قر تۇڭعىش پرەزيدەنتٸ نۇرسۇلتان نازارباەۆ ەۋرازييا كەڭٸستٸگٸندەگٸ گەوساياسي جاعدايعا ەسەرٸن تيگٸزەتٸن قاۋٸپتەردٸ اتادى, دەپ حابارلايدى قازاقپارات تٸلشٸسٸ.
«مەن دە ەۋرازيياداعى گەوساياسي جاعدايعا جاعىمسىز ەسەرٸن تيگٸزەتٸن قاۋٸپتەر جايلى كٶزقاراسىمدى بٸلدٸرسەم دەپ ەدٸم. بٸرٸنشٸدەن, بٸزدٸ كەلە جاتقان داعدارىستان حابار بەرەتٸن ەلەمدٸك ەكونوميكاداعى احۋال الاڭداتادى. ساۋدا تەكەتٸرەستەرٸ ٶسٸپ كەلە جاتقاندىقتان, گەوساياسي تۇراقسىزدىق احۋالىنا ەلەمدٸك ينستيتۋتتار تەرٸس باعاسىن بەرٸپ جاتىر. جاھاندىق ٶسٸمنٸڭ بەسەڭدەۋٸ ەلەمدٸك ساۋداعا تەرٸس ىقپالىن تيگٸزٸپ كەلەدٸ. جاھاندىق مەملەكەتتٸك قارىزدىڭ دەڭگەيٸ 2007 جىلعى داعدارىس الدىنداعى قارىز دەڭگەيٸنەن ەكٸ ەسە ارتىپ, ەلەمدٸك جٸٶ-نٸڭ 80 پايىزىنا جەتتٸ. بۇل فاكتورلاردىڭ بارلىعى ەلەمدٸك تۇراقتىلىقتى تەڭسەلتٸپ, ەۋرازييا ەلدەرٸنە قاتتى ىقپال ەتٸپ وتىر», - دەدٸ نۇرسۇلتان نازارباەۆ Astana Club وتىرىسىندا.
تۇڭعىش پرەزيدەنت Astana Club وتىرىسىنا قاتىسۋشىلاردىڭ بٸرقاتارىمەن جەكە كەزدەسكەنٸن, دەل سول كەزدەسۋلەردە اتالعان مەسەلەلەر تالقىلانعانىن تٸلگە تيەك ەتتٸ.
«ەكٸنشٸدەن, ەلەمدٸك دەرجاۆالار اراسىنداعى بەسەكەلەستٸك جاڭا دەڭگەيگە شىقتى. ٶزارا سانكتسييالار, ساۋدا سوعىستارى – اقش پەن قحر-دىڭ قازٸرگٸ قارىم-قاتىناسىنىڭ قالىپتى جاعدايىنا اينالىپ كەتكەن. اگرەسسيۆتٸ ريتوريكا, ەكونوميكالىق سانكتسييا – باتىس پەن رەسەي اراسىنداعى نەگٸزگٸ قاتىناس تٸلٸ بولىپ تۇر. تۇراقتى كوممۋنيكاتسييا ارنالارىنىڭ بولماۋى احۋالدى ودان سايىن قيىنداتىپ وتىر. جەتەكشٸ دەرجاۆالاردىڭ اراسىنداعى تەكەتٸرەس اۆتوماتتى تٷردە ەۋرازييانىڭ ىستىق نٷكتەلەرٸنە اۋىسىپ وتىرادى. ول جاعداي سيرييا مەن ۋكرايناداعى مەسەلەنٸ بەيبٸت تٷردە شەشۋ امالدارىن قيىنداتادى. ال برەكسيت – سوڭعى ۋاقىتتىڭ نەگٸزگٸ انتيينتەگراتسييالىق وقيعاسىنا اينالدى», - دەدٸ ول.
ايتا كەتسەك, ەلوردادا قر تۇڭعىش پرەزيدەنتٸ نۇرسۇلتان نازارباەۆتىڭ قاتىسۋىمەن Astana Club وتىرىسى ٶتٸپ جاتىر. كەزەكتٸ باسقوسۋعا ەلەمنٸڭ 23 مەملەكەتٸنەن گەوساياسات, ەكونوميكا مەن حالىقارالىق قاتىناستار سالاسىنىڭ ماڭدايالدى ساراپشىسى رەتٸندە مويىندالعان 50-دەن استام حالىقارالىق سپيكەر قاتىسۋدا. قۇرمەتتٸ مەيمانداردىڭ قاتارىندا - 3 بۇرىنعى مەملەكەت باسشىسى, 5 ەكس-پرەمەر-مينيستر, 10 مينيستر جەنە نوبەل سىيلىعىنىڭ لاۋرەاتى بار.
