دەنساۋلىق ساقتاۋ جٷيەسٸ تۋرالى جاڭا كودەكستٸڭ جوباسىمەن جۇمىس بارىسىندا سەناتورلار وسى سالانىڭ تٶتەنشە جاعداي كەزٸندەگٸ پروبلەمالىق مەسەلەلەرٸن ەسكەرگەنٸ دۇرىس. بۇل تۋرالى پارلامەنت سەناتىنىڭ تٶراعاسى داريعا نازارباەۆا مەلٸم ەتتٸ, دەپ حابارلايدى "ۇلت اقپارات".
«قاسىم-جومارت كەمەلۇلى ٶز مەلٸمدەمەسٸندە مەديتسينانى دامىتۋعا ەرەكشە كٶڭٸل بٶلدٸ. بۇل سالا اۋقىمدى مەملەكەتتٸك قولداۋعا يە بولادى. پرەزيدەنت حالىقتىڭ دەنساۋلىعىن قورعاۋ جٷيەسٸن جاقسارتۋ جٶنٸندەگٸ ناقتى ۇسىنىستاردى قاراستىرا وتىرىپ, حالىق دەنساۋلىعى مەن دەنساۋلىق ساقتاۋ جٷيەسٸ تۋرالى جاڭا كودەكس قابىلداۋدى تاپسىردى. وسى اسا ماڭىزدى قۇجاتپەن بٸز, قۇرمەتتٸ ەرٸپتەستەر, جاقىن ارادا جۇمىستى باستايمىز.
حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى جاڭا كودەكستٸڭ جوباسىمەن جۇمىس ٸستەۋ كەزٸندە سەناتورلار وسى سالانىڭ تٶتەنشە جاعداي كەزٸندەگٸ پروبلەمالىق مەسەلەلەرٸن ەسكەرگەنٸ دۇرىس دەپ سانايمىن», - دەدٸ د. نازارباەۆا سەناتتىڭ جالپى وتىرىسىندا.
سونىمەن قاتار ول پاندەمييا قوعامنىڭ ارتىقشىلىقتارى مەن دامۋ قۇندىلىقتارىن تٷبەگەيلٸ ٶزگەرتكەنٸن اتاپ ٶتتٸ.
«ازاماتتاردىڭ ٶمٸرٸ مەن دەنساۋلىعىن ساقتاۋ ەرقاشان مەملەكەتتٸك ساياساتتىڭ نەگٸزگٸ مەسەلەسٸ بولىپ كەلگەن, بٸراق بۇل مٸندەت قازٸرگٸدەي ٶتكٸر بولعان ەمەس. وسىدان كەلٸپ بارشا قوعام ەلٸمٸزدەگٸ مەديتسينانى دامىتۋ ستراتەگيياسىنا ايرىقشا نازار اۋدارىپ وتىر. بٸز ەلٸمٸزدٸڭ جٷيە قالىپتاستىرۋشى كەسٸپورىندار تٸزٸمٸنٸڭ جوباسىن كٶردٸك. ونىڭ قۇرىلۋ پرينتسيپتەرٸنە قاتىستى دەپۋتاتتار ٶز پٸكٸرلەرٸن اشىق ايتتى. بٸراق مىناداي سۇراق تۋىندايدى – وسى تٸزٸمدە مەديتسينالىق ماسكا نەمەسە دەزينفەكتسييا قۇرالدارىن شىعاراتىن تىم بولماعاندا بٸر كەسٸپورىن بار ما? ال پرەزيدەنتتٸڭ تاپسىرماسى بويىنشا وتاندىق تەست-جٷيەلەرٸن, يممۋندى بيولوگييالىق پرەپاراتتاردى ٶندٸرەتٸن, كورونوۆيرۋس ينفەكتسيياسىنا قارسى ۆاكتسينا شىعارۋعا دايىن كەسٸپورىندار قايدا?
مۇناي مەن پايدالى قازبالاردان تابىس ازايعان جاعدايدا, بٸز راسىندا دا بۇدان ەرٸ وسى ٶمٸرلٸك ماڭىزى بار تاۋارلاردى ۆاليۋتامەن يمپورتتاۋدى جالعاستىرماقپىز با? بٷگٸن بۇل تٸپتەن ريتوريكالىق سۇراقتار ەمەس. قازٸرگٸ كەزدە بٸزگە مەملەكەتتٸك ساياسات باسىمدىقتارى تۋرالى بۇرىنعىدان دا سالماقتى ەڭگٸمە قاجەت, اتقارۋشى بيلٸكتٸڭ پروبلەمالارى مەن جوسپارلارى جارييا جەنە اشىق تٷردە تالقىلانۋى كەرەك», - دەدٸ داريعا نازارباەۆا.
