ەلباسى اقمولا وبلىسىنىڭ اكتيۆٸمەن ٶڭٸردٸڭ ەلەۋمەتتٸك-ەكونوميكالىق دامۋ مەسەلەلەرٸ جٶنٸندە كەڭەس ٶتكٸزدٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى كەزدەسۋگە قاتىسۋشىلارعا جەرگٸلٸكتٸ مەسليحاتتىڭ كەزەكتەن تىس سەسسيياسىندا كانديداتۋراسى ماقۇلدانعان وبلىستىڭ جاڭا ەكٸمٸ مەلٸك مىرزاليندٸ تانىستىردى.
قازاقستان پرەزيدەنتٸ وبلىس اكتيۆٸنە ارناعان سٶزٸندە بٸرقاتار كٶرسەتكٸشتەر بويىنشا, اتاپ ايتقاندا ٶنەركەسٸپ, اۋىل شارۋاشىلىعى ٶنٸمدەرٸن ٶندٸرۋ, ينۆەستيتسييالار تارتۋ كٶلەمٸ, سونداي-اق تۇرعىن ٷي قۇرىلىسى جٶنٸنەن ٶڭٸر ەكونوميكاسى دامي تٷسكەنٸن ايتتى.
– اۋقىمدى ٷش داعدارىستى باستان ٶتكەرسەك تە, ەلٸمٸزدەگٸ تۇراقتىلىقتى ساقتاپ قالدىق جەنە ەرٸ قاراي دامىپ كەلەمٸز. ەكونوميكالىق قيىندىقتاردى ەڭسەرۋگە مٷمكٸندٸك بەرەتٸن ۇلتتىق قور جيناقتاي الدىق. ەندٸ الدىمىزدا ەلەمنٸڭ دامىعان 30 ەلٸنٸڭ قاتارىنا قوسىلۋ ماقساتىنا قول جەتكٸزۋ ٷشٸن «قازاقستاننىڭ ٷشٸنشٸ جاڭعىرۋى: جاھاندىق بەسەكەگە قابٸلەتتٸلٸك» اتتى جولداۋدى ٸسكە اسىرۋ اياسىنداعى جاڭا مٸندەتتەر تۇر, – دەدٸ نۇرسۇلتان نازارباەۆ.
ەلباسى ەلەمنٸڭ جاڭا ناقتى احۋالى جاعدايىندا تەحنولوگييالار قارقىندى دامىپ كەلە جاتقانىن اتاپ ٶتٸپ, جولداۋدا كٶرسەتٸلگەن مٸندەتتەردٸ ٸسكە اسىرۋ ٷشٸن جاڭا بٸلٸم مەن تەسٸلدەردٸ قولدانۋ قاجەتتٸگٸنە نازار اۋداردى.
مەملەكەت باسشىسى يندۋسترييالاندىرۋ باعدارلامالارىن جٷزەگە اسىرۋدىڭ, ٶڭٸر جەنە بٷكٸل رەسپۋبليكا بويىنشا ينفراقۇرىلىمدى دامىتۋدىڭ ماڭىزدىلىعىنا توقتالدى.
– تاياۋ جىلدارى قازاقستاندا 7 مىڭ شاقىرىم اۆتوموبيل جولدارى سالىناتىن بولادى. ٶڭٸرلەردٸڭ بارلىعى جوعارى ساپالى ماگيسترالدار ارقىلى بايلانىسادى. ولار بالالارىمىز بەن نەمەرەلەرٸمٸز ٷشٸن مەڭگٸلٸككە قالاتىن بولادى. سونداي-اق, ەۋەجايلار قالپىنا كەلتٸرٸلۋدە. كاسپييدە 2 تەڭٸز پورتى سالىنۋدا. ەلٸمٸزدە جٷزەگە اسىرىلىپ جاتقان بارلىق باعدارلامالار جاڭاشا تەسٸلدەردٸ قولدانۋدى قاجەت ەتەدٸ, – دەدٸ قازاقستان پرەزيدەنتٸ.
سونداي-اق, نۇرسۇلتان نازارباەۆ م.مىرزالينگە وبلىستىڭ اۋىل شارۋاشىلىعى سەكتورىن ودان ەرٸ دامىتۋعا قاتىستى بٸرقاتار مٸندەت جٷكتەدٸ. اتاپ ايتقاندا, مەملەكەت باسشىسى اۋىل شارۋاشىلىعى كووپەراتيۆٸن قۇرۋ, عىلىمي ەلەۋەتتٸ پايدالانۋ ارقىلى ٶنٸمدٸلٸكتٸ ارتتىرىپ, اۋىل شارۋاشىلىعىنا شاعىن نەسيە بٶلۋ, شاعىن جەنە ورتا بيزنەستٸ جانداندىرۋ ارقىلى اگروٶنەركەسٸپ كەشەنٸن دامىتۋدىڭ ماڭىزدىلىعىن ايتتى.
ەلباسى الداعى «ەكسپو-2017» حالىقارالىق كٶرمەسٸ اياسىندا پايدالانىلاتىن وبلىستىڭ تۋريستٸك ەلەۋەتٸن ەرەكشە اتاپ ٶتتٸ.
سوڭىندا قازاقستان پرەزيدەنتٸ قاتىسۋشىلارعا بيىلعى استىقتىڭ مول ولۋىن تٸلەپ, كٶكتەمگٸ ەگٸس جۇمىستارىندا تابىسقا جەتۋلەرٸنە نيەتتەستٸك بٸلدٸردٸ.
.jpeg)