Qostanai oblysynda Tobyl ózeninde joǵalyp ketken ata men nemereni izdestirý jumystary aiaqtaldy. Qutqarýshylar olardyń denelerin birneshe shaqyrym tómen aǵystan tapty, dep habarlaidy ult.kz.
Qaiǵyly oqiǵa 14 maýsym kúni Qostanai aýdanyna qarasty Altyn dala aýyly mańynda bolǵan. Aldyn ala málimet boiynsha, shomylýǵa tyiym salynǵan jerde ózen jaǵasynda júrgen 6 jastaǵy bala qatty aǵysqa túsip ketken.
Balany qutqarýǵa umtylǵan atasy sýǵa sekirgenimen, ózi de aǵysqa qarsy tura almai, nemeresimen birge joǵalyp ketken.
Qostanai oblystyq Tótenshe jaǵdailar departamentiniń málimetinshe, 16 maýsym kúni júrgizilgen izdestirý-qutqarý jumystary barysynda balanyń denesi oqiǵa ornynan shamamen 1,5 shaqyrym tómen jerden tabylǵan. Keiin 1967 jyly týǵan er adamnyń máiiti ózen aǵysymen shamamen bes shaqyrym jerden anyqtaldy.
Izdeý jumystaryna qutqarýshylar, politsiia qyzmetkerleri, meditsina mamandary, jergilikti atqarýshy organ ókilderi, eriktiler jáne aýyl turǵyndary jumyldyryldy.
Qazir izdestirý-qutqarý jumystary tolyq aiaqtaldy.
