نۇرسۇلتان نازارباەۆ سىبايلاس جەمقورلىققا قارسى ٸس-قيمىل اگەنتتٸگٸنٸڭ تٶراعاسى اليك شپەكباەۆپەن كەزدەستٸ, دەپ حابارلايدى ەلباسىنىڭ رەسمي سايتى.
قازاقستاننىڭ تۇڭعىش پرەزيدەنتٸ اگەنتتٸكتٸڭ تيٸمدٸلٸگٸن ارتتىرۋ اياسىندا سىبايلاس جەمقورلىققا قارسى كٷرەستە حالىقارالىق تەجٸريبەنٸ قولدانۋدىڭ ماڭىزدىلىعىن اتاپ ٶتتٸ.
- بٸز سىبايلاس جەمقورلىققا قارسى جٷيەنٸ جەتٸلدٸرۋ ٷشٸن بارلىق قاجەتتٸ شارالاردى قابىلدادىق. الايدا, شەت ەلدەردٸڭ تەجٸريبەسٸن زەرتتەۋدٸ جالعاستىرىپ, قىلمىستىڭ وسى تٷرٸمەن كٷرەسۋدٸڭ وزىق تەجٸريبەلەرٸن ەنگٸزۋٸمٸز كەرەك, - دەدٸ نۇرسۇلتان نازارباەۆ.
سونىمەن قاتار, ەلباسى قوعامنىڭ سىبايلاس جەمقورلىققا قارسى ٸس-قيمىل پروتسەسٸنە قاتىسۋى قاجەتتٸگٸنە نازار اۋداردى.
- حالىق سىبايلاس جەمقورلىقپەن بەلسەندٸ كٷرەسۋٸ قاجەت. زاڭ بۇزىلعان جاعدايدا ازاماتتار ۋاقتىلى حابارلاۋعا تيٸس, ال مەملەكەت بەلسەندٸ ازاماتتاردى قولداۋى كەرەك, - دەدٸ ەلباسى.
كەزدەسۋ بارىسىندا ا.شپەكباەۆ نۇرسۇلتان نازارباەۆقا ورتالىق مەملەكەتتٸك ورگاندارمەن جەنە وبلىس ەكٸمدٸكتەرٸمەن بٸرلەسٸپ «ادالدىق الاڭى» جوباسىن ٸسكە اسىرۋ بارىسى تۋرالى باياندادى.
