نەگٸزسٸز سالىق تٶلەۋ تۋرالى حابارلاما كەلٸپ تۇرسا كايدا جٷگٸنۋگە بولادى? بۇل سۇراققا قر قم مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى ازامات سادىقوۆ جاۋاپ بەردٸ, دەپ حابارلايدى قازاقپارات.
«سالىق تٶلەۋ تەرتٸبٸن, سالىقتىق ەكٸمشٸلەندٸرۋ سالاسىن جەڭٸلدەتٸپ, تسيفرلاندىرۋ ٷشٸن بٸرشاما باعىتتا جۇمىس جٷرگٸزٸپ جاتىرمىز. وسى ۋاقىتقا دەيٸن نە تىندىردىق? بٸرٸنشٸدەن مەملەكەتتٸك ورگانداردىڭ اقپاراتتىق جٷيەلەرٸمەن ونلاين ينتەگراتسييا رەتكە كەلتٸرٸلدٸ. ياعني قازٸرگٸ ۋاقىتتا سالىق ورگاندارى ونلاين رەجيمدە ٶزٸنە قاجەتتٸ مەلٸمەتتەردٸ الا الادى. سونىمەن قاتار مەملەكەتتٸك كٸرٸستەر كوميتەتٸنٸڭ eSalyq موبيلدٸ قوسىمشاسى جۇمىس ٸستەپ تۇر», - دەدٸ مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى ازامات سادىقوۆ تٸكەلەي ەفيردە سٶيلەگەن سٶزٸندە.
ونىڭ ايتۋىنشا اتالمىش موبيلدٸ قوسىمشادا سالىقتىق ەمييان قىزمەتٸ ٸسكە قوسىلعان.
«ول سالىق تٶلەۋشٸلەردٸڭ كٶپتەگەن مەسەلەسٸن شەشە الادى. قازٸر سالىق تٶلەۋ ٷشٸن مٸندەتتٸ تٷردە سالىق ورگاندارى مەكەمەسٸنە بارۋدىڭ قاجەتٸ جوق. بۇل قوسىمشانى ۇيالى تەلەفوندارعا جٷكتەپ الۋعا بولادى. سونىمەن قاتار سالىق ەمييانىن تولتىرىپ الۋ مٷمكٸندٸگٸ دە بار. سونداي-اق بۇل قوسىمشا قازٸرگٸ جەنە الداعى سالىقتىق مٸندەتتەر تۋرالى اقپارات بەرٸپ وتىرادى», - دەدٸ ول.
ازامات سادىقوۆ مەملەكەتتٸك كٸرٸستەر كوميتەتٸ ەكٸمشٸلٸك پوليتسييا قىزمەتٸمەن بٸرگە سالىق ەمييانىندا كٶلٸك قۇرالدارى بويىنشا مەلٸمەتتەردٸ تٷزەۋ سەرۆيسٸ ٸسكە قوسىلعانىن جەتكٸزدٸ.
«بۇل دەگەنٸمٸز نە? ٸشكٸ ٸستەر ورگاندارىنىڭ سالىق تۋرالى جٸبەرگەن حابارلامامەن كەلٸسپەگەن جاعدايدا سالىق تٶلەۋشٸ ۋەكٸلەتتٸ ورگانعا بۇل مەلٸمەتتٸ تٷزەۋ تۋرالى حابارلاما جولداي الادى. ۋەكٸلەتتٸ ورگان ول اقپاراتتى تەكسەرٸپ, شىنىندا دا قاتەلٸك كەتكەنٸن انىقتاسا, مەلٸمەتتەردٸ تٷزەپ, ول تۋرالى حابارلاما بٸزگە تٷسەدٸ. تيٸسٸنشٸ قارىز بويىنشا مەلٸمەت تٷزەتٸلەدٸ. جىلجىمايتىن مٷلٸك بويىنشا مەلٸمەتتەردٸ تٷزەۋ سەرۆيسٸ دە وسىنداي ەدٸسپەن جۇمىس جٷرگٸزەدٸ», - دەدٸ ول.
