قازاقستاننىڭ تۇڭعىش پرەزيدەنتٸ نۇرسۇلتان نازارباەۆ استانادا العاش رەت ٶتٸپ جاتقان ەۋرازييا ەلدەرٸ پارلامەنتٸ سپيكەرلەرٸنٸڭ IV كەڭەسٸن اشتى. ٶز سٶزٸندە ەلباسى قىتايدىڭ باستاماسى تۋرالى ايتتى, دەپ حابارلايدى Sputnik قازاقستان.
"بٸز قىتاي حالىق رەسپۋبليكاسىنىڭ "جاڭا جٸبەك جولى" باستاماسىن قولدايمىز. سەبەبٸ وسى باستاما بٸز ٷشٸن تيٸمدٸ, بٸز تەڭٸز جولدارىنا شىعا باستادىق", - دەدٸ نازارباەۆ.
ەۋروپا مەن ازييانىڭ الپىستان استام پارلامەنتتٸك دەلەگاتسييالارى قاتىسىپ جاتقان كەڭەستە نازارباەۆ قازاقستاننىڭ جەتٸستٸكتەرٸ تۋرالى ايتا كەلە, ينفراقۇرىلىمدىق جوبالارعا باسا نازار اۋداردى. سەبەبٸ وسى باستامالاردىڭ ارقاسىندا الىس نارىقتارعا شىعۋعا بولادى.
"بٸزدٸڭ تەڭٸزگە شىعا الاماساق تا, اۋقىمدى ينفراقۇرىلىمدىق جوسپاردى قولعا الدىق. قازٸرگٸ كەزدە وسى جوسپاردىڭ ەكٸنشٸ بەسجىلدىعى باستالدى. قىسقا ۋاقىتتىڭ ٸشٸندە 15 مىڭ شاقىرىمنان استام اۆتوموبيل مەن تەمٸرجول جٶندەلٸپ, جاڭادان سالىندى. وسىنىڭ ارقاسىندا تىنىق پەن اتلانت مۇحيتتارىنا, كاسپيي ارقىلى پارسى شىعاناعىنا شىقتىق", - دەدٸ ول.
تۇڭعىش پرەزيدەنتتٸڭ سٶزٸنە قاراعاندا, بٷگٸندە قازاقستان ارقىلى رەسەي مەن ەۋروپاعا ٶتەتٸن كونتەينەرلٸك تاسىمالدىڭ كٶلەمٸ جىل سايىن ەكٸ ەسەگە ارتىپ كەلەدٸ.
"بٸر سٶزبەن ايتقاندا, قازاقستان ازييا مەن ەۋروپانى, سولتٷستٸك پەن وڭتٷستٸكتٸ بٸرٸكتٸرٸپ وتىرعان تيٸمدٸ ترانزيتتٸك مەملەكەتكە اينالدى. بٸز ٶز ەكونوميكامىزدىڭ تەحنيكالىق جەنە تسيفرلىق ەلەۋەتٸن بارىنشا كٶتەرٸپ جاتىرمىز. قازاقستان تمد مەن شىعىس ەۋروپا ەلدەرٸ ٸشٸندە بٸرٸنشٸ بولىپ ەكسپو-2017 كٶرمەسٸن ٶتكٸزدٸ. ەلوردامىزدا "استانا" حالىقارالىق قارجى ورتالىعى اشىلدى. "Doing business" رەيتينگٸسٸندە قازاقستان 190 ەلدٸڭ ٸشٸندە 28 ورىندى الىپ وتىر", - دەپ اتاپ كٶرسەتتٸ نازارباەۆ.
