قازاقستان پرەزيدەنتٸ نۇرسۇلتان نازارباەۆ ەۋرازييالىق ەكونوميكالىق وداق جۇمىسىنا باعا بەردٸ, دەپ حابارلايدى قازاقپارات تٸلشٸسٸ.
«بٸز ەۋرازييالىق ەكونوميكالىق وداقتا ورتاق كەدەندٸك اۋماق پەن بٸرتۇتاس اۋقىمدى نارىق قۇردىق. نەگٸزگٸ سالالارداعى ەكونوميكالىق ساياساتتى بٸرلەسە وتىرىپ ٷيلەستٸرەمٸز. ينتەگراتسييالىق پروتسەستەر بٸزدٸڭ مەملەكەتتەرٸمٸزدٸڭ ەكونوميكالىق ٶسٸمٸ قارقىنىنا ايتارلىق ٷلەس قوسۋدا. ونى وسى جەردە پرەزيدەنت ۆلاديمير پۋتين مەن پرەزيدەنت الەكساندر لۋكاشەنكو دا ايتتى. وعان ستراتەگييالىق سالالارداعى وڭ ديناميكا, اۋىل شارۋاشىلىعىنداعى, ٶنەركەسٸپتەگٸ ەكونوميكانىڭ ٶسٸمٸ سەپتٸگٸن تيگٸزٸپ, ەلدەر اراسىنداعى سىرتقى, سونىمەن قاتار ٶزارا ساۋدادا ايتارلىقتاي سەرپٸلٸس ورىن الدى», - دەدٸ نۇرسۇلتان نازارباەۆ جوعارى ەۋرازييالىق ەكونوميكالىق كەڭەستٸڭ كەزەكتٸ وتىرىسى بارىسىندا.
مەملەكەت باسشىسى ٶتكەن جىلى ەاەو-نىڭ سىرتقى ٶزارا ساۋدا كٶلەمٸ سەيكەسٸنشە 24,5-26 پايىزعا ۇلعايعاندىعىن ەسكە سالدى. سونىمەن قاتار, نۇرسۇلتان نازارباەۆ وڭ ديناميكانىڭ اعىمداعى جىلى دا ساقتالىپ وتىرعاندىعىن باسا ايتتى.
«بٸزدٸڭ ۇيىمىمىزدىڭ حالىقارالىق بەدەلٸ دە نىعايا تٷستٸ. بٸزبەن ساۋدا-ەكونوميكالىق ىنتىماقتاستىقتا بولۋعا ۇمتىلاتىن ەلدەردٸڭ قاتارى ارتا تٷسۋدە. تولىقتاي العاندا, قىسقا عانا ۋاقىتتىڭ ٸشٸندە ەاەو اياعىنان نىق تۇرىپ, تولىققاندى ينتەگراتسييالىق بٸرلەستٸك رەتٸندە قالىپتاستى دەپ ايتۋعا بولادى. بٷگٸنگٸ وتىرىس بٸزدٸڭ ۇيىمىمىزدىڭ ودان ەرٸ ٶسۋٸنە جەنە دامۋىنا ايتارلىقتاي ٶز ٷلەسٸن قوساتىندىعىنا سەنٸمدٸمٸن», - دەدٸ قازاقستان پرەزيدەنتٸ.
ايتا كەتەيٸك, رەسەيدٸڭ سوچي قالاسىندا مەملەكەت باسشىلارىنىڭ قاتىسۋىمەن جوعارى ەۋرازييالىق ەكونوميكالىق كەڭەستٸڭ (جەەك) كەزەكتٸ وتىرىسى ٶتۋدە. شاراعا قازاقستان پرەزيدەنتٸ نۇرسۇلتان نازارباەۆ, رەسەي باسشىسى ۆلاديمير پۋتين, قىرعىزستان پرەزيدەنتٸ سوورونباي جەەنبەكوۆ, بەلارۋس باسشىسى الەكساندر لۋكاشەنكو جەنە ارمەنييا پرەمەر-مينيسترٸ نيكول پاشينيان قاتىسۋدا. باسقوسۋدا ەۋرازييالىق ەكونوميكالىق وداق (ەاەو) اياسىنداعى كٶپباعىتتى ىنتىماقتاستىقتىڭ تٷرلٸ اسپەكتٸلەرٸ, ۇيىمنىڭ ۇيىمداستىرۋ-كادرلىق باعىتتاعى شارالارى مەن اعىمداعى جۇمىس بارىسى سٶز بولادى دەپ كٷتٸلەدٸ. كٷن تەرتٸبٸنە 15 مەسەلە قويىلعان. ولاردىڭ ەكەۋٸ شاعىن قۇرامدا قارالادى.
