قازاقستان رەسپۋبليكاسىنىڭ تۇڭعىش پرەزيدەنتٸ نۇرسۇلتان نازارباەۆتىڭ تٶراعالىعىمەن قاۋٸپسٸزدٸك كەڭەسٸنٸڭ وتىرىسى ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
جيىندا تٷركٸستان وبلىسىنىڭ ارىس قالاسىنداعى قازٸرگٸ احۋال جەنە ەلٸمٸزدٸڭ سۋ قاۋٸپسٸزدٸگٸن قامتاماسىز ەتۋ مەسەلەلەرٸ تالقىلاندى.
قاۋٸپسٸزدٸك كەڭەسٸنٸڭ تٶراعاسى ارىس قالاسىندا قازا بولعانداردىڭ تۋىستارى مەن جاقىندارىنا كٶڭٸل ايتتى, سونداي-اق جارىلىس سالدارىن جويۋعا اتسالىسىپ جاتقان بارلىق قۇزىرلى ورگان قىزمەتكەرلەرٸنٸڭ جەنە ۆولونتەرلەردٸڭ قاجىرلى ەڭبەگٸن ەرەكشە اتاپ ٶتتٸ.
– سوڭعى اقپاراتقا سەيكەس, زارداپ شەككەندەردٸڭ سانى 160-تان استى. بارشا قازاقستاندىقتار بٸرلٸگٸمٸزدٸڭ بەكەم ەكەنٸن كٶرسەتٸپ جاتقانىن اتاپ ٶتكٸم كەلەدٸ. ەلٸمٸزدٸڭ ەر تٷكپٸرٸنەن ازاماتتار الاڭداۋشىلىق بٸلدٸرۋدە, تٷرلٸ ۇيىمدار مەن كەسٸپورىنداردىڭ جۇمىسكەرلەرٸ زارداپ شەككەندەرگە كٶمەك كٶرسەتۋ ٷشٸن بٸرٸگٸپ جاتىر. بٸر ٶڭٸردٸڭ باسىنا تٷسكەن قيىنشىلىق – بەرٸمٸزگە ورتاق مەسەلە. بٸز حالقىمىزدىڭ ىنتىماعىنىڭ ارقاسىندا بارلىق قيىندىقتى ەڭسەرەمٸز. بارشا قازاقستاندىقتارعا ريزاشىلىعىمدى بٸلدٸرەمٸن, – دەدٸ ەلباسى.
نۇرسۇلتان نازارباەۆ ٶڭٸردە قالىپتى جاعدايدى تەزٸرەك قالپىنا كەلتٸرۋ جەنە تۇرعىندارعا جان-جاقتى قولداۋ كٶرسەتۋ ٷشٸن مەملەكەت تاراپىنان بارلىق شارالار قولدانىلىپ جاتقانىن اتاپ ٶتتٸ.
سۋ قاۋٸپسٸزدٸگٸن قامتاماسىز ەتۋ مەسەلەسٸ بويىنشا ەلٸمٸزدەگٸ سۋ رەسۋرستارىنىڭ جەنە سۋ شارۋاشىلىعى نىساندارىنىڭ جاي-كٷيٸ تالقىلاندى. سونداي-اق, تۇرعىندار ٷشٸن تازا اۋىز سۋدىڭ قولجەتٸمدٸ بولۋىنا جەنە سۋدى ٷنەمدەپ پايدالانۋ مەسەلەلەرٸنە ەرەكشە نازار اۋدارىلدى.
وتىرىس قورىتىندىسى بويىنشا ارىس قالاسىندا جٶندەۋ جۇمىستارىن جٷرگٸزۋ جەنە ازاماتتاردىڭ تۇرعىلىقتى جەرٸنە ورالۋىن ۇيىمداستىرۋ جٶنٸندە ناقتى تاپسىرمالار بەرٸلدٸ.
