«جاس سارباز» بالالار مەن جاسٶسپٸرٸمدەر ەسكەري-پاتريوتتىق قوزعالىسى» رەسپۋبليكالىق قوعامدىق بٸرلەستٸگٸ ەلٸمٸزدٸڭ بارلىق ٶڭٸرٸنە تارالۋى تيٸس. بۇل تۋرالى بٷگٸن استانادا اتالعان بٸرلەستٸك تەربيەلەنۋشٸلەرٸمەن كەزدەسۋ بارىسىندا ەلباسى - قر قارۋلى كٷشتەرٸنٸڭ جوعارعى باس قولباسشىسى نۇرسۇلتان نازارباەۆ ايتتى, دەپ حابارلايدى "ۇلت اقپارات".
كەزدەسۋ بارىسىندا قر پرەزيدەنتٸ رۋحى مىقتى حالىقتىڭ بولاشاعى دا زور بولاتىندىعىن اتاپ ٶتٸپ, وعان ناقتى مىسال دا كەلتٸردٸ.
«مەسەلە حالىقتىڭ كٶپتٸگٸندە, مەملەكەتتٸڭ ٷلكەندٸگٸندە ەمەس. مەسەلە - ۇلتتىق رۋحتا. ويلاپ قاراڭدار, بار بولعانى 16 ملن حالقى بار ۆەتنام ەلٸ اقش-قا قارسى تۇرىپ, جەڭٸپ شىقتى. اقش الىپ ەل ەدٸ, قارۋ-جاراعى دا كٶپ ەدٸ. عىلىمي تەحنيكاسى دا كٶپ ەدٸ. قانشا اۋىلدارىن ٶرتەدٸ, قانشا ادامدارىن قىردى. ادامدارىن زىندانعا وتىرعىزدى. بٸراق, جەڭە المادى. سەبەبٸ, رۋحى جوعار ەل ەدٸ. مۇنىڭ بارلىعى بەلگٸلٸ», - دەدٸ ەلباسى.
مەملەكەت باسشىسى كٶپ مەملەكەتتە جٸگٸتتەرٸ دە, قىزدار دا بٸرگە ەسكەري شەپتە تۇرىپ, ەلٸن, جەرٸن قورعايتىندىعىن ايتتى.
«مىسالى يزرايل مەملەكەتٸن الاتىن بولساق, بارلىق قىزدار ەسكەري مٸندەتٸن ٶتەپ شىعادى. ەل قورعاۋ - بارلىق جۇرتتىڭ, حالىقتىڭ مويىندا تۇرعان مٸندەت. اتا-بابامىز امانات ەتكەن وسى كەڭ بايتاق جەردٸ قالاي ساقتاپ قالدىق? جانقييارلىق باتىرلىقتىڭ ارقاسىندا, قان تٶگٸپ, تەر تٶگۋدٸڭ ارقاسىندا امان الىپ قالدىق. سول بابالارىمىزدىڭ رۋحى بٸزدە بولۋى كەرەك», - دەدٸ نۇرسۇلتان نازارباەۆ.
سونىمەن قاتار ەلباسى «جاس سارباز» بالالار مەن جاسٶسپٸرٸمدەر ەسكەري-پاتريوتتىق قوزعالىسى» رەسپۋبليكالىق قوعامدىق بٸرلەستٸگٸ ەلٸمٸزدٸڭ بارلىق ٶڭٸرٸنە تارالۋى تيٸستٸگٸن اتاپ ٶتتٸ.
«جاستارىمىزدىڭ بارلىعى وسى ۇيىمعا كٸرۋلەرٸ كەرەك. دەنەلەرٸن شىنىقتىرىپ, ەسكەري ماماندىقتى يگەرٸپ, قورعانىس مينيسترلٸگٸمەن بٸرگە جۇمىس ٸستەپ, بولاشاق وتان قورعاۋشىلاردى, ەلدٸڭ بولاشاق ازاماتتارىن تەربيەلەۋگە ات سالىسۋى قاجەت. سوندا سٸزدەر پرەزيدەنتتٸڭ دە, ەلدٸڭ دە تٸرەگٸ بولا الاسىزدار. سول ٷشٸن بٸز جينالىپ وتىرمىز. سول ٷشٸن مەن سەندەردٸڭ ارالارىڭا كەلٸپ وتىرمىن. بارشالارىڭىزعا شىن جٷرەگٸممەن زور دەنساۋلىق, ٷلكەن باقىت, ەلٸمٸزدٸڭ امان, جۇرتىمىزدىڭ تىنىش بولۋىن تٸلەيمٸن», - دەدٸ قر پرەزيدەنتٸ.
.jpeg)