قۇرمەتتٸ قازاقستاندىقتار!
ناۋرىز ايىنىڭ ەلٸمٸزدٸڭ تەۋەلسٸزدٸك كٷنتٸزبەسٸندە ەرەكشە ورنى بار.
بٸز كٶكتەمنٸڭ العاشقى كٷنٸندە العىس ايتۋ كٷنٸن اتاپ ٶتەمٸز.
سونىمەن بٸرگە, بۇل – قازاقستان حالقى اسسامبلەياسى قۇرىلعان كٷن.
ۇلىستىڭ ۇلى كٷنٸ ناۋرىز مەيرامى شۋاقتى كٶكتەم ايىنىڭ ەنشٸسٸندە.
قىمباتتى ەيەلدەرٸمٸزدٸ دە مەرەكەسٸمەن ناۋرىز ايىندا قۇتتىقتايمىز.
وسى ٸزگٸ وقيعالاردىڭ بەرٸ قازاقستان حالقىن بٸرٸكتٸرە تٷسەدٸ.
«رۋحاني جاڭعىرۋ» باعدارلاماسى دا وسىعان باعىتتالعان.
بٸز ەلدٸڭ بٸرلٸگٸ مەن مەملەكەتتٸڭ سىندارلى ساياساتىنىڭ ارقاسىندا بارلىق سىناقتاردان ابىرويمەن ٶتتٸك.
ەل يەسٸ قازاق حالقىنىڭ ماڭىنا ۇيىسقان بارشا ەتنوستار ونى جوعارى باعالايدى.
بٷگٸندە الماتى, باتىس قازاقستان, جامبىل جەنە وڭتٷستٸك قازاقستان وبلىستارىندا «قازاق ەلٸنە مىڭ العىس» اتتى مونۋمەنتتەر بوي كٶتەرگەن.
بۇل ەسكەرتكٸشتەردٸ ەلٸمٸزدەگٸ تٷرلٸ ەتنوستىق توپتار باستارىنا كٷن تۋعان كەزدە باۋىرىنا باسقان قازاقتىڭ جەرٸ مەن ەلٸنە العىس رەتٸندە ٶز باستامالارىمەن تۇرعىزدى.
قازاق حالقى دا ولارعا ۇلتتىق تاريحىمىزعا كٶرسەتكەن زور قۇرمەتٸ ٷشٸن العىسىن بٸلدٸرەدٸ.
وسىنداي ٶزارا قۇرمەت پەن سەنٸم مىزعىماس ەل بٸرلٸگٸنە نەگٸز بولسا, ٸزگٸ شارالار حالقىمىزدىڭ كەڭ پەيٸلٸ مەن دارحان كٶڭٸلٸنٸڭ ايقىن كٶرٸنٸسٸنە اينالۋدا.
جاقسىلىقتى جادىندا ساقتاي بٸلگەن ەلدٸڭ رۋحى قاشان دا بيٸك.
زاماناۋي قازاقستاننىڭ ٶسٸپ-ٶركەندەۋٸنە ەربٸر وتانداسىمىز ٶز ٷلەسٸن قوستى.
مەن ەتنو-مەدەني بٸرلەستٸكتەرگە دە ايرىقشا ريزاشىلىق بٸلدٸرەمٸن.
بٸز, بەرٸمٸز بٸرگە ٶتە كٷردەلٸ, قيلى زامانداردان ٶتتٸك.
تەۋەلسٸزدٸكتٸڭ ەڭ تاعدىرشەشتٸ سەتتەرٸندە مەنٸ ەردايىم قولداعان حالقىما دا العىس ايتامىن.
ٶتكەن سايلاۋلاردىڭ بەرٸندە حالقىمىز مەنٸ بٸراۋىزدان قولداپ, سايلادى.
مەن ٷشٸن ەڭ ٷلكەن ماراپات – وسى.
ەلٸمنٸڭ قولداۋى ماعان جۇمىس بارىسىندا زور كٷش-جٸگەر بەردٸ.
مەن حالقىمنىڭ ٶز كەلەشەگٸنە سەنٸممەن قاراۋى ٷشٸن ەڭبەك ەتتٸم, قازٸر دە, بولاشاقتا دا وسى ماقسات جولىندا جۇمىس ٸستەي بەرەمٸن.
سول سەبەپتٸ, مەن بٷگٸن قازاقستان رەسپۋبليكاسى پارلامەنتٸنٸڭ قابىرعاسىنان جاڭا ەلەۋمەتتٸك باستامالار كٶتەرٸپ, حالقىما ٷندەۋ جارييالاعالى وتىرمىن.
بۇل قادام تالايدان بەرٸ مەنٸڭ كٶكەيٸمدە جٷر.
بٸراق, قازاقستان الدىمەن بويىنا كٷش, قازىناسىنا قارجى جيناپ, قۋاتتى ەلگە اينالۋى كەرەك ەدٸ.
مٸنە, سول كٷن دە تۋدى!
بۇل – بٸزدٸڭ قوعامنىڭ ەلەۋمەتتٸك بٸرلٸگٸن نىعايتۋ ٷشٸن جٸگەرٸمٸزدٸ جانىپ, ناقتى ٸسكە كٸرٸسەتٸن سەت.
بٸز ونى اۋقىمدى ەلەۋمەتتٸك جوبالار ارقىلى جٷزەگە اسىرامىز.
مەملەكەت وسىنداي تٷبەگەيلٸ شارالاردى قولعا الادى.
«قازاقستان – بٸزدٸڭ ورتاق ٷيٸمٸز» دەگەن يدەيا جاڭا ماعىنامەن تولىعا تٷسۋگە تيٸس.
جاڭا ۇسىنىستاردىڭ ماڭىزدىلىعىن ەسكەرٸپ, مەن ەربٸر قازاقستاندىقتىڭ ەل-اۋقاتىن ەرٸ قاراي جاقسارتا تٷسۋگە باعىتتالعان جاڭا ەلەۋمەتتٸك باستامالارىمدى ٶزدەرٸڭٸزبەن تالقىلاۋ ٷشٸن بٷگٸنگٸ پارلامەنت پالاتالارى مەن ٷكٸمەتتٸڭ بٸرلەسكەن وتىرىسىن شاقىرتتىم.
بٸردەن ايتايىن: بٷگٸن ايتىلاتىن ۇسىنىستىڭ بەرٸ – ەسەپ-قيسابى مۇقييات جاسالعان باعدارلاما.
بۇل – ەلدٸڭ يگٸلٸگٸنە ارنالعان ۇتىمدى, سونىمەن قاتار, وپتيميستٸك جوبا.
مەن ٶركەندەگەن قازاقستان – ەڭ الدىمەن مەملەكەتٸ ٶزٸن قورعاپ, قولدايتىنىن, قامقورلىق جاسايتىنىن سەزٸنەتٸن, تيٸسٸنشە ەلٸن جان جٷرەگٸمەن سٷيەتٸن, ٶزدەرٸنە سەنٸمدٸ ادامدار دەپ سانايمىن.
سول سەبەپتٸ, بٸز بٷگٸن جاڭا, اۋقىمدى ەلەۋمەتتٸك جوبالارعا جول اشامىز.
قىمباتتى دوستار!
بٸز بٷگٸن ەلەۋمەتتٸك جاڭعىرۋ جولىندا جاڭا, اۋقىمدى قادام جاساۋعا دايىنبىز.
مەن پرەزيدەنتتٸڭ بەس ەلەۋمەتتٸك باستاماسىن ۇسىنامىن.
بٸرٸنشٸ باستاما: «ەربٸر وتباسىنا باسپانا الۋدىڭ جاڭا مٷمكٸندٸكتەرٸن بەرۋ».
بٸز سوڭعى جىلدارى قازاقستاندىقتاردىڭ باسپانا الۋ مٷمكٸندٸكتەرٸن كەڭەيتۋ ٷشٸن كٶپ نەرسە جاسادىق.
2017 جىلى 11,2 ميلليون شارشى مەتر تۇرعىن-ٷي پايدالانۋعا بەرٸلدٸ.
بۇل – رەكوردتىق كٶرسەتكٸش.
دەگەنمەن, ونىڭ ٶزٸ جەتكٸلٸكسٸز, ەلٸ كٷنگە دەيٸن كٶپتەگەن وتباسى باسپاناسىز جٷر.
بۇل – ايرىقشا ەلەۋمەتتٸك ماڭىزى بار مەسەلە.
ونىڭ شەشٸمٸن تۇرعىن-ٷي يپوتەكاسىنىڭ قالىڭ كٶپشٸلٸككە جاپپاي قولجەتٸمدٸلٸگٸن ارتتىرۋ ارقىلى تابۋعا بارلىق جاعداي جاساۋ كەرەك.
جۇمىس ٸستەيتٸن ەربٸر ادام نەسيەگە پەتەر ساتىپ الىپ, ونى وتباسىلىق بيۋدجەتٸنٸڭ مٷمكٸندٸكتەرٸ اياسىندا تٶلەي الاتىنداي بولۋى ٷشٸن ارزان رەسۋرستار ۇسىناتىن تەتٸكتەر قاجەت.
سوندىقتان, مەن «7 – 20 – 25» باعدارلاماسىن ۇسىنامىن.
جۇمىس ٸستەيتٸن ەربٸر قازاقستاندىق تٶمەندەگٸدەي شارتتار بويىنشا تەڭگەمەن نەسيە الۋ مٷمكٸندٸگٸنە يە بولادى.
نەسيە ٶسٸمٸنٸڭ مٶلشەرلەمەسٸ قازٸرگٸدەي 14-16 ەمەس, جىلىنا 7 پروتسەنتتەن اسپايتىن بولادى.
قازٸر بانكتەر باستاپقى جارناعا باسپانا قۇنىنىڭ 30 پروتسەنتٸنە دەيٸن, كەيدە تٸپتٸ 50 پروتسەنتٸن سالۋدى تالاپ ەتسە, بۇل باعدارلاما بويىنشا ول 20 پروتسەنتتەن اسپاۋعا تيٸس.
نەسيە الۋشىنىڭ اي سايىنعى تٶلەمٸن ازايتۋ ٷشٸن ونىڭ مەرزٸمٸ 10-15 ەمەس, 25 جىلعا دەيٸن بولادى.
ول ٷشٸن ۇلتتىق بانكتٸڭ, ەكٸنشٸ دەڭگەيلٸ بانكتەر مەن قور نارىعىنىڭ مٷمكٸندٸكتەرٸن ٸسكە قوسۋ كەرەك.
ۇلتتىق بانك كەمٸندە 1 تريلليون تەڭگە قارجى تارتاتىن ارنايى كومپانييا قۇرىپ, ول قارجىنى بانكتەردٸڭ جوعارىدا ايتىلعان شارتتار بويىنشا بەرەتٸن جاڭا يپوتەكالىق نەسيەلەرٸن ساتىپ الۋعا جۇمساۋى قاجەت.
باعدارلامانى جٷزەگە اسىرۋ تۇرعىن-ٷي قۇرىلىسىنا زور سەرپٸن بەرەدٸ.
نەتيجەسٸندە ميلليونداعان قازاقستاندىق ٷشٸن باسپانا الۋدىڭ قولجەتٸمدٸلٸگٸ ارتادى.
سونىمەن قاتار, بۇل ەكونوميكانىڭ, شاعىن جەنە ورتا بيزنەستٸڭ ٶرٸستەۋٸنە جۇمىس ٸستەيدٸ, جاڭا جۇمىس ورىندارىن اشادى.
كٶپتەگەن ازاماتتاردىڭ ارمانى اقيقاتقا اينالادى!
ەكٸنشٸ باستاما: «جالاقىسى تٶمەن جۇمىسشىلاردىڭ ەڭبەكاقىسىن كٶبەيتۋ ٷشٸن ولاردىڭ سالىق جٷكتەمەسٸن ازايتۋ».
سالىستىرمالى تٷردە جالاقىسى تٶمەن قازاقستاندىقتاردى قولداۋ ٷشٸن 2019 جىلدىڭ 1 قاڭتارىنان باستاپ ولاردىڭ سالىق جٷكتەمەسٸن 10 ەسەگە ازايتىپ,
1 پروتسەنت قانا سالىق سالۋدى ۇسىنامىن.
اي سايىن ەڭ تٶمەنگٸ ەسەپتٸك كٶرسەتكٸشتٸڭ 25 ەسەلەنگەن كٶلەمٸنەن از جالاقى الاتىندارعا سالىناتىن جەكە تابىس سالىعىن ازايتۋ ارقىلى ولاردىڭ سالىق جٷكتەمەسٸن جەڭٸلدەتۋ كەرەك.
ال وسىلايشا سالىقتى ازايتۋدان شىعاتىن قارجى ولاردىڭ جالاقىسىن كٶبەيتۋگە جۇمسالۋى قاجەت.
نەتيجەسٸندە, ەلٸمٸزدەگٸ بارشا جالدامالى جۇمىسكەرلەردٸڭ كەمٸندە ٷشتەن بٸرٸنٸڭ, بۇل 2 ميلليوننان استام ادام, جالاقىسى جۇمىس بەرۋشٸگە سالماق سالماي-اق كٶبەيەتٸن بولادى.
ەرٸ قاراي ٷكٸمەت تابىس سالىعىنىڭ پروگرەسسيۆتٸ شكالاسىن ەنگٸزۋ مٷمكٸندٸگٸن زەردەلەۋٸ كەرەك.
ٷشٸنشٸ باستاما: «جوعارى بٸلٸم الۋدىڭ قولجەتٸمدٸلٸگٸ مەن ساپاسىن ارتتىرىپ, ستۋدەنت جاستاردىڭ جاتاقحاناداعى جاعدايىن جاقسارتۋ».
قازٸر ەلٸمٸزدٸڭ جوعارى وقۋ ورىندارىندا 530 مىڭنان استام جاس وقىپ جاتىر, ولاردىڭ 30 پروتسەنتكە جۋىعى مەملەكەت بٶلگەن گرانتپەن بٸلٸم الۋدا.
جوعارى بٸلٸم الۋدىڭ قولجەتٸمدٸلٸگٸ مەن ساپاسىن ارتتىرۋ ٷشٸن تٶمەندەگٸدەي شارالاردى ۇسىنامىن.
قازٸر جىل سايىن بٶلٸنەتٸن 54 مىڭ گرانتقا قوسىمشا 2018-2019 وقۋ جىلىندا تاعى 20 مىڭ گرانت بٶلۋ كەرەك.
ونىڭ 11 مىڭى تەحنيكالىق ماماندىقتار بويىنشا باكالاۆرلىق بٸلٸم بەرۋگە تيەسٸلٸ بولادى.
بۇل تٶرتٸنشٸ ٶنەركەسٸپتٸك رەۆوليۋتسييا جاعدايىنداعى جاڭا ەكونوميكادا زور سۇرانىسقا يە بولاتىن سان مىڭ جاڭا ماماندى دايارلاۋعا مٷمكٸندٸك بەرەدٸ.
مۇندا ەڭ الدىمەن ينجەنەرلەر, اقپاراتتىق تەحنولوگييا, روبوت تەحنيكاسى, نانوتەحنولوگييا سالاسىنىڭ ماماندارى تۋرالى سٶز بولىپ وتىر.
بۇل دا جاستارعا مەملەكەت قامقورلىعىنىڭ ايقىن كٶرٸنٸسٸ.
سونىمەن بٸرگە, تەحنيكالىق جەنە اۋىل شارۋاشىلىعى ماماندىقتارى بويىنشا بارلىق جوعارى وقۋ ورىندارى گرانتتارىنىڭ قۇنىن ۇلتتىق جوعارى وقۋ ورىندارىنىڭ گرانتتارى دەڭگەيٸنە دەيٸن كٶتەرۋ كەرەك.
اتالعان شارالار ورتا مەكتەپ تٷلەكتەرٸن جوعارى بٸلٸممەن نەعۇرلىم كٶبٸرەك قامتۋعا مٷمكٸندٸك بەرەدٸ, بۇل – جالپى ەلەمدٸك ترەند.
سونىمەن بٸرگە, ادام رەسۋرستارىنا سالىناتىن ٷلكەن سالىم.
بٸز ەلەمدٸك ستاندارتتارعا ساي بٸلٸم بەرۋ جٷيەسٸن قالىپتاستىرا وتىرىپ, ستۋدەنتتەردٸڭ بٸلٸم الۋىنا جەنە تۇراتىن جەرٸنە جاعداي جاساۋعا تيٸستٸ نازار اۋدارۋىمىز قاجەت.
قازٸر جوعارى وقۋ ورىندارى مەن كوللەدجدەردٸڭ ستۋدەنتتەرٸن جاتاقحانامەن قامتاماسىز ەتۋ مەسەلەسٸ ٶتە ٶزەكتٸ.
بۇل مٸندەتتٸ شەشۋ ٷشٸن جوعارى وقۋ ورىندارى, كوللەدجدەر مەن دەۆەلوپەرلٸك كومپانييالار مەملەكەت پەن جەكە مەنشٸكتٸڭ سەرٸكتەستٸگٸ قاعيداسىمەن جاتاقحانا سالۋدى باستاۋى كەرەك.
مەملەكەت ٶز تاراپىنان بٸلٸم جەنە عىلىم مينيسترلٸگٸ ارقىلى جاتاقحانا قۇرىلىسىنا جۇمسالعان ينۆەستيتسييالاردىڭ بەلگٸلٸ بٸر بٶلٸگٸ بٸرتٸندەپ قايتارىلۋىنا كەپٸلدٸك بەرەدٸ.
2022 جىلدىڭ سوڭىنا دەيٸن ستۋدەنتتەرگە ارناپ كەمٸندە 75 مىڭ ورىندىق جاڭا جاتاقحانا سالۋدى تاپسىرامىن.
بۇل الداعى جىلداردا ٶسە تٷسەتٸن سۇرانىستى ەسكەرگەننٸڭ ٶزٸندە جاتاقحانا تاپشىلىعىن بٸرجولا شەشەدٸ.
تٶرتٸنشٸ باستاما: «شاعىن نەسيە بەرۋدٸ كٶبەيتۋ».
ٶزٸن-ٶزٸ ەڭبەكپەن قامتىعان جەنە جۇمىسسىز تۇرعىنداردىڭ اراسىندا جاپپاي كەسٸپكەرلٸكتٸ دامىتۋ ٷشٸن اتقارىلىپ جاتقان جۇمىستاردىڭ اياسىندا جەڭٸلدەتٸلگەن شاعىن نەسيە بەرۋ نەعۇرلىم تيٸمدٸ تەتٸك سانالادى.
2017 جىلى جالپى سوماسى 32 ميلليارد تەڭگە بولاتىن 7200 شاعىن نەسيە بەرٸلدٸ.
الايدا, «باستاۋ بيزنەس» جوباسى بويىنشا بٸلٸم العان تاعى 5 مىڭ ادام ٶز ٸسٸن باستاۋعا قاجەتتٸ شاعىن نەسيەلەردٸ الا المادى.
سوندىقتان, 2018 جىلى قوسىمشا 20 ميلليارد تەڭگە بٶلٸپ, شاعىن نەسيەلەردٸڭ جالپى سوماسىن 62 ميلليارد تەڭگەگە جەتكٸزۋدٸ تاپسىرامىن.
نەتيجەسٸندە شاعىن نەسيە الاتىنداردىڭ سانى 2017 جىلمەن سالىستىرعاندا 2 ەسەگە ارتىپ, 14 مىڭ ادامعا جەتەتٸن بولادى.
بۇل جۇمىستى ودان كەيٸنگٸ جىلداردا دا بەلسەندٸ جالعاستىرۋ كەرەك.
باستاما مىڭداعان ادامعا ٶز ٸسٸن اشۋعا مٷمكٸندٸك بەرەتٸندٸگٸمەن ماڭىزدى.
بۇل, ەسٸرەسە, اۋىل-ايماقتار ٷشٸن, اۋىلداعى كەسٸپكەرلٸكتٸ دامىتۋ ٷشٸن ايرىقشا ماڭىزدى ەكەنٸن اتاپ ٶتكٸم كەلەدٸ.
بەسٸنشٸ باستاما: «ەلدٸ گازبەن قامتاماسىز ەتۋدٸ جالعاستىرۋ».
ەلٸمٸزدە گاز ٶندٸرۋ تەۋەلسٸزدٸك كەزەڭٸندە جىلىنا 8-دەن 52 ميلليارد تەكشەمەترگە دەيٸن ارتتى, ەرٸ قاراي دا ٶسە تٷسەدٸ.
قازٸر ەلٸمٸزدەگٸ تۇرعىنداردىڭ 50 پروتسەنتكە جۋىعى گازبەن قامتاماسىز ەتٸلگەن.
9 وبلىسقا گاز تارتىلعان.
دەگەنمەن, ورتالىق جەنە سولتٷستٸك ٶڭٸرلەر ەلٸ دە گازسىز وتىر.
بٸز قاراٶزەك (قىزىلوردا وبلىسى) – جەزقازعان–قاراعاندى–تەمٸرتاۋ–استانا باعىتىندا ماگيسترالدٸ گاز قۇبىرىن سالۋ جوباسىن جٷزەگە اسىرۋىمىز كەرەك.
وعان تيٸسٸنشە قاراجات تارتۋ قاجەت بولادى, سونىڭ ٸشٸندە حالىقارالىق قارجى ينستيتۋتتارىنان دا.
بۇل 2,7 ميلليون ادامدى گازبەن قامتاماسىز ەتۋمەن قاتار, شاعىن جەنە ورتا بيزنەستٸڭ جاڭا ٶندٸرٸستەرٸن اشۋعا مٷمكٸندٸك بەرەدٸ.
سونىمەن بٸرگە, ەكولوگييا جاقسارادى.
گازعا كٶشۋ تەك استانانىڭ ٶزٸندە زيياندى قالدىقتاردىڭ اۋاعا تارالۋىن 6 ەسەگە نەمەسە جىلىنا 35 مىڭ تونناعا ازايتادى.
بۇل جوبانى جٷزەگە اسىرۋ ەرٸ قاراي ٶزگە ٶڭٸرلەردٸ دە گازبەن قامتاماسىز ەتۋگە مٷمكٸندٸك بەرەدٸ.
پرەزيدەنتتٸڭ بەس باستاماسى – وسى.
ولاردى ٸسكە اسىرۋ جاڭا جۇمىس ورىندارىن قۇرۋعا, سول ارقىلى ەل ەكونوميكاسىنىڭ ەرٸ قاراي دامي تٷسۋٸنە جول اشادى.
ٷكٸمەت پەن ۇلتتىق بانككە باستامالاردى ٸسكە اسىرۋدىڭ ەگجەي-تەگجەيلٸ تەتٸكتەرٸن جاساۋدى تاپسىرامىن.
پارلامەنت دەپۋتاتتارىنان زاڭناماعا قاجەت ٶزگەرٸستەردٸ ۋاقتىلى ەنگٸزۋدٸ ٶتٸنەمٸن.
باستامالاردىڭ ايرىقشا ماڭىزدى ەكەنٸن ەسكەرسەك, ولاردى تيٸمدٸ جٷزەگە اسىرۋدىڭ جولدارى كەڭٸنەن تالقىلاۋدى قاجەت ەتەدٸ.
حالىق پەن بيزنەس ٶكٸلدەرٸنٸڭ اراسىندا تٷسٸندٸرۋ جۇمىستارىن جٷرگٸزۋ دە ماڭىزدى.
«نۇر وتان» پارتيياسى حالقىمىز ٷشٸن ايرىقشا ماڭىزى بار وسى شارالاردىڭ تيياناقتى ورىندالۋىن باقىلاۋعا الادى.
قۇرمەتتٸ وتانداستار!
مەملەكەتتٸڭ جاڭا قادامدارى بٷكٸل قازاقستاندىقتارعا, ەلٸمٸزدٸڭ بارشا ازاماتتارىنا يگٸ ەسەر ەتەدٸ.
قوعام ٶز تاعدىرىن قازاقستانمەن تىعىز بايلانىستىرىپ, بولاشاعىن جوسپارلاۋدىڭ تىڭ مٷمكٸندٸگٸنە يە بولادى.
باعدارلامانى زاڭدىق تۇرعىدان بەكٸتۋ قاجەت دەپ سانايمىن.
ونى ٸسكە اسىرۋ «ەلەۋمەتتٸك مەملەكەت» تۋرالى كونستيتۋتسييالىق نورمانى جاڭا, ناقتى مازمۇنمەن بايىتا تٷسپەك.
زاماناۋي جاھاندىق احۋالدا ۇلتتىق بٸرلٸك – ەلەۋمەتتٸك بٸرلٸك, ال قالىپتاسقان مەملەكەت – ەلەۋمەتتٸك مەملەكەت.
بٸز ٶتكەنگە سالاۋات ايتىپ, كەلەشەككە كٶز تٸككەن ەلمٸز.
بٸز ەلەۋمەتتٸك مەملەكەت پەن ۇلتتىق ٶركەندەۋدٸڭ شىنايى, ەرٸ سىندارلى قازاقستاندىق مودەلٸن مٸندەتتٸ تٷردە بٸرگە جاسايتىنىمىزعا سەنٸمدٸمٸن.
ارداقتى اعايىن!
بٷگٸنگٸ باستامالار ەلٸمٸز تۇتاس, قوعامىمىز تۇراقتى بولسا عانا تابىستى جٷزەگە اسادى.
ال, ەل بٸرلٸگٸ – ەڭ بٸرٸنشٸ, قازاقتىڭ بٸرلٸگٸ.
جاھاندىق كٶشتٸڭ باسىندا جٷرەتٸن مەرەيلٸ ەل بولۋ ٷشٸن بٸرلٸك پەن ىنتىماق الدىمەن ٶزٸمٸزگە, قازاققا كەرەك.
تاريحتىڭ ٶزٸ دەلەلدەگەن بٸر اقيقات بار – حالقىمىز بٸرلٸكتە بولسا كٷشەيگەن, بٸرلٸگٸ قاشسا ەلسٸرەگەن.
قاسقا جولدى قاسىم حان جۇرتىن جۇدىرىقتاي جۇمىلدىرا بٸلگەنٸنٸڭ ارقاسىندا قازٸرگٸ قازاق جەرٸنٸڭ نەگٸزگٸ اۋماعىن بٸرٸكتٸردٸ.
«ەل بٸرلٸگٸ – ەل تەڭدٸگٸ» دەگەن – وسى!
«قازاق ورداسىنىڭ ليكۋرگى» – ەز تەۋكە ەلٸن تاتۋلىققا ۇيىتا بٸلگەندٸكتەن قوي ٷستٸنە بوزتورعاي جۇمىرتقالاعان زامان ورناتتى.
«بايلىق – بايلىق ەمەس, بٸرلٸك – بايلىق» دەگەن سٶز سول زاماننان قالعان قاعيدا.
ەل باسىنا كٷن تۋعان كەزدە بارشا قازاق ابىلاي حاننىڭ اق تۋىنىڭ استىنا جينالعان سوڭ عانا جەرٸن جاۋدان تازارتا الدى.
«بٸرٸككەن جٷز بىتىراڭقى مىڭدى الادى» دەپ بابالارىمىز وسىنى ايتقان.
قازاقتىڭ وسىناۋ 3 حانى – ەل تاريحىنداعى 3 اسقار تاۋ, ولاردى اسقاقتاتقان – ەل بٸرلٸگٸ.
سونىمەن بٸرگە, التىباقان الاۋىزدىقتىڭ كەسٸرٸنەن ەلٸمٸز اڭىراپ, جەرٸمٸز قاڭىراپ قالعان كەزدەر دە از ەمەس.
بۇل دا – تاريحتىڭ اششى ساباعى.
«ٶتكەنگە قاراپ, ەرتەڭٸڭدٸ تٷزە» دەگەن ٶسيەت بار, سەبەبٸ, ٶتكەننٸڭ ٶنەگەسٸ – بٷگٸنگٸ كٷننٸڭ باعا جەتپەس بايلىعى.
وسىنى جادىندا تۇتىپ, تاريحتان تاعىلىم الا بٸلگەن حالقىمىز تەۋەلسٸزدٸك دەۋٸرٸندە تاتۋلىق پەن بٸرلٸكتٸڭ, تىنىشتىق پەن تۇراقتىلىقتىڭ ارقاسىندا تالاي تابىستارعا كەنەلۋدە.
تابىسىمىزدى ەسەلەپ, تەۋەلسٸزدٸگٸمٸزدٸ باياندى ەتە تٷسۋ ٷشٸن بٸزگە بالتالاسا دا بۇزىلمايتىن بەرٸك اۋىزبٸرشٸلٸك كەرەك.
بەرەكەلٸ بٸرلٸگٸمٸزدٸ كٶزدٸڭ قاراشىعىنداي ساقتاي الساق, مەرەكەلٸ تٸرلٸگٸمٸزگە تٶنەتٸن قاۋٸپ جوق.
ەل مەن جەردٸڭ يەسٸ رەتٸندە قازاقستانداعى جاقسى مەن جاماننىڭ بەرٸنە قازاق جاۋاپتى.
وسى ۇلى جاۋاپكەرشٸلٸكتٸ سەزٸنٸپ, بارشا ۇلىستاردىڭ ۇيىتقىسى بولىپ, ٶزگەگە ٶنەگە كٶرسەتە بٸلەيٸك.
سوندا عانا, حالقىمىزدىڭ اتىن يەلەنگەن قاسيەتتٸ قازاقستانىمىز كٶركەيٸپ, دامي بەرەدٸ.
ەلٸمٸزدٸڭ كٶڭٸلٸ جايلى, تۇرمىسى مايلى بولادى.
وسىنى ٷنەمٸ ەستە تۇتىپ, تىڭ مٸندەتتەردٸ تىندىرىمدى جۇمىسقا ۇلاستىرايىق!
ٸسكە سەت!
