ساپار بارىسىندا قازاقستاننىڭ تۇڭعىش پرەزيدەنتٸ قالانىڭ رۋحاني-مەدەني ورتالىعىندا ٶتكەن كونتسەرتكە قاتىسىپ, تٷركٸستان وبلىسىنىڭ تۇرعىندارىمەن جٷزدەستٸ, دەپ حابارلايدى "ۇلت اقپارات".
ٶز سٶزٸندە نۇرسۇلتان نازارباەۆ وبلىس ورتالىعىن تٷركٸستان قالاسىنا كٶشٸرۋ تۋرالى شەشٸمٸنٸڭ تاريحي ماڭىزىنا توقتالدى.
- تەۋەلسٸزدٸك العاننان سوڭ تٷركٸستاندى استانا رەتٸندە قاراستىردىم. بٸراق, ٶزدەرٸڭٸز بٸلەتٸندەي, جاعداي بۇعان جول بەرمەدٸ. بٷگٸن بۇل قالا وبلىس ورتالىعىنا اينالدى, شاھاردى جانداندىرۋ جۇمىستارى جٷرگٸزٸلۋدە. تٷركٸستان - تٷركٸ ەلەمٸنٸڭ بەسٸگٸ. باۋىرلاس تٷركٸ مەملەكەتتەرٸ دە بٸزگە كٶمەكتەسەدٸ دەپ سەنەمٸن, - دەدٸ ەلباسى.
ودان بٶلەك, قازاقستاننىڭ تۇڭعىش پرەزيدەنتٸ بٷكٸل قالا بويىنشا جٷرٸپ جاتقان قۇرىلىس قارقىنىنىڭ جوعارى ەكەنٸن اتاپ ٶتتٸ.
- بٸرٸنشٸ كەزەڭدە 175 نىساننىڭ قۇرىلىسى جوسپارلانعان. ونىڭ 102-cٸ بيىل ٸسكە قوسىلادى. جۇمىستىڭ قانداي قارقىنمەن اتقارىلىپ جاتقانىن كٶرٸپ وتىرسىزدار. بۇل ٷشٸن مەن وسى جەردە بارلىق وبلىستاردىڭ باسىن قوستىم. قولىنان ٸس كەلەتٸن ازاماتتار ٶز شارۋاسىن دٶڭگەلەتٸپ ەكەتٸپ جاتىر. بولاشاقتا ەدەمٸ قالا بولادى, حالىق سانى ٶسەدٸ. قازٸر قالا تۇرعىندارىنىڭ سانى 170 مىڭ بولسا, مەنٸڭشە از ۋاقىتتىڭ ٸشٸندە جارتى ميلليونعا جەتەدٸ, - دەدٸ نۇرسۇلتان نازارباەۆ.
ەلباسى سونىمەن قاتار وبلىس ورتالىعىنىڭ ەلەۋمەتتٸك-ەكونوميكالىق جاعدايى دا جاقسارىپ, جۇمىس ورىندارى كٶپتەپ اشىلاتىنىن سٶز ەتتٸ.
«تٷركٸستاننىڭ ورنالاسقان جەرٸ - توعىز جولدىڭ تورابى. قىتايدان بٸز ارقىلى ەۆروپاعا ٶتەتٸن دەلٸز بار. تەمٸر جول بار. سوندىقتان تەۋەلسٸز قازاقستانىمىزدا تاعى بٸر كەرەمەت ورتالىق, تاريحي قالا بوي كٶتەرٸپ وتىر. بۇل - بەرٸمٸزدٸڭ قۋانىشىمىز. ەندٸگٸ جىلى كٶپ عيماراتتار ٸسكە قوسىلىپ, جاڭا نىساندار سالىنىپ, وسى جەردە تاعى كەزدەسەمٸز», - دەدٸ نازارباەۆ.
سٶز سوڭىندا ەلباسى وبلىس ورتالىعىنىڭ قۇرىلىسى مەن جاندانۋىنا ات سالىسىپ جاتقان بارشا جۇرتقا العىسىن بٸلدٸردٸ.
- كەسەنەنٸ جٶندەۋدەن ٶتكٸزدٸك, ٶزدەرٸڭٸز بٸلەسٸزدەر. قوجا احمەت ياساۋي اتىنداعى ۋنيۆەرسيتەت اشىلدى. كٶپ شارۋالار ٶز رەتٸمەن جاسالىپ جاتىر. مۇنىڭ بارلىعىنىڭ سوڭعى مٸندەتٸ - وبلىس ورتالىعىن سالۋ ەدٸ. وعان دا, مٸنەكەي, كۋە بولىپ وتىرمىز. سوندىقتان بارشاڭىزدى وسىنداي باستامامەن قۇتتىقتايمىن!تٷركٸستان ٷلكەن قالاعا اينالىپ, جان-جاقتان تۋريستەر كەلەتٸن بولادى. بيىلدىڭ ٶزٸندە بٸر ميلليوننان استام تۋريست كەلٸپتٸ. ال, مىنا عيماراتتار سالىنعاننان كەيٸن تاريحي, مەدەني ورتالىق قالىپتاسىپ, تۋريستەر قاراسى ودان سايىن كٶبەيەدٸ. دەمەك تٷركٸستاندىقتار جۇمىسسىز قالمايدى. مىنا سالىنىپ جاتقان عيماراتتاردا, قوناقٷيلەردە قانشاما تٷركٸستاندىقتار جۇمىس ٸستەيتٸن بولادى. بارلىعى وسى شاھاردان نەپاقاسىن تاۋىپ, حالىقتىڭ ەل-اۋقاتى جاقسارادى. قازاقستانىمىز جاساي بەرسٸن, تٷركٸستان جاساي بەرسٸن, - دەپ تٷيٸندەدٸ قازاقستاننىڭ تۇڭعىش پرەزيدەنتٸ.
كونتسەرت سوڭىندا نۇرسۇلتان نازارباەۆ قولٶنەرشٸلەردٸڭ كٶرمەسٸن ارالاپ كٶردٸ. وندا ەلەمنٸڭ 20 ەلٸنەن كەلگەن شەبەرلەردٸڭ جۇمىستارى ۇسىنىلعان.
