قازاقستاننىڭ مەملەكەتتٸك قارىزى ەلەم بويىنشا ەڭ تٶمەن. بۇل تۋرالى كەشە قىتايعا مەملەكەتتٸك ساپارىن قورىتىندىلاپ, قازاقستاندىق باق ٶكٸلدەرٸنە سۇحبات بەرگەن قر پرەزيدەنتٸ نۇرسۇلتان نازارباەۆ ايتتى, دەپ حابارلايدى قازاقپارات تٸلشٸسٸ.
«بٷكٸل ەلەم بويىنشا بٸزدٸڭ مەملەكەتتٸك قارىزىمىز ەڭ تٶمەن. امەريكالىقتاردىڭ قارىزى 14 ترلن دوللارعا تەڭ. بۇل ٸشكٸ جالپى ٶنٸمنەن دە جوعارى. گەرمانييا قارىزى جالپى ٸشكٸ ٶنٸمنٸڭ 90, يتالييادا - 120, يسپانييادا 100 پايىزدى قۇرايدى. ال بٸزدٸڭ قارىزىمىز نە بەرٸ 13 ملرد دوللار عانا. ياعني, جالپى ٸشكٸ ٶنٸمنٸڭ 10 پايىزىنان دا تٶمەن», - دەدٸ نۇرسۇلتان نازارباەۆ.
وسى ورايدا مەملەكەت باسشىسى ەلٸمٸزدٸڭ مەملەكەتتٸك قارىزى ۇلعايىپ كەتپەۋٸن ٷنەمٸ جٸتٸ قاداعالاپ وتىراتىندىعىن ايتتى.
«ال بۇلار (قىتايلىق كومپانييالارمەن بٸرلەسكەن جوبالار) مەنٸڭ ۋاعدالاستىعىمنىڭ, جاقسى قارىم-قاتىناسىمنىڭ ارقاسىندا ورىن الىپ جاتىر. بيزنەسمەندەرگە جاقسى جول اشىپ بەرٸپ وتىرمىن. ولارعا سەنەدٸ, ٶيتكەنٸ مەملەكەتكە سەنٸم ارتادى. بۇل جوبالاردىڭ بارلىعى دا كوممەرتسييالىق, بيزنەس توپتاردىڭ اراسىندا جٷزەگە اسىرىلادى», - دەدٸ ەلباسى.
نۇرسۇلتان نازارباەۆ استانادا جەڭٸل رەلستٸ ترامۆاي جوباسىنا عانا الىناتىن قارىز مەملەكەتتٸكٸ ەكەندٸگٸن اشىق ايتتى.
«بۇل جەر ٷستٸندەگٸ مەترو دەسەك تە بولادى. مۇنى سالۋ مەملەكەتتٸڭ مٸندەتتەمەسٸ. ٶيتكەنٸ, ينفراقۇرىلىمىن سالىپ, تەنيكاسىن ەشكٸم ساتىپ الا المايدى. ينفراقۇرىلىمدى مەملەكەت سالۋى تيٸس», - دەدٸ قر پرەزيدەنتٸ.
