قازاقستاننىڭ ەڭبەك سٸڭٸرگەن قايراتكەرٸ, ەنشٸ سەكەن مايعازيەۆ جاقىندا اتا اتانعانىن ايتىپ, وتباسىنداعى ەرەكشە دەستٷرمەن بٶلٸستٸ, دەپ حابارلايدى ult.kz."تاڭشولپان" باعدارلاماسىنا قوناق بولعان ٶنەر يەسٸ نەمەرە سٷيۋدٸڭ ٶزٸندٸك ەرەكشە سەزٸم ەكەنٸن جەتكٸزدٸ.
سونداي-اق ول بالا تەربيەسٸندە اتا-ەجەنٸڭ ورنى ماڭىزدى ەكەنٸن اتاپ ٶتتٸ.
" اتا-ەجە باققان بالانىڭ جامان بولعانىن كٶرمەدٸم. جۇمىس بولسىن, كٶپشٸلٸك جەر بولسىن ەرقاشان الدا جٷرەدٸ. ەدەت-عۇرىپتى, دەستٷردٸ بويىنا سٸڭٸرٸپ ٶسەد", - دەدٸ ەنشٸ.
سونىمەن قاتار ول سەبيدٸڭ بەسٸكتە جاتىپ بەسٸك جىرىن ەستٸپ جەتٸلۋٸندە دە ٶزٸندٸك مەن بارىن اتاپ ٶتتٸ.
"ادال جارىم دينارا اسىلحانقىزى دا وسى جايىندا ٶتە كٶپ تالداۋلار جاساپ جٷر. پسيحولوگييالىق تۇرعىدا قانداي پايداسى بارىن كٶپشٸلٸككە تٷسٸندٸرۋدە. نەمەرەم دە بەسٸكتە جاتادى. ول مارقۇم ەكەمنٸڭ بەسٸگٸ", - دەدٸ.
سەكەن مايعازيەۆ كٸم?
سەكەن مايعازيەۆ – قازاقستاندىق ەنشٸ, قازاقستاننىڭ ەڭبەك سٸڭٸرگەن قايراتكەرٸ جەنە "مۋزارت" توبىنىڭ مٷشەسٸ. 2025 جىلى ٶنەر يەسٸ 50 جاس مەرەيتويىن اتاپ ٶتتٸ. ول تٷركٸستان ٶڭٸرٸنٸڭ تۋماسى. سەكەن مايعازيەۆ كەسٸبي مۋزىكالىق بٸلٸمٸن جٷسٸپبەك ەلەبەكوۆ اتىنداعى رەسپۋبليكالىق ەسترادا جەنە تسيرك كوللەدجٸندە العان. 1993 جىلى اتالعان وقۋ ورنىنا تٷسٸپ, سوقپالى اسپاپتار جەنە ەسترادالىق ۆوكال ماماندىعى بويىنشا بٸلٸم الدى. 1997 جىلى تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىندا وقۋىن جالعاستىردى. ەنشٸنٸڭ ٶنەردەگٸ العاشقى جەتٸستٸكتەرٸنٸڭ بٸرٸ 1996 جىلى تارازدا ٶتكەن شەمشٸ قالداياقوۆ اتىنداعى حالىقارالىق فەستيۆالمەن بايلانىستى. ول وسى بايقاۋدىڭ ديپلومانتى اتاندى. 1997 جىلى رەسپۋبليكالىق "جاس قانات" بايقاۋىندا "التىن دومبىرا" جٷلدەسٸن يەلەندٸ. 1998 جىلى "الماتى – 98" فەستيۆالٸندە بٸرٸنشٸ ورىن الدى.
2001 جىلدان باستاپ سەكەن مايعازيەۆ "مۋزارت" توبىنىڭ قۇرامىندا ٶنەر كٶرسەتە باستادى. كەيٸن بۇل ۇجىم قازاق ەستراداسىنداعى تانىمال توپتاردىڭ بٸرٸنە اينالدى. سەكەن مايعازيەۆ جەكە ورىنداۋشى رەتٸندە دە شىعارماشىلىق كەشتەر ٶتكٸزٸپ كەلەدٸ. 2015 جىلى ونىڭ "اسىل انا" اتتى شىعارماشىلىق كونتسەرتٸ ٶتٸپ, وندا رەپەرتۋارىنداعى بەلگٸلٸ جەنە جاڭا ەندەرٸ ورىندالدى. ەنشٸ تەلەۆيزييالىق مۋزىكالىق جوبالارعا دا قاتىسىپ, جاس ورىنداۋشىلارعا تەلٸمگەرلٸك ەتتٸ. 2021 جىلى ول "Qazaqstan داۋىسى" جوباسىنداعى تٶرت تەلٸمگەردٸڭ بٸرٸ بولدى. سونىمەن قاتار ٶنەردەگٸ تەجٸريبەسٸن كەيٸنگٸ بۋىنعا جەتكٸزۋ ماقساتىندا ۇستازدىق قىزمەتپەن اينالىسىپ, 2012 جىلدان باستاپ ٶزٸ بٸلٸم العان ەسترادا جەنە تسيرك كوللەدجٸندە ساباق بەردٸ. سەكەن مايعازيەۆ قازاقستاننىڭ ەڭبەك سٸڭٸرگەن قايراتكەرٸ اتاعىنا يە جەنە "دارىن" مەملەكەتتٸك جاستار سىيلىعىنىڭ لاۋرەاتى.
2025 جىلى 50 جىلدىق مەرەيتويىنا وراي قازاقستان ٶڭٸرلەرٸندە كونتسەرتتٸك تۋر ٶتكٸزٸپ, سول جىلى ٶنەر مەن مەدەنيەتكە قوسقان ٷلەسٸ ٷشٸن سوزاق اۋدانىنىڭ "قۇرمەتتٸ ازاماتى" اتاندى. وسىلايشا, سەكەن مايعازيەۆ – وتاندىق ەسترادادا شيرەك عاسىردان استام ۋاقىت بويى ٶنەر كٶرسەتٸپ, ورىنداۋشىلىقپەن قاتار ۇستازدىق جەنە تەلٸمگەرلٸك باعىتتا دا ەڭبەك ەتٸپ كەلە جاتقان بەلگٸلٸ ٶنەر قايراتكەرٸ.
