نازارباەۆ: ەلٸمٸزدە جەتٸمدەر ٷيٸ بولماۋى كەرەك

«بٷگٸنگٸ باسقوسۋدا ناقتى-ناقتى ۇسىنىستار ايتىلىپ جاتىر. بۇل كٶتەرٸلگەن پروبلەمالاردىڭ بەرٸن مۇقييات ساراپتاپ, ٷكٸمەتپەن, پارلامەنتپەن, ٷكٸمەتتٸك ەمەس قوعامنىڭ جۇمىسكەرلەرٸمەن بٸرگە تيٸستٸ باعدارلاما قابىلداۋ قاجەت. بۇل جەردە بارلىعى قاراجاتقا بايلانىستى, بارلىعى اقشا كەرەك دەيدٸ. ول دۇرىس ەرينە. بٸراق, بارلىعى بۇنىمەن شەشٸلمەيدٸ», - دەدٸ نازارباەۆ.

ەلباسى فورۋمدا سٶز سٶيلەگەن BI Group ديرەكتورلار كەڭەسٸنٸڭ تٶراعاسى ايدىن راقىمباەۆتى اتاپ ٶتتٸ. پرەزيدەنت BI Group جاساپ جاتقان جۇمىستارىن ٶركەندەتۋ كەرەكتٸگٸن ايتتى.

بٷگٸنگٸ جيىندا ايدىن راقىمباەۆ ەلٸمٸزدە انالار ٷيلەرٸ اشىلىپ, وسى ارقىلى جەتٸمدەر ازايىپ كەلە جاتقانىن ايتقان بولاتىن. جالپى, جەتٸمدەر مەسەلەسٸن كٶتەرگەن ەدٸ.

«قازٸر كٶپتەگەن بيزنەسمەندەر قايىرىمدىلىقپەن اينالىسادى. انالار ٷيٸ, جەتٸمدەر مەنٸ ٶتە قاتتى الاڭداتادى. مەن قازاقستاندا جەتٸمدەر ٷيلەرٸ بولماۋ كەرەك دەپ ەسەپتەيمٸن. ال ولاردى قالاي بولدىرماۋ كەرەكتٸگٸن, قانداي جولمەن جٷرۋ قاجەتتٸگٸن ول (ايدىن راقىمباەۆ-اۆت.) كٶرسەتٸپ وتىر. بٸزدٸڭ بالالارىمىز مۇحيتتىڭ ار جاعىنداعى تانىمايتىن ٷيگە بارىپ, ەرتەڭ بٶتەن بولىپ كەتەدٸ. ٶسكەندە بەرٸبٸر ەلٸن, جەرٸن ساعىنادى. بٸراق, ولار بٶتەن ادام بولىپ كەلەدٸ, بۇل بەلگٸلٸ عوي. قولىمىز وعان تيگەن جوق, قاراجاتىمىز بولعان جوق, مەملەكەت قيىن-قىستاۋ زاماندا جٷرگەندە بۇل مەسەلەنٸ بٸز جٸبەرٸپ الدىق. بٸراق, ٶزٸمٸزدٸڭ مۇسىلمان دٸنٸندە دە, قازاقتا دا «جەتٸمگە قولىڭدى سوزساڭ, جۇماققا باراسىڭ» دەگەن سٶز بار عوي. ٶزٸنٸڭ ەكٸ-ٷش بالاسى بار ادام تاعى بٸر بالانى بالالار ٷيٸنەن الاتىن بولسا, تەك قانا جاقسىلىققا يە بولادى دەپ سانايمىن», - دەدٸ نۇرسۇلتان نازارباەۆ.