سەنات دەپۋتاتى داريعا نازارباەۆا جۋرناليستەرگە بەرگەن سۇحباتىندا باق-تاعى ٶزەكتٸ مەسەلەلەرمەن تانىس ەكەنٸن اتاپ ٶتتٸ, دەپ حابارلايدى Sputnik قازاقستان اگەنتتٸگٸ.
نازارباەۆا ادام ٶلٸمٸ, سۋعا باتىپ كەتۋ, زورلىق-زومبىلىق سىندى جاعىمسىز اقپاراتتار باق-تا كٶبەيٸپ كەتكەنٸن ايتادى.
"بٸزدٸڭ ماسس-مەديا رەيتينگ قۋىپ كەتتٸ. ەكٸنشٸدەن, نەگە ەكەنٸ بەلگٸسٸز, وسىنداي اقپاراتتار اۋديتورييانى تولعاندىرادى. بۇل "شەڭبەردٸ اينالىپ جٷرگەندەي" ەسەر قالدىرادى. بٸز كٶبٸنەسە جاقسى جاڭالىقتاردى ايتقىمىز كەلەدٸ. الايدا تەك جاعىمسىز جاڭالىقتار بەرەتٸن رەداكتسييانىڭ رەيتينگٸسٸ جوعارى ەكەنٸن بايقاپ جٷرمٸز. ەگەر باسىمدىقتى پوزيتيۆتٸ جاڭالىقتارعا بەرسەك, رەيتينگٸمٸز قۇلايدى", - دەدٸ دەپۋتات سەنات كۋلۋارىندا.
وسى رەتتە داريعا نازارباەۆا جۋرناليستەرگە ەلٸ دە اۋديتورييامەن جۇمىس ٸستەۋگە كەڭەس بەردٸ.
"حالىقتىڭ نە قالايتىنىن بٸلٸپ, ترەندتٸ ٶزگەرتۋ كەرەك. وسى ماقساتتا ٷلكەن جۇمىستار جٷرگٸزٸلۋٸ شارت", - دەدٸ ول.
دەپۋتات بٷگٸنگٸ تاڭدا تۇرعىنداردىڭ كٶبٸسٸ ٶسەك-اياڭدى وقۋعا قۇمار ەكەنٸن جاسىرمادى.
"الايدا ازاماتتار جان-جاعىندا نە بولىپ جاتقانىن بٸلگٸسٸ كەلەدٸ. ٶسەك جيناپ, سول ٶسەكتٸڭ اينالاسىندا سٶيلەسكەندٸ ۇناتادى. ٶكٸنٸشكە, قاراي وسىنداي قۇبىلىسقا قارسى بٸردەڭە ٸستەۋ قيىن. سوندىقتان اتالعان مەسەلەدە مەملەكەتتٸك ورگاندار مەن باق بٸرٸگٸپ, بالانستى ٸزدەۋٸ شارت", - دەپ تٷيٸندەدٸ سٶزٸن داريعا نازارباەۆا.
