ەلباسى 31 مامىر – ساياسي قۋعىن-سٷرگٸن قۇرباندارىن ەسكە الۋ كٷنٸنە ارنالعان ٷندەۋ جولدادى.
قۇرمەتتٸ وتانداستار!
بٸز بٷگٸن ساياسي قۋعىن-سٷرگٸن جەنە اشارشىلىق قۇرباندارىن ەسكە الۋ كٷنٸن اتاپ ٶتەمٸز. بٸز حح عاسىردا حالقىمىزدىڭ باسىنان ٶتكەن قاسٸرەتتٸ وقيعالاردىڭ تٷپ-تامىرى مەن سەبەپتەرٸ نەدە ەكەنٸن تەرەڭ تٷسٸنۋٸمٸز كەرەك. 1917 جىلى بولعان قازان ساياسي رەۆوليۋتسيياسى مەن ودان كەيٸنگٸ ازامات سوعىسى, دەستٷرلٸ ٶمٸر سالتىنىڭ كٷيرەۋٸ, سونداي-اق كەڭەس بيلٸگٸ جٷرگٸزگەن اۋىل شارۋاشىلىعىن جەدەل ۇجىمداستىرۋ ناۋقانى جەنە وعان ٸلەسە كەلگەن جاپپاي اشارشىلىق پەن زورلىق-زومبىلىق ەلدٸڭ ەۆوليۋتسييالىق دامۋىن كٷرت ٷزدٸ. سونىڭ سالدارىنان حالقىمىز بٷكٸل ەلەم تاريحىندا سيرەك بولاتىن الاپات دەموگرافييالىق شىعىنعا ۇشىرادى.
1929-1933 جىلدارى 2 ميلليونعا جۋىق ادام قازا بولىپ, تاعى ميلليونداي ادام جان ساۋعالاپ, ەلدەن بوسىپ كەتتٸ. ودان كەيٸنگٸ ساياسي رەپرەسسييا قازاق قوعامىنىڭ ەليتاسىن جاپپاي قىرعىنعا ۇشىراتتى. ساياسي سەبەپپەن 103 مىڭ ادام سوتتالىپ, ونىڭ 25 مىڭى اتۋ جازاسىنا كەسٸلدٸ. قازاقستان اۋماعىندا 11 جازالاۋ لاگەرٸ قۇرىلىپ, وندا سوتتالعاندار مەن ولاردىڭ وتباسىلارى ادام تٶزگٸسٸز قيىن جاعدايدا كٷن كەشتٸ. قۋعىن-سٷرگٸننٸڭ زوبالاڭىن قازاقتار عانا ەمەس, قازاقستانعا ەرٸكسٸز, كٷشپەن جەر اۋدارىلىپ كەلگەن 1,5 ميلليون ٶزگە ەتنوس ٶكٸلدەرٸ دە كٶردٸ. قازاق حالقىنىڭ جاناشىرلىعى مەن كٶمەگٸنٸڭ ارقاسىندا ولار جان ساقتاپ, امان قالدى.
مۇنىڭ بەرٸ – «كوممۋنيزمنٸڭ جارقىن بولاشاعى» اتتى جالاڭ ۇرانمەن جاسالعان قاسٸرەتتٸ تەجٸريبەنٸڭ سالدارى. ەۆوليۋتسييالىق دامۋدىڭ ورنىن رەۆوليۋتسييا باسقاندا, وسىلاي بولادى. ەلٸمٸزدٸڭ ەر قيىرىندا بوي كٶتەرٸپ جاتقان «قازاق حالقىنا مىڭ العىس» مونۋمەنتتەرٸ – قازاق جەرٸنەن پانا تاپقان سان تٷرلٸ حالىقتاردىڭ شىنايى ريزاشىلىق كٶڭٸلٸنٸڭ كٶرٸنٸسٸ. وراسان شىعىنعا ۇشىراعانىنا قاراماستان, بٸزدٸڭ حالقىمىز ٶزٸنٸڭ بٸرەگەي ۇلتتىق بولمىسى مەن اسىل قاسيەتتەرٸن ساقتاپ قالدى. قاتىگەزدٸككە بوي الدىرعان جوق, سان عاسىرلىق دانالىعىن دا جوعالتپادى. بٸراق, ەلٸمٸز باسىنان ٶتكەن وسىناۋ سۇمدىق سىناقتاردى ەشقاشان ۇمىتپايدى جەنە ەڭ ۇلى قازىنا – تەۋەلسٸزدٸكتٸ باعالاپ, ساقتاي بٸلەدٸ.
تاريحىمىزدىڭ وسى اششى تاعىلىمى ونى قازاقستاننىڭ قازٸرگٸ ۇرپاعىنىڭ جادىنا توقىپ, زەردەسٸنە تٷيە بٸلۋٸمەن قۇندى بولماق. سوندىقتان قازاقستانداعى ەلەۋمەتتٸك بٸرلٸك پەن ۇلتارالىق كەلٸسٸم, ەلدٸڭ تۇراقتى ەكونوميكاسى مەن بيٸك حالىقارالىق ابىروي-بەدەلٸ حالقىمىزدى حح عاسىردا باستان كەشكەن زوبالاڭداردان ساقتاي بٸلەتٸن سەنٸمدٸ كەپٸل بولىپ سانالادى. ٶتكەن عاسىردىڭ قاسٸرەتتٸ كەزەڭدەرٸن ەندٸ ەشقاشان قايتالاماۋ ٷشٸن بٸز بۇل جەتٸستٸكتەردٸ باعالاي بٸلۋگە تيٸسپٸز.
قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆ
