- قازاقستان رەسپۋبليكاسىنىڭ پرەزيدەنتٸ نۇرسۇلتان نازارباەۆ ٶزبەكستان رەسپۋبليكاسىنىڭ پرەزيدەنتٸ شاۆكات ميرزييوەۆپەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
ەڭگٸمە بارىسىندا شاۆكات ميرزييوەۆ نۇرسۇلتان نازارباەۆتى قازاقستان رەسپۋبليكاسى تەۋەلسٸزدٸگٸنٸڭ 25 جىلدىعىمەن قۇتتىقتاپ, حالقىمىزدىڭ ودان ەرٸ ٶسٸپ-ٶركەندەۋٸنە تٸلەكتەستٸك بٸلدٸردٸ.
نۇرسۇلتان نازارباەۆ شاۆكات ميرزييوەۆتٸ ٶزبەكستان رەسپۋبليكاسىنىڭ پرەزيدەنتٸ لاۋازىمىنا رەسمي تٷردە كٸرٸسۋٸمەن قۇتتىقتادى.
سونداي-اق, ەكٸ ەل كٶشباسشىلارى ەكٸجاقتى قارىم-قاتىناستىڭ قازٸرگٸ جاعدايى مەن پەرسپەكتيۆالارىن تالقىلاپ, قازاقستان مەن ٶزبەكستان ىنتىماقتاستىعىن جانداندىرۋدىڭ ماڭىزدىلىعىن اتاپ ٶتتٸ.
تەلەفون ارقىلى سٶيلەسۋگە ٶزبەكستان جاعى باستاماشى بولدى.
