نۇرسۇلتان نازارباەۆ سامارقان قالاسىنا بارىپ, ٶزبەكستاننىڭ جۋىردا مارقۇم بولعان پرەزيدەنتٸ يسلام كاريموۆ جەرلەنگەن ورىنعا گٷل شوعىن قويدى. بۇل تۋرالى اقوردانىڭ رەسمي سايتى حابارلادى.
مەملەكەت باسشىسى جينالعاندارعا ارناعان سٶزٸندە يسلام كاريموۆپەن ەكەۋٸن ۇزاق جىلدار بويى بەرٸك دوستىق, شىنايى تٷسٸنٸستٸك, ٶزارا تٸلەۋلەستٸك بايلانىستىرىپ كەلگەنٸن ايتتى.
– ٶزبەكستاندىقتاردىڭ كەلەر ۇرپاعى, مەملەكەت قىزمەتٸندەگٸ باسشىلاردىڭ كەلەسٸ بۋىنى يسلام كاريموۆتى ەردايىم ەستە ساقتايدى دەپ سەنەمٸن. ونىڭ ارتتا قالعان مول مۇراسىن, مەملەكەتتٸك قىزمەتٸنٸڭ نەتيجەلەرٸن ۇرپاق زەرتتەپ-زەردەلەپ, اتقارعان ٸستەرٸن ٶزبەك حالقىنىڭ تاريحىنا التىن ەرٸپتەرمەن جازادى. ول بٷكٸل ەلەمگە تانىمال كٶشباسشى بولدى, ەل ەكونوميكاسىنىڭ قالىپتاسۋى مەن دامۋى, حالىقتىڭ ەل-اۋقاتىنىڭ ارتۋى ونىڭ ەسٸمٸمەن بايلانىستى. بٸز ۇلى ادامنان ايىرىلدىق, – دەدٸ قازاقستان پرەزيدەنتٸ.
سونداي-اق, نۇرسۇلتان نازارباەۆ باۋىرلاس ەلدەرٸمٸز اراسىنداعى تاريحي جەنە ستراتەگييالىق بايلانىستى نىعايتۋ جولىندا ٶزبەكستاننىڭ تۇڭعىش پرەزيدەنتٸ باعا جەتپەس رٶل اتقارعانىنا توقتالدى.
– قازاق پەن ٶزبەك حالقى ەردايىم بٸر-بٸرٸمەن ەتەنە جاقىن بولدى. يسلام ابدۋگانيەۆيچ ەكەۋمٸز 1998 جىلى قوجا احمەت ياساۋي كەسەنەسٸ باسىندا مەڭگٸلٸك دوستىق تۋرالى كەلٸسٸمگە قول قويدىق, بٸزدٸڭ قارىم-قاتىناسىمىز ٷنەمٸ سول كەلٸسٸمگە نەگٸزدەلدٸ. قازاقستان ەرقاشان ٶزبەك حالقىمەن قاناتتاسىپ, قاتار كەلەدٸ جەنە سولاي بولا بەرەدٸ. بٸز سٸزدەرمەن بارلىق قۋانىشتى بٸرگە بٶلٸسٸپ, قيىن كەزدەردە بٸرگە قايعىرامىز, – دەدٸ مەملەكەت باسشىسى.
سونداي-اق, نۇرسۇلتان نازارباەۆ ي.كاريموۆتٸڭ وتباسىمەن كەزدەسٸپ, قازاقستان حالقىنىڭ جەنە جەكە ٶزٸنٸڭ اتىنان شىن نيەتٸمەن كٶڭٸل ايتتى.
ۇلت پورتالى
