بٷگٸن قازاق ۇلتتىق ٶنەر ۋنيۆەرسيتەتٸندە «نەۆادا-سەمەي» انتييادرولىق قوزعالىسىنىڭ 30 جىلدىعىنا ارنالعان عىلىمي-پراكتيكالىق كونفەرەنتسييا ٶتتٸ, دەپ حابارلايدى "ۇلت اقپارات".
«كونفەرەنتسييانىڭ اشىلۋىندا سٶز العان مەدەنيەت جەنە سپورت مينيسترٸ اقتوتى رايىمقۇلوۆا جينالعاندارعا قازاقستاننىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ قۇتتىقتاۋ حاتىن وقىپ بەردٸ. اقىن, «نەۆادا-سەمەي» انتييادرولىق قوزعالىسىنىڭ كٶشباسشىسى ولجاس سٷلەيمەنوۆ بٷگٸنگٸ قۇتتىقتاۋى مەن يادرولىق سىناقتى توقتاتۋعا قوسقان ەڭبەگٸنە ريزاشىلىق رەتٸندە ەلباسى ن.نازارباەۆتى قوزعالىستىڭ 30 جىلدىعىنا ارناپ شىعارىلعان مەرەيتويلىق مەدالٸمەن ماراپاتتادى. سونداي-اق مەرەيتويلىق مەدال مەدەنيەت جەنە سپورت مينيسترٸنە دە تاپسىرىلدى», - دەلٸنگەن قر مەدەنيەت جەنە سپورت مينيسترلٸگٸ تاراتقان اقپاراتتا.
جيىن بارىسىندا اقتوتى رايىمقۇلوۆا بٷگٸنگٸ شارا – قوزعالىستىڭ سالتاناتتى مەرەيتويى عانا ەمەس, قازاقستاندىق قوعام مەن بارشا ادامزاتتىڭ بەيبٸتشٸلٸك پەن تازا عالامشار ٷشٸن كٷرەسٸنٸڭ ماڭىزدى كەزەڭٸ ەكەندٸگٸن باسا ايتقان.
«نەۆادا-سەمەي» حالىقارالىق انتييادرولىق قوزعالىسى بەلسەندٸلەرٸنٸڭ, قوعامنىڭ ارقاسىندا 1989 جىلعا جوسپارلانعان 18 يادرولىق سىناقتىڭ 11-ٸ جٷزەگە اسپادى. وسىنداي كٷش-جٸگەر مەن باتىل قادامدارىڭىزبەن سٸزدەر عالامدىق سانانى ٶزگەرتۋگە ٷلەس قوسىپ, بەيبٸتسٷيگٸشتٸك يدەيانىڭ ماڭىزدىلىعىن ٸس جٷزٸندە دەلەلدەدٸڭٸزدەر», - دەدٸ مينيستر.
كونفەرەنتسييا جۇمىسىنا جاپونييانىڭ قازاقستانداعى ەلشٸسٸ تاتسۋحيكو كاساي, حالىقارالىق قوزعالىس مٷشەلەرٸ, نوبەل سىيلىعىنىڭ لاۋرەاتتارى قاتىستى.
ايتا كەتەرلٸگٸ, قازاق جەرٸندە 1949 جىلدان باستاپ 40 جىلعا جۋىق ۋاقىت يادرولىق سىناق جٷرگٸزٸلدٸ. 450-دەي سىناقتىڭ سالدارىنان رادياتسييالىق سەۋلەنٸڭ كٷشتٸ دوزاسىن العان پوليگون ماڭىنداعى اۋىل تۇرعىندارى ونىڭ زاردابىن ەلٸ كٷنگە تارتىپ كەلەدٸ. و.سٷلەيمەنوۆ 1989 جىلى يادرولىق سىناققا قارسى «نەۆادا-سەمەي» قوزعالىسىن قۇرۋ تۋرالى ٷندەۋ تاستادى. اراعا 2 جىل سالىپ, پرەزيدەنت ن. نازارباەۆتىڭ جارلىعىمەن پوليگون تولىقتاي جابىلدى. كەيٸننەن 29 تامىز – حالىقارالىق يادرولىق قارۋعا قارسى كٷرەس كٷنٸ بولىپ بەكٸتٸلدٸ.
