ەرٸكتٸلەر جەنە اۋىل تۇرعىندارى جۇمىلدىرىلدى.
قازٸر ٸزدەستٸرۋ-قۇتقارۋ جۇمىستارى تولىق اياقتالدى.
