16 مامىردا نۇر-سۇلتاندا باسپانا مەسەلەسٸنە شاعىنىپ, نارازىلىققا شىققان ونداعان انانى قالا ەكٸمٸ باقىت سۇلتانوۆ قابىلدادى. انالار باسپانا كەزەگٸنٸڭ باياۋ جىلجيتىنىنا, بانكتەردٸڭ ٷي الۋ ٷشٸن العاشقى جارنا تٶلەۋ تالابى بارىنا شاعىندى. جيىندا ەڭبەك ۆيتسە-مينيسترٸ سۆەتلانا جاقىپوۆا مەن ەكٸمدٸك ٶكٸلدەرٸ وتىردى, دەپ حابارلايدى ازاتتىق.
نارازىلار باسپانا مەن اتاۋلى ەلەۋمەتتٸك كٶمەك سيياقتى مەسەلەلەر بويىنشا كەزەكتەسە سۇراق قويدى. جينالعانداردىڭ كەيبٸرٸ باسپانا الۋ ٷشٸن بانككە العاشقى جارنا تٶلەۋ تالابىن الىپ تاستاۋدى سۇرادى. سۇلتانوۆ "العاشقى جارنا تٶلەۋ تالابىن الىپ تاستاۋ - بانكتٸ قۇلدىراتۋ دەگەن سٶز" دەدٸ. باسپانا كەزەگٸنٸڭ باياۋ جىلجيتىنىنا شاعىنان انالارعا سۇلتانوۆ "مەسەلەنٸڭ شەشٸلٸپ جاتقانىن" ايتىپ جاۋاپ بەردٸ.
- كەزەكتە تۇرعاندارعا بەرٸلەتٸن باسپانا سانىن كٶبەيتۋگە تىرىسامىز. ٷكٸمەت تٷرلٸ باعدارلامالار ارقىلى الماتى دا, شىمكەنتتە دە وسى مەسەلەنٸ شەشۋگە تىرىسىپ جاتىر. سەبەبٸ بٸزدە مەسەلە راسىمەن كٶپ. كەزەككە تۇرا الماي جاتقاندار دا بار, - دەدٸ ەكٸم.
قالا ەكٸمٸ باسپاسٶز قىزمەتٸنٸڭ حابارلاۋىنشا, جيىنعا 70-كە تارتا انا كەلگەن. ولار سۇلتانوۆتىڭ اتىنا جەكە باسىنداعى مەسەلەسٸن جازىپ بەرۋٸ ٷشٸن ەكٸمدٸك نارازىلارعا پاراق تاراتىپ بەرگەن.
جارتى ساعاتتاي ۋاقىتتان سوڭ ەكٸمدٸك ٶكٸلدەرٸ "جيىن ارى قاراي باسپاسٶزدٸڭ قاتىسۋىنسىز ٶتەدٸ" دەپ جۋرناليستەردٸ شىعارىپ جٸبەردٸ.
انالار نارازىلىعى بٷگٸن, 16 مامىردا تاڭەرتەڭ باستالعان. ەۋەلٸ نۇر-سۇلتان ەكٸمدٸگٸ الدىنا كەلگەن انالار ٶزدەرٸنە ەشكٸم شىقپاعان سوڭ, قازاقستان پرەزيدەنتٸ قاسىم-جومارت توقاەۆ پەن ەكس-پرەزيدەنت نۇرسۇلتان نازارباەۆ قاتىسقان ەكونوميكالىق فورۋم الدىنا بارعان. "باسپانا!", "انا مەن بالا قۇقىعى قورعالسىن!" دەپ جيىرما مينۋتتاي ايقايلاپ, نازارباەۆپەن كەزدەسۋدٸ تالاپ ەتكەن انالارعا ەڭبەك مينيسترٸ بەردٸبەك ساپارباەۆ پەن قالا ەكٸمٸ باقىت سۇلتانوۆ شىققان. ولار انالارمەن بٸرگە اۆتوبۋسقا وتىرىپ, ەكٸمدٸككە قايتىپ كەلدٸ. ازاتتىق تٸلشٸسٸنٸڭ ايتۋىنشا, ساپارباەۆ ەكٸم قابىلداۋى باستالعاندا كەتٸپ قالعان.
ەسكە سالا كەتەيٸك, 2019 جىلى 4 اقپاندا استانانىڭ كٶكتال-1 شاعىن اۋدانىنداعى شىڭعىستاۋ كٶشەسٸندە ورنالاسقان جەكە ٷيدٸڭ اۋلاسىنداعى ۋاقىتشا باسپانا ٶرتەنٸپ, بٸر وتباسىنداعى بەس بالا وپات بولعان. وسى وقيعادان كەيٸن قازاقستاندا كٶپ بالالى انالار نارازىلىعى كٷشەيگەن.
