تۇڭعىش پرەزيدەنت نۇرسۇلتان نازارباەۆ بالالارىنا ٶز ويىن ەركٸن جەتكٸزۋگە مٷمكٸندٸك بەرەتٸنٸن ايتتى, دەپ حابارلايدى Sputnik قازاقستان.
"شتريحي ك پورترەتۋ. وتكروۆەنيە" دەرەكتٸ فيلمٸنٸڭ كەزەكتٸ بٶلٸمٸندە نۇرسۇلتان نازارباەۆ بالالارى ٶمٸرلٸك جولىن ٶزدەرٸ تاڭدادى ما دەگەن سۇراققا جاۋاپ بەردٸ.
"بالالارعا تاڭداۋ جاساۋعا مٷمكٸندٸك بەرگەن جٶن. ەدەتتە اتا-انالار بالالارىنىڭ ٶزدەرٸنٸڭ ٸزٸن جالعاستىرعانىن قالايدى. ال ولار اتا-اناسىنا قاراپ ٶسەدٸ. سٶزٸنە ەمەس, ٸس-ەرەكەتٸنە – ول قايدا جۇمىس ٸستەيدٸ, قالاي جۇمىس ٸستەيدٸ, نە ٸستەيدٸ. سول سەبەپتٸ مەن اقىل ايتپايمىن. داريعا تاريح فاكۋلتەتٸن تاڭدادى, وقىپ شىقتى. قالعاندارى دا سولاي", - دەدٸ نازارباەۆ.
ەلباسى تەك بالالارىنا باعىت-باعدار بەرەتٸنٸن اتاپ ٶتتٸ.
"مەديتسينا, بيولوگييا, فارماتسەۆتيكا, ينتەرنەت, جاڭا تەحنولوگييالار, عىلىم. وسىنداي جالپى باعدار بەرەمٸن. قالعانىن ٶزٸ شەشەدٸ", - دەدٸ ەلباسى.
"ٷيدەگٸلەر سٸزبەن داۋلاسا ما, كٶزقاراسىڭىزبەن كەلٸسپەيتٸن كەزدەر بولا ما?", دەگەن ساۋالعا بىلاي دەپ جاۋاپ بەردٸ.
"بەرٸ مەنٸ تىڭدايدى, بٸراق بالالار داۋلاسادى. مەن ولارعا سٶز تالاستىرۋعا, ٶز ويىن جەتكٸزۋگە رۇقسات بەرەمٸن. كەيدە "بٸزدٸڭ سٶزٸمٸزگە بٸرەۋ قۇلاق اسا ما, جوق پا?" دەپ سۇرايدى. مەن "ال, ايتىڭدار" دەيمٸن. مەن ولارعا ەركٸن سٶيلەۋگە جەنە قالاعان نەرسەسٸن جاساۋعا رۇقسات ەتەمٸن", - دەدٸ تۇڭعىش پرەزيدەنت.
