قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆ ٷكٸمەت باسشىسى اسقار مامينمەن كەزدەستٸ, - دەپ حابارلايدى elbasy.kz.
كەزدەسۋ بارىسىندا قازاقستاننىڭ تۇڭعىش پرەزيدەنتٸ ەلٸمٸزدە قابىلدانعان شارالاردىڭ ارقاسىندا كوروناۆيرۋس ينفەكتسيياسىنىڭ تارالۋ قارقىنى تٶمەندەگەنٸن ايتىپ ٶتتٸ.
«مەديتسينا قىزمەتكەرلەرٸنٸڭ كەلٸسٸلگەن جۇمىسىن ەرەكشە اتاپ ٶتكٸم كەلەدٸ. قيىن جاعدايدا قۇقىق قورعاۋ ورگاندارى دا ٶز جۇمىسىنىڭ تيٸمدٸلٸگٸن كٶرسەتۋدە. ٷكٸمەت پەن جەرگٸلٸكتٸ اتقارۋشى ورگاندار دا بەلسەندٸ جۇمىس ٸستەپ جاتىر», - دەدٸ نۇرسۇلتان نازارباەۆ.
ەلباسى مەملەكەت باسشىسىنىڭ تاپسىرمالارىن ساپالى ورىنداۋدىڭ ماڭىزدىلىعىن اتاپ ٶتتٸ.
«پرەزيدەنتتٸڭ بارلىق باستاماسىن جەرگٸلٸكتٸ حالىققا جەتكٸزۋدٸڭ ماڭىزى زور. مەن بۇل تۋرالى وبلىس ەكٸمدەرٸمەن تەلەفون ارقىلى سٶيلەسكەن كەزدە دە ايتتىم», - دەدٸ قازاقستاننىڭ تۇڭعىش پرەزيدەنتٸ.
سونىمەن بٸرگە نۇرسۇلتان نازارباەۆ وسى جاعدايدا ەكونوميكالىق قاۋٸپسٸزدٸكتٸ قامتاماسىز ەتۋ قاجەتتٸلٸگٸنە نازار اۋداردى.
«ەلەمدەگٸ ەكونوميكالىق احۋال كٷردەلٸ. بٸراق بٸرٸنشٸ توقساننىڭ قورىتىندىسى بويىنشا بٸزدٸڭ ەلدٸڭ كٶرسەتكٸشتەرٸ جامان ەمەس. الايدا كارانتيننٸڭ ەسەرٸ ەلٸ كٷنگە دەيٸن ەلدٸڭ ەكونوميكالىق كٶرسەتكٸشتەرٸنە تولىق ەسەر ەتپەگەنٸن ەسكەرگەن ابزال. شاعىن جەنە ورتا بيزنەستٸ قولداۋ جەنە حالىقتى ازىق-تٷلٸكپەن قامتاماسىز ەتۋ مەسەلەلەرٸ ماڭىزدى بولىپ قالا بەرەدٸ. ەندٸ داعدارىستان كەيٸنگٸ كەزەڭدە نە ٸستەيتٸنٸمٸزدٸ ويلاستىرۋىمىز كەرەك. ەكونوميكا قۇلدىرايدى. ونىڭ سالدارى 2008 جىلعى داعدارىستان كەيٸنگٸ كەزەڭگە قاراعاندا اناعۇرلىم اۋىر بولاتىن سەكٸلدٸ», - دەدٸ ەلباسى.
نۇرسۇلتان نازارباەۆ ۇلتتىق قور مەن ٷكٸمەتتٸڭ رەزەرۆٸنەن وتاندىق ەكونوميكانى قولداۋ ٷشٸن 10 ميلليارد دوللاردىڭ ۋاقتىلى بٶلٸنگەنٸن جەتكٸزدٸ.
ٶز كەزەگٸندە پرەمەر-مينيستر قازاقستاننىڭ تۇڭعىش پرەزيدەنتٸنە كوروناۆيرۋس ينفەكتسيياسىنىڭ تارالۋىن بولدىرماۋ جەنە ەلەۋمەتتٸك-ەكونوميكالىق تۇراقتىلىقتى قامتاماسىز ەتۋ بويىنشا قابىلدانعان شارالار تۋرالى اقپارات بەردٸ.
كەزدەسۋ سوڭىندا نۇرسۇلتان نازارباەۆ ەكونوميكانىڭ شيكٸزاتتىق ەمەس سەكتورلارىن دامىتۋعا باعىتتالعان باعدارلامالاردى ٸسكە اسىرۋدىڭ ٶزەكتٸلٸگٸنە توقتالدى.
«بٸزدٸڭ ەلدە بۇدان دا قيىن كٷندەر ٶتكەن. بٸز بۇل قيىندىقتاردى دا جەڭەمٸز. ەڭ باستىسى - حالقىمىزدىڭ بٸرلٸگٸ مەن تىنىشتىعى. ٷكٸمەت تيٸمدٸ جۇمىس ٸستەيدٸ دەپ سانايمىن. ەرتەڭ مەن قازاقستان حالقىنا ارنالعان ماقالامدى جارييالايمىن. قازٸر بٷكٸل ەلەمگە وڭاي تيٸپ تۇرعان جوق. اۋرۋدىڭ شىرقاۋ شەگٸنەن ەلٸ ٶتپەدٸك. سوندىقتان بٸز بٸر-بٸرٸمٸزدٸ قۇرمەتتەي وتىرىپ, سابىر پەن شىدامدى تانىتۋىمىز كەرەك», - دەپ تٷيدٸ ەلباسى.
