قازاقستاننىڭ تۇڭعىش پرەزيدەنتٸ نۇرسۇلتان نازارباەۆ قازاقستان حالقىنا ٷندەۋ جولدادى. "ۇلت اقپارات" ەلباسى ٷندەۋٸنٸڭ تولىق مەتٸنٸن جارييالايدى.
***
قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى ن.ە.نازارباەۆتىڭ قازاقستان حالقىنا ٷندەۋٸ
قىمباتتى وتانداستار!
بٷگٸندە بەرٸمٸز كوروناۆيرۋستىڭ جاھاندىق پاندەميياعا ۇلاسقانىنا كۋە بولىپ وتىرمىز.
قازٸر ۆيرۋس جەر شارىنداعى 155-تەن استام مەملەكەتتٸڭ, سونىڭ ٸشٸندە قازاقستاننىڭ دا اۋماعىنا تارالۋدا.
ٸندەتتٸڭ گەوگرافييالىق ٶرٸسٸ ٷزدٸكسٸز كەڭەيٸپ, قۇرباندارىنىڭ سانى دا ٶسٸپ كەلەدٸ.
بۇل جاعدايدى حالىقارالىق ەكونوميكالىق داعدارىس – شيكٸزات, ۆاليۋتا جەنە قارجى نارىقتارىنىڭ قۇلدىراۋى ۋشىقتىرا تٷسۋدە.
مۇنىڭ بەرٸ بٸزدٸڭ ەلدٸ دە اينالىپ ٶتپەيتٸنٸ انىق.
باسقاشا ايتقاندا, بٸز قازٸر «دٷلەي داۋىل» دەپ سيپاتتاۋعا بولاتىن ٷلكەن قاۋٸپ-قاتەر الدىندا تۇرمىز.
شەشۋ جولدارىن تابۋ تۇرعىسىنان كٷردەلٸ بوپ وتىرعان قازٸرگٸ احۋال بٸر جاعىنان 1990-شى جىلداردىڭ باسىنداعى جاعدايعا ۇقسايدى.
ول كەزدە بٸز شىن مەنٸندە ٶتە قيىن جاعدايدا بولعان ەدٸك.
وسىنداي اۋىر كەزەڭدە مەن بارلىق قازاقستاندىقتاردى ەل پرەزيدەنتٸ قاسىم-جومارت توقاەۆ پەن ٷكٸمەت تاراپىنان ٸسكە اسىرىلىپ جاتقان شۇعىل شارالاردى قولداۋعا شاقىرامىن.
ەل بيلٸگٸ كوروناۆيرۋستان قورعانۋ ٷشٸن ونىڭ الدىن الۋعا باعىتتالعان كەشەندٸ شارالار قابىلدادى.
بۇل رەتتە تٶتەنشە جاعدايدىڭ جارييالانۋى – ماڭىزدى جەنە قاجەتتٸ قادام.
ونداعى ماقسات – بٸزدٸڭ ازاماتتارىمىز بەن مەملەكەتٸمٸزدٸڭ مٷددەسٸن قورعاۋ.
قازٸر كوروناۆيرۋس ينفەكتسيياسىنىڭ زالالالىن ازايتۋ جەنە ەكونوميكانى تۇراقتاندىرۋ جٶنٸندەگٸ ارناۋلى شتاب جۇمىس ٸستەپ جاتىر.
ازىق-تٷلٸك پەن ەڭ قاجەتتٸ تاۋارلاردىڭ, مەديتسينالىق ماقساتقا ارنالعان زاتتاردىڭ تاپشىلىعىنا جول بەرمەۋ ٷشٸن بارلىق جاعداي جاسالۋدا.
مەملەكەتتٸڭ ەلەۋمەتتٸك مٸندەتتەمەلەرٸنٸڭ بەرٸ دە ورىندالۋدا.
ەلدەگٸ قۇقىقتىق تەرتٸپ قامتاماسىز ەتٸلٸپ وتىر.
وتاندىق كەسٸپكەرلەرگە, شاعىن جەنە ورتا بيزنەسكە جان-جاقتى قولداۋ كٶرسەتٸلٸپ جاتىر.
جۇمىس ورىندارىن ساقتاۋعا بارىنشا كٷش سالىنۋدا.
مەملەكەتتٸك دەڭگەيدە قابىلدانىپ جاتقان شارالار قازٸرگٸ قيىن احۋالعا ساي دەر كەزٸندە قولعا الىندى.
مەن مۇنى تولىق قولدايمىن!
سونىمەن قاتار, قازٸرگٸ داعدارىس ۇزاعىراق ۋاقىتقا سوزىلار بولسا, ٷكٸمەت وعان قارسى شارالار ەزٸرلەۋگە تيٸس.
ونداي جاعدايدا ەلٸمٸزدٸ جەنە ازاماتتارىمىزدى قاتاڭ ٷنەمشٸلدٸككە, كەشەندٸ ورنىقتى دامۋ باعدارىنا شىعۋعا دايىنداۋ كەرەك.
قۇرمەتتٸ قازاقستاندىقتار!
دانا حالقىمىزدا «كەمەدەگٸنٸڭ جانى بٸر» دەگەن ۇلاعاتتى سٶز بارىن بٸلەسٸزدەر.
وسىناۋ سىن ساعاتتا ورتاق ٸستەن ەشكٸم دە سىرت قالماۋعا تيٸس.
بٸرٸنشٸدەن, ٷكٸمەت بيۋدجەت سالاسى قىزمەتكەرلەرٸنٸڭ, ستۋدەنتتەردٸڭ, شاعىن جەنە ورتا بيزنەستٸڭ اۋىرتپالىعىن جەڭٸلدەتۋ باعىتىنداعى ناقتى قادامدارىن جارييا ەتتٸ.
بٸراق تەك قانا مەملەكەتتٸڭ كٷش-جٸگەرٸ جەتكٸلٸكسٸز بولادى.
زاۋالدى ەڭسەرۋ ٷشٸن باسقا دا قوسىمشا رەسۋرستاردى جۇمىلدىرعان جٶن.
ەربٸر ازامات ٶزٸنٸڭ قولىنان كەلەتٸن ٷلەسٸن قوسۋعا تيٸس.
مەن بۇل قيىن كەزەڭدە ەل-جۇرتقا كٶمەكتەسكٸسٸ كەلەتٸن جەنە جەردەم بەرە الاتىن ادامداردىڭ قاراجاتى جيناقتالاتىن رەسپۋبليكالىق قور قۇرۋدى ۇسىنامىن.
وسىنداي جاعدايدا بۇرىنعىشا وتاندىق ٸرٸ كەسٸپورىندار دا قولداۋىن كٶرسەتەدٸ دەپ سەنەمٸن.
ونداي قورلاردى ەربٸر وبلىس ورتالىعىندا جەنە رەسپۋبليكالىق ماڭىزى بار قالالاردا قۇرۋ قاجەت.
ول جۇمىستى تيٸسٸنشە سول جەرلەردٸڭ ەكٸمدەرٸ جٷزەگە اسىرعانى دۇرىس.
بٷكٸل حالىق, قالىڭ ەل, جالپاق جۇرت بولىپ جۇمىلۋدىڭ جارقىن ٷلگٸسٸ مەن تيٸمدٸلٸگٸن بٸز ارىس قالاسىن اپاتتان كەيٸن جەدەل قالپىنا كەلتٸرگەن كەزدە كٶرسەتكەن ەدٸك.
ەكٸنشٸدەن, مەن قازٸردٸڭ ٶزٸندە ۇلتتىق بيزنەس ٶكٸلدەرٸنٸڭ ەل-جۇرتقا كٶرسەتٸپ جاتقان كٶمەگٸ ٷشٸن ريزاشىلىعىمدى بٸلدٸرەمٸن.
مۇنداي مەرتتٸك جالعاسىن تاۋىپ, وعان قوسىلاتىن بيزنەس ٶكٸلدەرٸنٸڭ سانى كٶبەيە تٷسەدٸ دەگەن ٷمٸتتەمٸن.
كومپانييالار يەلەرٸ ٶزدەرٸنٸڭ قول استىندا ەڭبەك ەتٸپ جٷرگەن جاندارعا قارجىلاي دا, مورالدىق تۇرعىدان دا جەردەمدەسەدٸ دەپ سەنەمٸن.
مەسەلەن, ۋاقىتشا دەمالىسقا جٸبەرۋگە مەجبٷر بولعان جاعدايدا ەڭبەككەرلەردٸ اقىلى تٷردە بوساتقان نەمەسە قىسقارتىلعان جۇمىس كەستەسٸنە كٶشكەن ابزال.
وتاندىق بيزنەس ٶكٸلدەرٸن جالدامالى قىزمەتكەرلەردٸ جۇمىستان شىعارماۋعا شاقىرامىن.
سٸزدەر جۇمىس ورىندارىن ساقتاۋ ارقىلى قوعامعا قامقورلىقتارىڭىزدى كٶرسەتەسٸزدەر.
ەلٸمٸزدٸڭ كەن ٶندٸرٸسٸ مەن شيكٸزات رەسۋرستارىن ٶڭدەۋ جەنە ٶنەركەسٸپ سالاسىنداعى ٸرٸ ينۆەستورلار دا ٷكٸمەتپەن, ەكٸمدٸكتەرمەن بٸرلەسە وتىرىپ, ٶزدەرٸ جۇمىس ٸستەپ جاتقان ٶڭٸرلەردٸڭ تۇرعىندارىنا قولداۋ كٶرسەتۋگە تيٸس.
قيىندىقتا قول ۇشىن بەرۋ – يگٸ دەستٷر, حالقىمىزدىڭ قانىندا بار, بويىمىزعا سٸڭگەن اسىل قاسيەت.
ٷشٸنشٸدەن, قازٸرگٸ ۋاقىتتا ەڭ ەۋەلٸ اسا مۇقتاج جاندارعا كٶمەك كٶرسەتۋ كەرەك.
مەنٸڭ تاپسىرماممەن «Nur Otan» پارتيياسىنىڭ جوبالارى اياسىندا 150 ميلليون تەڭگە بٶلٸندٸ.
بۇل قاراجات كارانتين جارييالانعان نۇر-سۇلتان جەنە الماتى قالالارىنداعى ەلەۋمەتتٸك جاعدايى تٶمەن ازاماتتارعا اتاۋلى كٶمەك كٶرسەتۋگە جۇمسالادى.
كوروناۆيرۋس ينفەكتسيياسىنىڭ تارالۋىنا جول بەرمەۋ ٷشٸن مەنٸڭ شەشٸممەن تۇڭعىش پرەزيدەنت قورى ەسەبٸنەن تاعى 200 ميلليون تەڭگە بٶلٸندٸ.
جالپى, كوروناۆيرۋسقا قارسى كٷرەسكە ارنالعان قاراجاتتىڭ دۇرىس جۇمسالۋىن «Nur Otan» پارتيياسى باقىلاۋىندا ۇستايدى دەپ ويلايمىن.
تٶرتٸنشٸدەن, ٷلكەن كٸسٸلەردٸ, بالالار ٷيٸ تەربيەلەنۋشٸلەرٸ مەن ارناۋلى اۋراحانالارداعى ناۋقاستاردى قاجەتتٸ زاتتارمەن ٷزبەي قامتاماسىز ەتۋگە باسا كٶڭٸل بٶلگەن جٶن.
ەلٸمٸزدٸڭ كٶمەككە مۇقتاج ەربٸر ازاماتىنا قامقورلىق كٶرسەتٸلۋگە تيٸس.
قازاقستاندىقتار قيىن كەزەڭدەردە ەردايىم بٸر-بٸرٸنە جەردەمدەسكەن.
بۇل ٸسكە ەرٸكتٸلەر قوزعالىسىنىڭ ٶكٸلدەرٸ دە اتسالىسادى دەپ سەنەمٸن.
بەسٸنشٸدەن, بٸز پاندەمييامەن كٷرەستٸڭ «الدىڭعى شەبٸندە» جٷرگەن دەرٸگەرلەر مەن مەدبيكەلەردٸ, قۇقىق قورعاۋ ورگاندارى مەن ەسكەري قىزمەتكەرلەردٸ قولداۋىمىز كەرەك.
ولاردىڭ يىعىنا اۋىر جٷك تٷسٸپ, زور جاۋاپكەرشٸلٸك ارتىلىپ وتىر.
جۇرتشىلىقتىڭ ولارعا كٶمەكتەسٸپ, تٷسٸنٸستٸك تانىتۋعا جەنە بارلىق نۇسقاۋىن جاۋاپكەرشٸلٸكپەن ورىنداۋعا تىرىسقانى جٶن.
قادٸرلٸ وتانداستار!
بٸزدٸڭ بٸرلٸگٸمٸز – قازٸرگٸ قيىندىقتى ەڭسەرۋدٸڭ كەپٸلٸ.
تەۋەلسٸز قازاقستان تاريحىندا بۇدان دا كٷردەلٸ كەزەڭدەردٸ باستان ٶتكەردٸك.
بارلىق اۋىرتپالىقتى جەڭٸپ, ەردايىم ورتاق وتانىمىزدىڭ گٷلدەنۋٸ جولىندا ەڭبەك ەتٸپ كەلەمٸز.
وسى جولعى سىناقتى دا ەل بولىپ ەڭسەرەمٸز دەپ سەنەمٸن.
قازاقستاننىڭ جولى قيىندىقسىز بولمايتىنىن مەن تەۋەلسٸزدٸكتٸڭ باستاپقى كەزٸندە-اق بٸلگەنمٸن.
بۇل رەتتە تاريح پەن ۋاقىت بٸزدٸڭ جوسپارىمىزعا ٶزگەرٸستەرٸن ەنگٸزەتٸنٸن ەسكەرگەن ەدٸم.
جايما-شۋاق كەزدەردٸڭ ٶزٸندە دە بٸز الدىمىزدان شىعۋى مٷمكٸن سىن-قاتەرلەرگە دايىندالىپ, الماعايىپ ۋاقىتتاردا قاجەت بولاتىن رەزەرۆ قالىپتاستىردىق.
جيناقتالعان التىن-ۆاليۋتا قورى مەن ۇلتتىق قور قاراجاتى ەردايىم بٸزدٸڭ قابىلداعان شارالارىمىز بەن جالپى ۇلتتىق ەكونوميكانى قولداۋعا سەپتٸگٸن تيگٸزدٸ.
قازٸر وسى كٷردەلٸ احۋالدان شىعۋ ٷشٸن قازاقستاندا بارلىق قاجەتتٸ رەسۋرس بار, قور دا جەتكٸلٸكتٸ.
بۇل – بٸزدٸڭ «الدىمەن ەكونوميكا, سوسىن ساياسات» قاعيداتىنا نەگٸزدەلگەن باعىت-باعدارىمىزدىڭ ناقتى نەتيجەسٸنٸڭ بٸرٸ.
جاڭادان مەملەكەت قۇرۋ وڭاي ەمەس, ال ونى سىن-قاتەردەن قورعاۋ جەنە تەۋەلسٸزدٸكتٸ ساقتاپ قالۋ ودان دا قيىن.
بٸزدە تەجٸريبە دە, ناقتى ٸس-ەرەكەت الگوريتمٸ دە بار.
مەن ۇلتتى ۇيىستىرۋدىڭ, بٸرلٸك پەن قوعامداعى كەلٸسٸمنٸڭ ماڭىزدىلىعىن ٷنەمٸ ايتىپ كەلەمٸن.
تۇتاستىعىمىزدى تاعى بٸر رەت دەلەلدەيتٸن كٷن تۋدى.
ەلٸمٸزدٸڭ بارلىق ازاماتتارىن تٶزٸمدٸلٸك تانىتۋعا, مەملەكەت قابىلداپ جاتقان شارالاردى قولداۋعا شاقىرامىن.
بٸرلٸك باردا الىنبايتىن اسۋ جوق.
كەلە جاتقان ناۋرىز مەيرامى – بٸزدٸڭ بٸرلٸگٸمٸزدٸڭ نىشانى.
شۋاقتى مەرەكە قارساڭىندا ەربٸر شاڭىراققا شاتتىق پەن يگٸلٸك تٸلەيمٸن!
بارلىق اۋىرتپالىق بٸزدٸ اينالىپ ٶتكەي.
قازاقستان بۇل قيىندىقتى دا ەڭسەرٸپ, دامۋدىڭ جاڭا كەزەڭٸنە اياق باسادى دەپ نىق سەنەمٸن.
بٸز بٸرگەمٸز!
