نۇرسۇلتان نازارباەۆتىڭ تٶراعالىعىمەن «Nur Otan» پارتيياسى ساياسي كەڭەسٸنٸڭ كەڭەيتٸلگەن وتىرىسى ٶتتٸ, دەپ حابارلايدى "ۇلت اقپارات" ەلباسىنىڭ رەسمي سايتىنا سٸلتەمە جاساپ.
باسقوسۋعا ساياسي كەڭەس بيۋروسىنىڭ مٷشەلەرٸ, ٷكٸمەت مٷشەلەرٸ, مەجٸلٸس پەن مەسليحاتتارداعى فراكتسييا ٶكٸلدەرٸ, پارتييانىڭ ٶڭٸرلٸك فيليالدارىنىڭ باسشىلارى جەنە ولاردىڭ ورىنباسارلارى, باستاۋىش پارتييا ۇيىمدارىنىڭ ٶكٸلدەرٸ قاتىستى.
كەڭەيتٸلگەن وتىرىستا كٷن تەرتٸبٸنە سەيكەس پارتييانىڭ سايلاۋالدى باعدارلاماسى مەن سەزدەردە قابىلدانعان شەشٸمدەردٸڭ ورىندالۋ بارىسى, پارتييا جۇمىسىن جاڭعىرتۋ جەنە ساياسي كەڭەس بيۋروسىنىڭ قۇرامىنا ٶزگەرٸستەر ەنگٸزۋ مەسەلەلەرٸ تالقىلاندى.
ەلباسى ەل دامۋىنىڭ ستراتەگييالىق ماقساتتارىنا قول جەتكٸزۋ ٷشٸن پارتييانىڭ قوعامدى جۇمىلدىرۋ ٷدەرٸسٸندە ماڭىزدى رٶل اتقاراتىنىن اتاپ ٶتتٸ.
نۇرسۇلتان نازارباەۆ سايلاۋ زاڭناماسىن رەفورمالاۋ نەتيجەلەرٸنە توقتالىپ, قابىلدانعان پروپورتسيونالدى جٷيە وزىق ەلەمدٸك تەجٸريبەگە ساي كەلەتٸنٸن جەنە دەموكراتييانى دامىتۋعا سەپتٸگٸن تيگٸزەتٸنٸن ايتتى.
– پارتييا پروبلەمالاردى ناقتى شەشۋ جولدارىن ۇسىنىپ, تيٸمدٸ جۇمىس ٸستەۋٸ كەرەك, سوندا بەدەلٸمٸز دە ارتادى, حالىق تا قولدايدى. ەكونوميكا مەن ساياسي دامۋ باعىتىندا كٶشباسشى اتانعان ەلدەردٸڭ تەجٸريبەسٸنەن ساباق العانىمىز جٶن, – دەدٸ قازاقستاننىڭ تۇڭعىش پرەزيدەنتٸ.
«Nur Otan» پارتيياسىنىڭ تٶراعاسى الداعى سايلاۋدىڭ كونستيتۋتسييالىق مەرزٸمدە ٶتەتٸندٸگٸن تاعى بٸر مەرتە اتاپ ٶتتٸ.
– قازٸر ٷكٸمەت پەن بٷكٸل اتقارۋشى بيلٸك بٸلەك سىبانىپ, «Nur Otan» پارتيياسى مەن جاڭادان سايلانعان پرەزيدەنت قاسىم-جومارت كەمەلۇلى توقاەۆتىڭ سايلاۋالدى ۋەدەلەرٸن ورىنداۋعا, ادامداردىڭ ناقتى پروبلەمالارىن شەشۋگە تيٸس. ەڭ الدىمەن, ٶڭٸرلەردە جۇرتشىلىقپەن تىعىز جۇمىس ٸستەۋ قاجەت, – دەدٸ ەلباسى.
قازاقستاننىڭ تۇڭعىش پرەزيدەنتٸ «سەنٸم. ديالوگ. بولاشاققا نىق قادام – «Nur Otan» پارتيياسىنىڭ 7 سەرپٸنٸ» اتتى پارتييا جۇمىسىن جٷيەلٸ جاڭعىرتۋ باعدارلاماسىن ۇسىندى.
اتاپ ايتقاندا, ەلباسى باعدارلاماعا سەيكەس پارتييانىڭ بەلسەندٸ مٷشەلەرٸن توپتاستىرۋ, جەمقورلىقپەن كٷرەستٸ كٷشەيتۋ جەنە پارتييادان لايىقتى ەمەس مٷشەلەردٸ شىعارۋ ٷشٸن شارالار قابىلداۋدى, بارلىق دەڭگەيدە پارتييا ورگاندارىنىڭ ەلەۋەتٸن مەيلٸنشە جٷزەگە اسىرۋدى, بيلٸكتٸڭ بارلىق دەڭگەيٸندە پارتييالىق جاۋاپكەرشٸلٸكتٸ ارتتىرۋدى تاپسىردى.
– پارتييانىڭ مەجٸلٸستەگٸ فراكتسيياسىنىڭ جۇمىسىن بارىنشا كٷشەيتۋ كەرەك. بۇل پارتييا مٸندەتتەرٸن ورىنداۋدىڭ جەنە اتقارۋشى ورگاندارعا ىقپال ەتۋدٸڭ نەگٸزگٸ تەتٸگٸ. فراكتسييانىڭ مەرتەبەسٸن كٶتەرۋ ٷشٸن ونىڭ جەتەكشٸسٸ لاۋازىمىنا مەجٸلٸس تٶراعاسى نىعماتۋللين نۇرلان زايروللاۇلىن سايلاۋدى ۇسىنامىن. ول مەجٸلٸستٸڭ سپيكەرٸ رەتٸندە العا قويىلعان ماقساتتارعا قول جەتكٸزۋ جەنە فراكتسييا جۇمىسىن قايتا جانداندىرۋ ٷشٸن بارلىق رەسۋرستاردى جۇمىلدىرا الادى, – دەدٸ ەلباسى.
سونىمەن قاتار, نۇرسۇلتان نازارباەۆ حالىقپەن ناقتى جۇمىس ٸستەۋ قاعيداتىن ەنگٸزۋدٸ, قارقىندى اقپاراتتىق-يدەولوگييالىق جۇمىستى ۇيىمداستىرۋدى جەنە پارتييا تٶڭٸرەگٸنە جاستاردى بٸرٸكتٸرۋ ٷشٸن شارالار قابىلداۋدى ۇسىندى.
– قازٸرگٸ تاڭدا «جاڭا» مەديا سالاسىندا شىندىققا جاناسپايتىن اقپارات تاراتۋشى ارنالار كٶبەيٸپ كەلەدٸ. جەرگٸلٸكتٸ, قاراپايىم مەسەلەلەر رەسپۋبليكالىق دەڭگەيگە دەيٸن كٶتەرٸلۋدە. قوعامدىق سانادا جالعان تٷسٸنٸك قالىپتاسۋدا. «Nur Otan» ٶزٸنٸڭ اقپاراتتىق ستراتەگيياسىن تٷبەگەيلٸ قايتا قاراۋى قاجەت. پارتييانىڭ بۇقارالىق اقپارات قۇرالدارى وبەكتيۆتٸ جەنە جەدەل اقپارات كٶزدەرٸنە اينالىپ, حالىقتىڭ سەنٸمٸنە يە بولۋعا تيٸس, – دەدٸ پارتييا تٶراعاسى.
سونداي-اق, قازاقستاننىڭ تۇڭعىش پرەزيدەنتٸ ەل الدىندا تۇرعان ەكونوميكالىق پروبلەمالارعا توقتالىپ, تۇراقتى ٶسٸمدٸ قامتاماسىز ەتەتٸن جاڭا شارالار ۇسىندى.
اتاپ ايتقاندا, ەلباسى بيزنەس ٷشٸن سالىق اۋىرتپالىعىن تٶمەندەتۋ ارقىلى ەكونوميكاعا سالىقتىق ىنتالاندىرۋ تەتٸكتەرٸن ەنگٸزۋدٸ ۇسىندى.
– سونداي-اق, بيۋدجەت ساياساتىن قايتا قاراۋ قاجەت. مەملەكەتتٸك ساتىپ الۋلار اشىق ەمەس جەنە سىبايلاس جەمقورلىق جاپپاي بەلەڭ العان سالاعا اينالدى. قۇنى 1,8 تريلليون تەڭگەنٸ قۇرايتىن مەملەكەتتٸك ساتىپ الۋلاردىڭ 65 پايىزى بٸر كٶزدەن جٷزەگە اسقان. مەملەكەتتٸك ساتىپ الۋلار تۋرالى زاڭدى ٶزگەرتۋ كەرەك, – دەدٸ نۇرسۇلتان نازارباەۆ.
سونىمەن بٸرگە, قازاقستاننىڭ تۇڭعىش پرەزيدەنتٸ بەلسەندٸ ساۋدا ساياساتىن جٷزەگە اسىرۋ جەنە قارجى سەكتورىن تۇراقتاندىرۋ شارالارىن قابىلداۋدىڭ ماڭىزدىلىعىن اتاپ ٶتتٸ.
– قازٸرگٸ تاڭدا جاساندى ينتەللەكت الدىڭعى قاتارعا شىقتى. ونى تٸرشٸلٸكتٸڭ بارلىق سالاسىنا ەنگٸزۋ اۋقىمى جاعىنان ۋراننىڭ بٶلٸنۋٸ تۋرالى جاڭالىقتى اشۋمەن تەڭ. جاساندى ينتەللەكت دەنساۋلىق ساقتاۋدان باستاپ, ٶندٸرٸس پەن قارجى سەكتورىنا دەيٸنگٸ بارلىق سالانى تٷگەل ترانسفورماتسييالايدى. جاساندى ينتەللەكت جاڭا ەلەمدٸك تەرتٸپ ورناتىپ, جاڭا جاھاندىق كٶشباسشىلار مەن اۋتسايدەرلەردٸ ايقىندايدى. سوندىقتان بٸز ونى قولداۋ ٷشٸن قازٸردەن باستاپ اۋقىمدى جەنە جٷيەلٸ شارالار قابىلداۋىمىز قاجەت, – دەدٸ پارتييا تٶراعاسى.
نۇرسۇلتان نازارباەۆ جاساندى ينتەللەكتٸنٸ جان-جاقتى دامىتۋعا مٷمكٸندٸك بەرەتٸن زاڭنامالىق بازا ەزٸرلەۋدٸ, سونداي-اق, وسى سالانى كەسٸپكەرلٸك جەنە عىلىمي تۇرعىدان قولداۋ ٷشٸن ەكوجٷيە قالىپتاستىرۋدى ۇسىندى.
– پارتييانىڭ كٷندەلٸكتٸ جۇمىسىن ايتارلىقتاي جانداندىرۋ كەرەك. بٸز ٷلكەن دەرەكتەر مەن جاساندى ينتەللەكت مٷمكٸندٸكتەرٸن پايدالانا وتىرىپ, حالىقتىڭ سۇرانىسىنا الدىن الا جاۋاپ بەرۋدٸ ٷيرەنۋٸمٸز كەرەك, – دەدٸ ەلباسى.
سونىمەن قاتار, وتىرىس بارىسىندا پارتييا ساياسي كەڭەسٸ بيۋروسىنىڭ جاڭا مٷشەلەرٸ رەتٸندە «ەگەمەن قازاقستان» رەسپۋبليكالىق گازەتٸنٸڭ باسقارما تٶراعاسى د.قىدىرەلٸ جەنە «جاس وتان» جاستار قاناتىنىڭ كٶشباسشىسى د.كەرٸبەك سايلاندى.
.jpeg)