بٷگٸندە 70 مىڭ قازاقستاندىق جاس ازامات شەتەلدە بٸلٸم الىپ جاتىر. ولار كەلەدٸ ەلٸنە, قازاق باسقا جەردە تۇرا المايدى. بۇل جٶنٸندە مەملەكەت باسشىسى «جاڭا گۋمانيتارلىق بٸلٸم. قازاق تٸلٸندەگٸ 100 جاڭا وقۋلىق» جوباسى بويىنشا قازاق تٸلٸنە اۋدارىلعان 18 كٸتاپتىڭ سالتاناتتى تۇساۋكەسەر شاراسىندا مەلٸمدەدٸ, دەپ حابارلايدى Baq.kz تٸلشٸسٸ.
«جاڭا دەۋٸردٸڭ ەڭ باستى قاجەتتٸلٸگٸ كەمەل بٸلٸم بولىپ وتىر. بٸلٸمٸ دامىعان ەل عانا ٶركەندەيدٸ, باسقاسى ارتتا قالادى. سوندىقتان, تەۋەلسٸزدٸكتٸڭ بٸرٸنشٸ كٷنٸنەن باستاپ, قاراجات جوق كەزدە, زەينەتاقى مەن جالاقىنى تٶلەمەي جاتقان كەزدە جاستاردى قىرۋار اقشا تٶلەپ, شەتەلگە نەگە جٸبەردٸم? قازٸر اتا-انالار دا جٸبەرٸپ جاتىر, بٷگٸندە شەتەلدەگٸ نەشە تٷرلٸ ۋنيۆەرسيتەتتەردە 70 مىڭ قازاق بالاسى وقىپ جاتىر. كەلەدٸ ەلٸنە بەرٸبٸر. قانشا ايتقانمەن, قازاق باسقا جەردە تۇرا المايدى», - دەپ سەنٸم بٸلدٸردٸ ەلباسى.
نازارباەۆ ەل جاستارىنىڭ «بولاشاق» باعدارلاماسى بويىنشا شەتەلدٸك وقۋ ورىندارىندا بٸلٸم الۋى ٷشٸن مەملەكەت تاراپىنان قوماقتى قاراجات بٶلٸنٸپ جاتقانىن دا ەسكە سالدى.
«سول «بولاشاق» ارقىلى بٸتٸرٸپ كەلگەن قىز-جٸگٸتتەر قازٸر ەر سالادا جۇمىس ٸستەپ جاتىر. وعان مەملەكەتتەن قاراجات كٶپ شىعادى. ونىڭ قانشالىقتى تيٸمدٸ ەكەنٸن دە بٸز تەكسەرٸپ جاتقان جوقپىز. ونىڭ ٷستٸنە, وقىپ كەلگەندەردٸڭ ٸشٸندە بارلىعىنىڭ بٸلٸم ساپاسى 100 پروتسەنت جاقسى دەپ ايتۋعا بولمايدى. سوندىقتان, ەلٸمٸزدەگٸ جاڭادان قۇرىلعان ۋنيۆەرسيتەت ەشبٸر دٷنيەجٷزٸلٸك ۋنيۆەرسيتەتتەن كەم ەمەس. مەن وعان ٶز اتىمدى قويۋعا رۇقسات بەردٸم, باسقاعا ىلعي قارسى بولاتىنمىن, سەبەبٸ, بۇل بٸلٸم دەگەن مەسەلە, وعان مەملەكەتتٸڭ بارلىعى كٶڭٸل اۋدارسىن دەدٸم. بٸزدٸڭ زيياتكەرلٸك مەكتەپتەرٸمٸز, وعان قوسىلاتىن «ميراس» قازٸر دٷنيەجٷزٸلٸك سەرتيفيكات الدى. ەندٸ, ول مەكتەپ ٶرەندەرٸ بٸتٸرگەن باعاسىمەن ەربٸر ۋنيۆەرسيتەتكە وقۋعا تٷسە الادى. ەكٸنشٸدەن, بٸزدٸڭ ۋنيۆەرسيتەتتەرگە ابيتۋريەنتتەر دايىندايدى. كەرەمەت قوي», - دەپ تامساندى مەملەكەت باسشىسى.
