قر تۇڭعىش پرەزيدەنتٸ نۇرسۇلتان نازارباەۆ قازاقستانداعى بيلٸكتٸڭ اۋىسۋى تۋرالى پٸكٸر بٸلدٸردٸ, دەپ حابارلايدى "ۇلت اقپارات".
«بيلٸك ترانزيتٸ تۋرالى سۇراق جيٸ قويىلىپ جٷر. مەنٸڭ مانداتىم 2020 جىلدىڭ سوڭىندا اياقتالۋى تيٸس ەدٸ, بٸراق مەن وسىنداي شەشٸم قابىلدادىم. نەگە? وعان نە سەبەپ بولدى? ەڭ الدىمەن, مەن پرەزيدەنت لاۋازىمىن ناعىز تانىمال شاعىمدا قالدىردىم. 2015 جىلى سايلاۋدا مەن 96% داۋىس جينادىم. مەنٸڭ كەتكەنٸم ٷشٸن حالىق قامىققانىن بٸلەمٸن. بٸراق, بۇل بٸرەگەي وقيعا ەمەس. بٸر كەزدەرٸ دە گولل دە لاۋازىمىنان باس تارتقان, لي كۋان يۋ, ماحاتحير مىرزالار دا ٶزٸ كەتكەن», - دەدٸ نۇرسۇلتان نازارباەۆ جىل سايىنعى Astana club پانەلدٸك وتىرىسىندا.
ول سوۆەت كەزٸنەن بەرٸ قازاقستان باسشىلىعىندا بولعانىن اتاپ ٶتتٸ.
«1984 جىلى مەنٸ قازاقستان مينيسترلەرٸ كەڭەسٸنٸڭ تٶراعاسى ەتٸپ سايلادى. سودان بەرگٸ 35 جىلدا – كسرو ىدىراۋىنان كەيٸنگٸ اۋىر جىلدار باستان ٶتتٸ, الىپ مەملەكەت قيرادى. بارلىق بايلانىس ٷزٸلدٸ, 2 ميلليون ادام جۇمىسسىز قالدى, ەلەكتر قۋاتى جوق, دٷكەندە نان مەن سٷت, شۇجىق جوق. مەن قازاقستاندى وسى كٷيٸندە قابىلداپ الدىم. بۇل جىلدارى ەل ەكونوميكاسى 20 ەسە كٶتەرٸلدٸ, حالىقتىڭ ەل-اۋقاتى 19 ەسە ٶستٸ. بٸز ەلەم كارتاسىندا بولماعان مەملەكەتتٸ قۇردىق. قازٸر بۇل مەملەكەت - ەلەم كارتاسىندا بار جەنە قۇرمەت-بەدەلگە يە», - دەدٸ ەلباسى.
تۇڭعىش پرەزيدەنت بارلىق شەكارا بويىنشا دوستىق احۋال ورناعانىن جەتكٸزدٸ.
«شەكارانىڭ 14,5 مىڭ شاقىرىم پەريمەترٸ حاتتالعان, شەكارامىز ايقىندالعان. شەكاراسىز مەملەكەت بولا ما? كارتاعا قاراساڭىزدار, سولتٷستٸكتە رەسەيمەن 7 مىڭ شاقىرىم ورتاق شەكارامىز بار. شىعىستا قىتايمەن – 1600 شاقىرىم, وڭتٷستٸكتە قىرعىزستان, ٶزبەكستان, تٷركمەنستانمەن – 4 مىڭ شاقىرىم شەكارامىز بار. مۇنداي ورتادا بٸزدٸڭ كٶپۆەكتورلى ساياساتىمىز ەشكٸمنٸڭ اۋماعىنا ەنبەي, تەڭ قارىم-قاتىناس قۇرۋعا نەگٸزدەلەدٸ», - دەدٸ ن. نازارباەۆ.
