نۇرسۇلتان نازارباەۆ بۇۇ باس حاتشىسىنىڭ سيرييا بويىنشا ارناۋلى ەلشٸسٸ ستاففان دە ميستۋرامەن كەزدەستٸ, - دەپ حابارلايدى "ۇلت اقپارات" اقورداعا سٸلتەمە جاساپ.
كەزدەسۋ بارىسىندا تاراپتار سيريياداعى قاقتىعىستى رەتتەۋ جٶنٸندەگٸ كەلٸسسٶزدەر مەسەلەسٸن تالقىلادى.
مەملەكەت باسشىسى استانانىڭ كەلٸسسٶزدەر ٶتكٸزۋگە دايىن ەكەنٸن ايتىپ, بارلىق قاتىسۋشىلار ٷشٸن جاعداي جاسالعانىن اتاپ ٶتتٸ.
– مەن رەسەي, تٷركييا جەنە يران پرەزيدەنتتەرٸنٸڭ استانادا كەلٸسسٶزدەر ٶتكٸزۋ جٶنٸندەگٸ ۇسىنىسىن قابىل الدىم. بٸز كەزدەسۋدٸڭ جەمٸستٸ ٶتكەنٸن قالايمىز. قازاقستان كەزدەسۋگە قاتىساتىن تاراپتاردىڭ بەرٸمەن تەڭ ەرٸ سەنٸمدٸ قارىم-قاتىناستا بولعاندىقتان, كەلٸسسٶزدەر قالىپتى ٶتۋ ٷشٸن بارلىق جاعداي جاسالادى دەپ ويلايمىن, – دەدٸ قازاقستان پرەزيدەنتٸ.
نۇرسۇلتان نازارباەۆ سيرييا مەسەلەسٸ بٷگٸندە تاياۋ شىعىستى عانا ەمەس, بٷكٸل ەلەمدٸك قاۋىمداستىقتى الاڭداتىپ وتىرعانىن اتاپ ٶتتٸ.
– تاراپتار دا بولىپ جاتقان وقيعالارعا بٸز سيياقتى الاڭداۋشىلىقپەن قاراپ وتىر دەگەن ٷمٸتتەمٸن. ساراپشىلاردىڭ ايتۋىنشا, قاقتىعىس باستالعالى 300 مىڭنان استام ادام قازا بولعان. وسىنىڭ بەرٸ بٸزدٸ بۇل مەسەلەنٸ بەيبٸت جولمەن عانا شەشەمٸز دەپ ٷمٸتتەنۋگە جەتەلەيدٸ, – دەدٸ مەملەكەت باسشىسى.
قازاقستان پرەزيدەنتٸ بۇۇ-نىڭ ارناۋلى ٶكٸلٸنە استاناداعى كەزدەسۋ جەنەۆاداعى بەيبٸت كەلٸسسٶزدەرگە دايىندىق بارىسىنا ەلەۋلٸ ىقپال ەتەتٸنٸن ايتتى.
ستاففان دە ميستۋرا نۇرسۇلتان نازارباەۆقا استانادا كەلٸسسٶزدەر ٶتكٸزۋگە مٷمكٸندٸك بەرگەنٸ ٷشٸن بۇۇ باس حاتشىسى انتونيۋ گۋتتەريشتٸڭ اتىنان العىس بٸلدٸردٸ.
– سٸزدٸڭ ەلٸڭٸز حالىقارالىق ارەناداعى ەڭ كٷردەلٸ احۋالدى رەتتەۋ ٸسٸندە زور تەجٸريبەسٸن كٶرسەتٸپ, ٷلگٸ بولىپ كەلەدٸ. قازاقستاننىڭ بٸرٸككەن ۇلتتار ۇيىمى قاۋٸپسٸزدٸك كەڭەسٸنە تۇراقتى ەمەس مٷشەلٸگٸ سيرييا قاقتىعىسىن شەشۋدٸڭ قوسىمشا مٷمكٸندٸگٸنە اينالىپ وتىر, – دەدٸ ستاففان دە ميستۋرا.
كەزدەسۋ قورىتىندىسى بويىنشا تاراپتار قارۋلى قاقتىعىستى ودان ەرٸ رەتتەۋ شارالارى جٶنٸندە پٸكٸر الماستى.
.jpeg)