بۇۇ-نىڭ دامۋ باعدارلاماسىنىڭ رەيتينگٸنە سەيكەس, قازاقستان ەلەمدە 55-ورىن يەلەنٸپ, ادامي دامۋ دەڭگەيٸ جوعارى مەملەكەتتەر توبىنا ەندٸ. بۇل تۋرالى ەلباسى نۇرسۇلتان نازارباەۆ پاۆلودار وبلىسىنىڭ جۇرتشىلىعىمەن ٶتكەن كەزدەسۋدە ايتتى. كەزدەسۋگە ەڭبەك سٸڭٸرگەن ارداگەرلەر, ٶندٸرٸستٸك كەسٸپورىنداردىڭ جۇمىسشىلارى, اگرارلىق سالا ٶكٸلدەرٸ, جاستار كٶشباسشىلارى, سپورتشىلار, قوعامدىق ۇيىمدار مەن ەتنومەدەني بٸرلەستٸكتەر جەتەكشٸلەرٸ قاتىستى, دەپ حابارلايدى "ۇلت اقپارات" اقورداعا سٸلتەمە جاساپ.
ەلباسى تەۋەلسٸزدٸك جىلدارىندا دامۋدىڭ ورنىقتى ەكونوميكالىق مودەلٸ جاسالعانىن اتاپ ٶتتٸ.
«نارىقتىق ەكونوميكا ٷشٸن دامۋدىڭ جاڭا «لوكوموتيۆٸنە» اينالعان مىقتى كەسٸپكەرلەر توبى پايدا بولدى. بٷگٸندە ەلٸمٸزدە 1 ميلليون 260 مىڭنان استام شاعىن جەنە ورتا بيزنەس كەسٸپورىندارى بار», – دەدٸ نۇرسۇلتان نازارباەۆ.
مەملەكەت باسشىسى ەلدٸڭ ەلەۋمەتتٸك سالاداعى جەتٸستٸكتەرٸنٸڭ دە ماڭىزدىلىعىن اتاپ ٶتتٸ.
«بۇۇ-نىڭ دامۋ باعدارلاماسىنىڭ رەيتينگٸنە سەيكەس, قازاقستان ەلەمدە 55-ورىن يەلەنٸپ, ادامي دامۋ دەڭگەيٸ جوعارى مەملەكەتتەر توبىنا ەندٸ», – دەدٸ قازاقستان پرەزيدەنتٸ.
سونداي-اق, ەلباسى قازاقستان ەكونوميكاسىنىڭ «يندۋسترييالىق-ٶنەركەسٸپتٸك تٸرەگٸنە» اينالعان ٶڭٸردٸڭ ەلەۋلٸ دامۋ نەتيجەلەرٸنە نازار اۋداردى.
«ٶڭٸردٸڭ ودان ەرٸ دامۋىنىڭ ٸرگەلٸ يندۋسترييالىق بازاسىن قۇراعان اۋقىمدى جوبالار جەمٸستٸ جٷزەگە اسىرىلدى. اتاپ ايتقاندا, قۋاتتىلىعى جىلىنا 250 مىڭ توننا بولاتىن, باستاپقى اليۋمينيي ٶندٸرٸلەتٸن ەلەكتروليز زاۋىتى سالىندى, ول قازاقستاندى تٷستٸ مەتاللۋرگييادان جەتەكشٸ ەلدەر قاتارىنا قوستى. بۇل ماڭىزدى جوبانىڭ دامۋى بارىسىندا «قازەنەرگوكابەل» اكتسيونەرلٸك قوعامىندا اليۋمينيي سىمدارىنىڭ ٶندٸرٸسٸ ٸسكە قوسىلدى. تاعى بٸر ماڭىزدى نىسان – قۋاتتىلىعى جىلىنا 30 مىڭ توننا بولاتىن حلور مەن كٷيدٸرگٸش سودا شىعارۋ جٶنٸندەگٸ «كاۋستيك» اكتسيونەرلٸك قوعامىنىڭ زاۋىتى», – دەدٸ نۇرسۇلتان نازارباەۆ.
ۇلت پورتالى
