اقوردادا قۇقىق قورعاۋ جەنە ەسكەري قىزمەتكەرلەردٸ ماراپاتتاعان قازاقستان پرەزيدەنتٸ, قارۋلى كٷشتەردٸڭ جوعارعى باس قولباسشىسى نۇرسۇلتان نازارباەۆ ەكٸ بالانى ٶرتتەن قۇتقارعان قورعانىس مينيسترلٸگٸ 61993 ەسكەري بٶلٸمٸ جٶندەۋ روتاسىنىڭ ساربازى عالىمجان ەلەۋحانوۆقا مەملەكەتتٸك ناگرادانى تابىستادى, دەپ حابارلايدى Baq.kz تٸلشٸسٸ.
«قوعامدىق تەرتٸپتٸ جەنە قاۋٸپسٸزدٸكتٸ نىعايتۋعا زور ٷلەس قوسقان دۋلات قۇرماشەۆتٸ ەرەكشە اتاپ ٶتكٸم كەلەدٸ. اسا قاۋٸپتٸ قىلمىسكەرلەرگە قارسى ارنايى وپەراتسييا باسقارىپ ٶتكٸزگەن ول بٸرٸنشٸ دەرەجەلٸ «ايبىن» وردەنٸنە لايىقتى دەپ سانالدى», - دەدٸ پرەزيدەنت سالتاناتتى جيىندا.
سونداي-اق نۇرسۇلتان نازارباەۆ ۇلتتىق قاۋٸپسٸزدٸك كوميتەتٸنٸڭ دەپارتامەنت باسشىسىن بٸرٸنشٸ دەرەجەلٸ «ايبىن» وردەنٸمەن ماراپاتتادى.
«قىزمەتٸن مٸنسٸز اتقارىپ, ەسكەري بٸلٸمگە بٸلٸكتٸ باسشىلىق جاساعانى ٷشٸن جاسۇلان جاقىپوۆقا ەكٸنشٸ دەرەجەلٸ «ايبىن» وردەنٸ بەرٸلەدٸ. بيىل قۇرلىق ەسكەرلەرٸ اراسىندا ٶتكەن كوماندالىق دايىندىق نەتيجەسٸ بويىنشا ول بٸرٸنشٸ ورىنعا يە بولدى», - دەدٸ پرەزيدەنت.
سونىمەن قاتار بٸرٸنشٸ دەرەجەلٸ «ايبىن» وردەنٸ مەملەكەتتٸك كٷزەت قىزمەتٸنٸڭ اپپارات باسشىسى اندرەي كالينين مەن ۇلتتىق قاۋٸپسٸزدٸك كوميتەتٸ دەپارتامەنتٸ باستىعىنىڭ ورىنباسارى دميتريي پلاستوۆەتسكە بەرٸلدٸ.
سالتاناتتى جيىندا ەلباسى ٶز باسىن قاتەرگە تٸگٸپ, ەكٸ بالانىڭ ٶلٸمنەن قۇتقارىپ قالعان 61993 ەسكەري بٶلٸمٸ جٶندەۋ روتاسىنىڭ ساربازى عالىمجان ەلەۋحانوۆتٸڭ ەرلٸگٸنە جوعارى باعا بەردٸ.
«بەيبٸت كٷندە باسىن قاتەرگە تٸگٸپ, ەكٸ بالانى ٶرتتەن قۇتقارعان عالىمجان ەلەۋحانوۆ ەرەن ەرلٸك كٶرسەتتٸ. ونىڭ بۇل ٸسٸ بارشا جۇرتقا ٷلگٸ. سول سەبەپتٸ «ەرلٸگٸ ٷشٸن» مەدالٸمەن ماراپاتتالادى», - دەدٸ نۇرسۇلتان نازارباەۆ.
وسى ورايدا قازاقستان پرەزيدەنتٸ ٶرتتەن ەكٸ بالانى قۇتقارىپ قالعان قر ٸٸم قاراعاندى وبلىستىق تٶتەنشە جاعدايلار دەپارتامەنتٸنٸڭ بٶلٸمشە كومانديرٸ ۆيتاليي كالمىكوۆتى «ەرلٸگٸ ٷشٸن» مەدالٸمەن ماراپاتتادى.
سونداي-اق ەلباسى قورعانىس مينيسترلٸگٸ 53975 ەسكەري بٶلٸمٸ اۆياتسييالىق ەسكادريلياسىنىڭ ەكيپاج كومانديرٸ نۇرلان زالمۇقانوۆتىڭ ەرلٸگٸن دە اتاپ ٶتتٸ.
«ەسكەري قىزمەتتە كەسٸبي بٸلٸكتٸلٸك تانىتقان نۇرلان زالمۇقانوۆ «جاۋىنگەرلٸك ەرلٸگٸ ٷشٸن» مەدالٸمەن ماراپاتتالادى. ول ەسكەري ۇشاقتىڭ اپاتقا ۇشىراۋىن بولدىرماي باتىل قيمىلداپ ادام ٶمٸرٸن ساقتاپ قالدى», - دەدٸ نۇرسۇلتان نازارباەۆ.
