مەملەكەت باسشىسى VIII ازاماتتىق فورۋم قاتىسۋشىلارىنا ەشنەرسەگە قاراماستان ٶمٸردٸڭ قيىندىقتارىن ٶتكەرە بٸلۋ كەرەكتٸگٸن ايتتى, دەپ جازادى Sputnik.
پرەزيدەنت ٶمٸرٸندە بولىپ جاتقان قيىندىقتارعا, ون ەكٸ مٷشەسٸ ساۋ بولماسا دا, قول قۋسىرىپ قالمايتىن ادامداردان ەرەكشە شابىت الاتىنىن جەتكٸزدٸ.
"ٷنەمٸ ٶمٸرگە لاعنەت ايتىپ جٷرەمٸز: بٸردە مىناۋ, ەندٸ بٸردە ەكٸنشٸسٸ جەتپەي جاتادى. ەگەر ٶمٸردەن تٷڭٸلٸپ كەتسەڭ, اۋرۋحانالاردى, تٸپتٸ, بولماي جاتسا, زيرات باسىنا بار. سول جەردە جاتقان جانداردىڭ جاعدايى ساعان قاراعاندا ەلدەقايدا قيىن. قول-اياعىمىز ساۋ بولسا دا, كٸشكەنە سٷرٸنسەك, ٶمٸردەن تٷڭٸلٸپ كەتەمٸز. ٶمٸردە بارلىعى دا مٷمكٸن — ٶزٸڭدٸ قولعا الىپ, جۇمىس ٸستەۋگە مەجبٷرلە. بار مەسەلە وسىدا. سونداي-اق, جاستاردى دا وسى نەرسەگە ٷيرەتۋٸمٸز قاجەت", — دەدٸ نازارباەۆ.
مۇنىمەن قاتار, مەملەكەت باسشىسى ەرٸكتٸلەر قوزعالىسىن دامىتۋ كەرەكتٸگٸن اتاپ ٶتتٸ. پرەزيدەنتتٸڭ پٸكٸرٸنشە, دەل قازٸر ەرٸكتٸلەردٸ قوعامدىق جوبالارعا تارتۋ كەرەك.
"بٸرٸنشٸ كەزەكتە مەملەكەتتٸ ٶركەندەتۋ ٷشٸن اشىق ديالوگتىڭ ماڭىزى زور. ازاماتتار سانالى قادامدارعا بارىپ, دامىعان مەملەكەتتە ٶمٸر سٷرۋٸ تيٸس. بٸز مىقتى 30 ەلدٸڭ قاتارىنا مٸندەتتٸ تٷردە كٸرەمٸز", — دەپ قوستى ەلباسى.
بۇدان ٶزگە ول ٷكٸمەتتەن تىس سەكتورعا قارييالاردىڭ دەنساۋلىعىنا ەرەكشە مەن بەرٸلۋٸ كەرەكتٸگٸن ايتتى.
"ادامنىڭ قانشالىقتى تەز قارتاياتىنىن سٸزدەر, تٸپتٸ, بٸلمەيسٸزدەر. جەتٸمدەر ٷيٸ مەن قارتتار ٷيٸن بٸرٸكتٸرۋ تۋرالى ۇسىنىستار بار. ولار كٷندەلٸكتٸ بالالار تەربيەسٸمەن اينالىساتىن بولادى. بەلكٸم وسى نۇسقانى قاراستىرىپ كٶرۋ كەرەك شىعار", — دەدٸ مەملەكەت باسشىسى.
نۇرسۇلتان نازارباەۆ 27-28 قاراشا كٷندەرٸ استانا قالاسىندا ٶتٸپ جاتقان ازاماتتىق فورۋمنىڭ باس سپيكەرٸ بولدى.
