قازاقستان پرەزيدەنتٸ نۇرسۇلتان نازارباەۆ استانادا EXPO-2017 حالىقارالىق مامانداندىرىلعان كٶرمەسٸن اشتى. اشىلۋ سالتاناتى كٶرمە تەرريتوريياسىنداعى كونگرەسس-ورتالىقتا ٶتٸپ جاتىر, - دەپ حابارلايدى kaz.tengrinews.kz تٸلشٸسٸ.
"قوناقجاي قازاقستاننىڭ ەلورداسى - ەسەم استاناعا قوش كەلدٸڭٸزدەر! بٷگٸن بٸزدٸڭ ەلٸمٸزدە عانا ەمەس, دٷنيەجٷزٸلٸك كٶرمەلەر تاريحىندا ايتۋلى كٷن. قازٸر كٶپتەن كٷتكەن حالىقارالىق EXPO-2017 كٶرمەسٸنٸڭ شىمىلدىعى اشىلدى. وسى سالتاناتتى مەرەكەمەن بارشاڭىزدى شىن جٷرەگٸمنەن قۇتتىقتايمىن. بٸز EXPO كٶرمەسٸن تمد جەنە ەۋروپا ەلدەرٸ اراسىندا تۇڭعىش رەت ٶتكٸزگەلٸ وتىرمىز. سٶيتٸپ, قازاق ەلٸنٸڭ ورداسى ايتۋلى كٶرمەنٸ ٶتكٸزگەن ەلەمدەگٸ 35-قالانىڭ قاتارىنا قوسىلدى. استانا ٷش اي بويى بٷكٸل ادامزاتتىڭ جەتٸستٸكتەرٸن ەيگٸلٸ ەتەتٸن باستى الاڭعا اينالادى. تەۋەلسٸز ەل سيمۆولى - استانا ناعىز ححٸ عاسىر قالاسى رەتٸندە جاڭا قىرىنان تانىلاتىن بولادى", - دەدٸ نۇرسۇلتان نازارباەۆ.
سونداي-اق, ەلباسىنىڭ ايتۋىنشا, كٶرمەگە ەلەمنٸڭ 115 مەملەكەتٸ, 22 حالىقارالىق ۇيىمى قاتىسادى. "مەن ولاردىڭ بارلىعىنا حالقىمىزدىڭ اتىنان ريزاشىلىعىمدى بٸلدٸرٸپ, سەتتٸلٸك تٸلەيمٸن", - دەپ العىس بٸلدٸردٸ قر پرەزيدەنتٸ.
ەلباسى حالىقارالىق كٶرمەلەر بيۋروسىنىڭ پرەزيدەنتٸ ستين كريستەنسەن (Steen Christensen) مىرزا, ۇيىمنىڭ باس حاتشىسى ۆيسەنتە لوسسەرتالەسكە العىس ايتتى. "لوسسەرتالەس مىرزا دايىندىق بارىسىندا بٸرنەشە رەت قازاقستانعا كەلٸپ, اتسالىستى, ٶكٸنٸشكە وراي, بٷگٸن كەلە الماي قالدى. قۇرمەتتٸ دوستار, EXPO وسىدان 166 جىل بۇرىن ٶتكەن تۇڭعىش كٶرمەدەن بەرٸ ەردايىم جاڭا يدەيالاردىڭ بەسٸگٸ بولىپ تابىلادى. العاشقى تەلەفون, اتكٶلٸك, كومپيۋتەر, جەر سەرٸگٸ مەن اتوم ەلەكترستانتسيياسى سيياقتى جاڭالىقتىڭ بارلىعىنىڭ تۇساۋى وسىنداي EXPO-دا كەسٸلگەن بولاتىن. سول يگٸ ٷردٸستٸ جالعاستىرعان استانا ەلەمدٸك يننوۆاتسييالىق ورتالىقتىڭ بٸرٸ رەتٸندە تانىلادى دەپ سەنەمٸن. EXPO عىلىمي جاڭالىقتار كٶرمەسٸ عانا ەمەس, بارلىق ەلدەر مەن ٶركەنيەتتەردٸ جالعايتىن التىن كٶپٸر. قازاقستان كٶرمەنٸ جوعارى دەڭگەيدە ٶتكٸزۋ ٷشٸن جان-جاقتى دايىندالدى. الدىڭعى قاتارلى ينفراقۇرىلىم, دەربەس ەنەرگييالار جٷيەسٸ بار EXPO قالاشىعى سالىندى. 100-دەن استام سەۋلەتتٸ عيمارات بوي كٶتەردٸ. استانانىڭ ەلەۋەتتٸك دامۋ جولى دا تىڭ سەرپٸلٸسكە يە بولدى. قالادا جاڭا ەۋەجاي, جاڭا تەمٸرجول كوكزالى پايدالانۋعا بەرٸلدٸ. ەلەمدٸك دەڭگەيدەگٸ قوناقٷيلەر, مەدەني, ويىن-ساۋىق كەشەندەرٸ سالىندى, اشىلدى. وسىنىڭ بارلىعى EXPO-دان كەيٸن دە ەلدٸڭ ورتالىق يگٸلٸگٸنە قىزمەت ەتەتٸن بولادى", - دەدٸ نازارباەۆ EXPO اشىلۋ سالتاناتىندا.
شارا مەملەكەت باسشىلارىنىڭ كٶرمەنٸڭ "نۇر ەلەم" ورتالىق ەكسپوزيتسيياسىنداعى قازاقستان پاۆيلونىنا كەلۋٸنەن باستالدى. مەملەكەت باسشىلارىنىڭ سەلەمدەسۋٸنەن كەيٸن كٶرمەنٸ ارالاۋ مەن قازاقستان پاۆيلونىمەن تانىسۋ جٷرەدٸ. وسىدان كەيٸن ٶزگە ەلدەردٸڭ پاۆيلوندارى تانىستىرىلادى. EXPO-2017 كٶرمەسٸنٸڭ اشىلۋ سالتاناتىنىڭ رەسمي بٶلٸگٸ كونگرەسس-ورتالىقتا ٶتتٸ. ودان كەيٸن امفيتەاتردا كونتسەرتتٸك باعدارلاما كٶرسەتٸلەدٸ. شارانىڭ سوڭىندا كٶرەرمەندەر لازەر شوۋى مەن تاماشا وتشاشۋدى تاماشالاي الادى.
ترانسلياتسييا بارلىق رەسپۋبليكالىق تەلەارنادا تٸكەلەي ەفيردەن كٶرسەتٸلەدٸ. سونداي-اق مەديا ورتالىق 4 تٷسٸرٸلٸم كٶلٸگٸ ارقىلى 60 تٷسٸرٸلٸم ورنىنان حابار تاراتادى.
